+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Bas múftı barsha musylman qaýymyn adamzattyń amandyǵy úshin bir mezette duǵa jasaýǵa úndedi

2020 jylǵy 8 sáýir 14:42
Bólisińiz:
Bas múftı barsha musylman qaýymyn adamzattyń amandyǵy úshin bir mezette duǵa jasaýǵa úndedi

NUR-SULTAN. QazAqparat - Qazaqstan musylmandary dinı basqarmasy barsha musylman qaýymyn 10 sáýir, juma kúni namaz ýaqytynda «Biz – birgemiz, tilegimiz – ortaq» degen ıgi bastama aıasynda kúlli adamzattyń amandyǵy úshin bir mezette alaqan jaıyp, duǵa jasaýǵa úndedi, dep habarlaıdy QazAqparat tilshisi.

Uqsas jańalyqtar
Atyraý oblysyna 55 jedel járdem kóligi jetkiziledi Berdibek Saparbaev Prezıdenttiń tapsyrmalaryn júzege asyrý boıynsha keńes ótkizdi Medıtsınalyq uıymdardyń jumysyn qadaǵalaıtyn halyqtyq baqylaý quramyz - Alekseı Tsoı

«Asa qamqor, erekshe meıirimdi Allanyń atymen bastaımyn! Áýeli barlyq madaq álemderdiń Rabbysy Allaǵa tán. Adamzattyń asyly Muhammed Paıǵambarǵa onyń otbasy men barsha sahabalaryna salaýat pen sálem bolǵaı! Assalamý alaıkým ýa rahmatýllahı ýá bárákátýhý! Qurmetti Din Basshylary, musylman baýyrlar! Búginde COVID-19 koronavırýs juqpaly derti jer betindegi álem jurtshylyǵyn alańdatyp otyrǵany barshańyzǵa málim. Ókinishke qaraı, bul indetten álemde myńdaǵan adam kóz jumdy. Álemde osy dertten qaza taýyp, qara jamylǵan otbasylardyń qaıǵylaryna ortaqtasyp, kóńil aıtamyn. Alla aldynan jarylqasyn! Ómirdi synaq mekeni dep bilgen musylman balasy basyna qıyndyq tússe, tózimdilik tanytady, nyǵmetke bólense, shúkir etedi. Qıyndyqty sabyrǵa jeńdirgen pende Allanyń meıirimine bólenedi. Alla Taǵala: «Sózsiz Biz senderdi qorqynyshpen, ashtyqpen jáne dúnıe-múlikterińdi, jandaryńdy, sondaı-aq jemisterińdi alý arqyly synaımyz. Sabyr etýshilerdi súıinshile!» («Baqara» súresi, 155-aıat) degen. Alla Taǵala synaqqa sabyr etip, saýapqa kenelgen pendelerinen etkeı!», - dedi Bas múftı Qazaqstan musylmandary dinı basqarmasynyń resmı saıtynda jarııalanǵan úndeýinde.

Qazaqstan musylmandary dinı basqarmasynyń tóraǵasy qazirgi tańdaǵy bul aýyr indet kúlli adamzat balasyna qater tóndirip turǵanyn basa aıtady.

»Biz (Barlyǵymyz) Adam ata jáne Haýa anadan taraǵan bir úmbetpiz. Qasıetti Quran Kárimde: «Ýa, adam balalary! Bárińdi bir jannan jaratqan hám odan jubyn jaratyp, ol ekeýinen kóptegen erler men áıelder órbitip, jer betine taratqan Rabbylaryńa qarsy kelýden saqtanyńdar!» («Nısa» súresi, 1-aıat) degen. Ardaqty Paıǵambarymyz (oǵan Allanyń salaýaty men sálemi bolsyn): «Ýa, adamdar! Senderdiń barlyǵyń Adam atadan, al Adam topyraqtan jaratyldy ...» dep birlikke úndegen. Rasynda, eshkimniń ulty, násili, tegi Jaratqannyń quzyrynda bir-birinen artyq emes. Quranda: «Ýa, adamzat balasy! Biz senderdi bir Ata, bir Anadan jarattyq. Sondaı-aq bir-birlerińdi tanýlaryń úshin senderdi ártúrli ult-ulysqa, rý-taıpaǵa bóldik. Rasynda, Allanyń aldynda eń ardaqtylaryń – taqýalaryń» («Hujurat» súresi, 13-aıat) delingen. Álemde etek alǵan indettiń aldyn alýda adamzat Uly Jaratýshynyń meıirimine muqtaj ekendigin aıqyn sezinýde. Sol úshin árbir ult ókili, barsha adam balasy judyryqtaı jumylyp, shyn júrekten Jaratqanǵa jalbarynyp, adamzattyń amandyǵyn suraıtyn syndarly sátte turmyz. Allanyń ardaqty Elshisi (oǵan Allanyń salaýaty men sálemi bolsyn): «Duǵa – musylmannyń qorǵany», – degeni barshańyzǵa málim. Osy rette Qazaqstan musylmandary dinı basqarmasy ıslam áleminiń ǵulamalaryn, kúlli din qaıratkerlerin, din salasynyń oqytýshy-ustazdary men Quran qarılaryn jáne barsha musylman qaýymyn 10 sáýir, juma kúni namaz ýaqytynda «Biz – birgemiz, tilegimiz – ortaq» degen ıgi bastama aıasynda kúlli adamzattyń amandyǵy úshin bir mezette alaqan jaıyp, duǵa jasaýǵa úndeıdi. Asa meıirimdi Alla Taǵala kúlli adamzat balasyna amandyq-saýlyq berip, aýrý-syrqaýdan aıyǵyp, qýanyshty kúnderge tezirek jetýin násip etkeı», - dep atap ótken Naýryzbaı qajy Taǵanuly.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT