Maqtaaralda áskerıler tolarsaqtan saz keship, apat saldaryn joıyp jatyr

MAQTAARAL. QazAqparat - Maqtaaraldaǵy tehnogendik apattyń saldaryn joıý úshin Shymkent qalasynan kelgen 35748 áskerı bólimi kásibı merekesinde tolarsaqtan saz keship, qyzyl sý basqan aımaqtan tabyldy, dep habarlaıdy QazAqparat óńirlik kommýnıkatsııalar qyzmetine silteme jasap.

Uqsas jańalyqtar

Memleket basshysy Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy

Lıvandaǵy qazaqstandyq bitimgerler Beırýttaǵy jarylystan zardap shekken joq QR Qarýly Kúshteriniń jekelegen bólimshelerin kúsheıtý josparlanyp otyr

112 adamnan turatyn topty atalǵan áskerı bólim basshysynyń qarý-jaraq jónindegi orynbasary, podpolkovnık Rahmatýlla Taspolaev bastap kelgen. Olar sý astynda qalǵan eldimekenderdi tazalaý jáne halyqqa kómek berý jumystaryn júrgizip jatyr.

Jol talǵamaıtyn 20 KamAZ tehnıkasyn ala kelgen áskerı bólim qyzmetkerleri men veterınarlyq qyzmet jáne ákimdik ókilderimen birge sý basqan eldimekender ishine kirip, aman qalǵan jan-janýarlardy, zattardy halyqqa jetkizýge kómek berip jatyr. Bul tehnıkanyń mal shyǵynyn esepteýde de róli úlken.

Áskerıler adam aıaǵy bara almaıtyn jerlerge kedergisiz baryp, tabylǵan mal ólekselerin qurǵaq jerge tasýda. Eldimekenderge top-toppen bólingen sarbazdar 6 kún boıy baılaýly turǵan buzaýdy sý qursaýynan aman alyp shyǵyp, veterınar mamandarǵa tabystady.

Budan bólek, mamandar Atakent aýylyndaǵy kómek qolyn qajet etken qoımalarǵa baryp, júk túsirýge de járdem berýde.

Qyzý jumysqa kirisken mamandar kúni keshe Órgebas aýylynda 10 júk kóligine tıelgen qumdy qapqa salyp, uzyndyǵy 1,5 shaqyrym bolatyn damba turǵyzdy.