+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Áskerıler otbasy: Úıde de temirdeı tártip bolǵanyn qalaımyz

2020 jylǵy 7 mamyr 15:16
Bólisińiz:
Áskerıler otbasy: Úıde de temirdeı tártip bolǵanyn qalaımyz

ALMATY. QazAqparat – Qazaqstan áskeriniń bedelin arttyryp, abyroıyn asqaqtata túsýge úlesin qosyp júrgen áskerı qyzmetshiler barshylyq. Solardyń biri Qurlyq áskerleri Áskerı ınstıtýtynyń materıaldyq qamtamasyz etý basqarmasynyń tehnıkalyq qamtamasyz etý bóliminiń bastyǵy — podpolkovnık Sáken Esov.

Ofıtser – armııada basty tulǵa, keńesshi, aqylshy. Osy jaǵynan alǵanda Sáken Esov jas ta bolsa qulshynysy mol, jigerli ofıtser. Óz mamandyǵynyń maıtalmany.

Sákenniń bala kezinen áskerı qyzmetshi bolsam degen armany ony áskerı kadrlardyń ustahanasy Qurlyq áskerleri Áskerı ınstıtýtyna jetelep ákeldi. Bilimi men qaısar mineziniń arqasynda ol kýrsant atandy.

«Áskerı qyzmetshi bolý meniń basty armanym boldy. Oǵan oqýshy kezimnen daıyndaldym. Sportpen shuǵyldandym. Aqyry ózim qalaǵan oqýǵa tústim. 4 jyl oqyp, qolyma dıplom alǵan soń osy jerde jumys isteýge qaldym. Leıtenant shenin aldym»,– dedi Sáken Esov.

Sáken Esov qyzmetin vzvod komandıri laýazymynan bastady, keıinnen rota komandıri bolyp taǵaıyndaldy. Qaramaǵyndaǵy jeke quramǵa qamqor bola bildi. Ár isti ádil sheship, namys pen jegerin qamshylaı bilgen keıipkerimizdiń áskerı laýazymy ósip, bólim basshysyna deıin kóterildi. Podpolkovnık atandy.

«Biz Otan aldyndaǵy mindetimizdi minsiz oryndaýymyz kerek. Sol úshin ómirińdi qııý kerek bolsa, odan da bas tartpaýǵa tıistimiz. Óıtkeni, bizdiń minsiz qyzmetimiz el úshin, memleket úshin óte mańyzdy. Men Otannyń qandaı buıryǵy bolsa oryndaýǵa ázirmin. Kúni búginge deıin men basshylarymnyń buıryǵyn qalt jibermeı oryndap kelemin. Aldaǵy ýaqytta da solaı bolaryna kimdi de bolsa sendire alamyn», – deıdi podpolkovnık.

Ujymda syıly basshy bola bilgen Sáken Esovtyń jary Qarlyǵash Asambaeva da Qurlyq áskerleri Áskerı ınstıtýtynda áskerı qyzmet atqarady. Kishi serjant Qarlyǵash Asambaeva ınstıtýttyń oqý ádistemelik basqarmasynyń qupııa kitaphanasynyń meńgerýshisi.

«Jubaıymyz ekeýmiz de áskerı adam bolǵandyqtan, úıde de temirdeı tártip bolǵanyn qalaımyz. Eki ulymyz bar: Damır jáne Dastan. Balalarymyz sabaqqa yntaly, oqý ozaty, alǵyr bolyp ósip keledi. Bizdiń ınstıtýttyń «Jas urpaq» patrıottyq klýb mýsheleri. Áskerı ómirge kishkentaılarynan daıyn. Bolashaqta ákeleriniń jolyn qýyp ofıtser bolsaq dep armandaıdy. Fýtboldy jaqsy kóredi. Ol bizdiń otbasylyq súıikti hobbıimiz. Uldar fýtbol sektsııasyna qatysady. Demalys kúnderi ákelerimen birge fýtbol oınaıdy», – deıdi Qarlyǵash Asambaeva.

Sákenniń pikirinshe, patrıot adam áskerı qyzmetinde ǵana emes, barlyq jerde de patrıot bolýy tıis. Jalpy, halqyńa adal qyzmet etseń, eńbegiń esh ketpeıdi.

«Bárimiz de Otan aldyndaǵy mindetti oryndaý paryzymyz dep bilemiz. Al áskerı adam úshin ol paryz ǵana emes, sózsiz mindet. Men osyny uqtym. Saıyp kelgende, eldiń patrıoty bolýdyń ózi – úlken abyroı, maqtan. Men barsha qazaqstandyqtardy Otan qorǵaýshylar kúnimen quttyqtaımyn! Otabastaryńyzǵa amandyq, denderińizge saýlyq tileımin»,– dep túıindedi podpolkovnık Sáken Esov.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT