+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO-da sottalǵandar shampınon ósirýdi qolǵa aldy

2020 jylǵy 7 sáýir 17:33
Bólisińiz:
SQO-da sottalǵandar shampınon ósirýdi qolǵa aldy

PETROPAVL. QazAqparat – Soltústik Qazaqstan oblysynyń túzetý mekemelerinde jazasyn ótep jatqandardyń 71% jumyspen qamtylǵan, dep habarlaıdy QazAqparat tilshisi.

SQO boıynsha Qylmystyq-atqarý júıesi departamenti baspasóz qyzmetiniń málimetinshe, óńirdegi bes túzetý mekemesinde 780 sottalǵan jazasyn ótep jatyr. Olardyń eńbekke jaramdy bóliginiń 71% búginde kolonııa aýmaǵynda ashylǵan túrli óndiriste jumys istep jatyr.

«Eńbek-Qyzyljar» mekemesinde 152 sottalǵan eńbek etedi. Jıhaz, plastıkalyq terezeler, trotýar plıtkalaryn, temir buıymdaryn jasaýmen, tigin tsehynda tósek-oryn, mektep formalaryn, arnaıy kıim, aıaq kıim tigýmen jáne naýbaıhanada nan pisirip, makaron ónimderin jasaýmen aınalysady. Sottalǵandardy belgili bir kásipke beıimdep, jumyspen qamtýdyń mańyzy zor. Olar eńbek etý arqyly qaryzyn óteıdi ári jańa mamandyqty meńgerý arqyly bostandyqqa shyqqasyn jumyssyz qalmaıdy», - deıdi SQO boıynsha QAJD bastyǵy Rýstan Ahmetjanov.

R.Ahmetjanovtyń aıtýynsha, budan basqa mekemelerdiń aýmaǵynda 7 jeke kásipkerlik pen 4 JShS jumys isteıdi. Olar sottalǵandardyń 128 jumyspen qamtyǵan.

Petropavlda ornalasqan ES 164/6 mekemesinde eki jyl buryn jylyjaı ashyldy. 100 sharshy metr aýmaqty alyp jatqan bul jerde búginde qyzanaq, qııar, kók jýa, askók pen aqjelken ósirilip jatyr. Jaqynda olardyń qataryna sańyraýqulaq qosyldy.


«Eńbekaqymyz jaqsy. Artylǵanyn úıge jiberemiz. Men óz jumysymdy jaqsy kóremin. Jylyjaıda ósimdikterdi sýaryp, kútý arqyly demalamyn. Qandaı isti bolmasyn unatyp isteý kerek, sonda nátıjesin kóresiń. Biz bul jerden qysy-jazy jaqsy ónim alyp jatyrmyz. Endi sańyraýqulaq ósirýdi qolǵa aldyq. Bilmegenimizdi arnaıy ádebıetten úırenip jatyrmyz. Raýshan gúldi ósirýdi de josparlap otyrmyz», - deıdi jazasyn óteýshi Olesıa Rýsak.

Kásipkerler túzetý mekemeleri aýmaǵynda jylyjaılardan bólek, omarta jasaý isin jolǵa qoıǵan. Sottalǵandar qurylys materıaldaryn shyǵaryp, avtosheberhanalarda jumys isteıdi. Qaz-úırek ósirip, kádesyılar jasaıdy.

«Bizdiń mekemelerdiń aýmaǵynda kásiporyn ashqan jaǵdaıda kásipkerlerge kóptegen jeńildikter jasalady. Ǵımaratty jalǵa alý aqysyz beremiz, tek kommýnaldyq shyǵyndardy óteıdi. Kommýnıkatsııa tolyq tartylǵan, sondaı-aq kúzetke shyǵyndalmaıdy. Jaqynda ES 164/3 mekemesinde kúnbaǵys maıyn jáne ES 164/6 mekemesinde sýemýlsııalyq boıaý shyǵaratyn tsehtardy ashý josparlanǵan», - deıdi SQO boıynsha QAJD bastyǵy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT