+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Almaty oblysynda qylmystar sany 40 % tómendedi - polıtsııa

2020 jylǵy 30 naýryz 04:05
Bólisińiz:
Almaty oblysynda qylmystar sany 40 % tómendedi - polıtsııa

TALDYQORǴAN. QazAqparat - Almaty oblysy Polıtsııa departamentiniń aqparatyna sáıkes, óńirdegi krımınogendik jaǵdaı qalypty, dep habarlaıdy QazAqparat tilshisi.

Elimizde tótenshe jaǵdaı jarııalanǵannan beri óńirdegi qylmystar sany 40,7 paıyzǵa tómendedi.

Naqty aıtqanda, qylmystyq quqyq buzýshylyqtyń barlyq túrlerinde tómendeý baıqalady. Onyń ishinde:

- kisi tonaý - 36, 8%;

- buzaqylyq - 31,25%;

- ózgeniń múlkin urlaý -56,7%;

- zorlaý -33,3%;

- mal urlyǵy -25,5 %;

- densaýlyqqa qasaqana aýyr zııan keltirý - 21,8%

- ózgeniń kóligin aıdap ketý - 22,2% jáne t.b.

Mysaly, Altyn Orda bazarynyń aýmaǵynda 1 urlyq deregi tirkelip, ol izi sýymaı ashyldy. Qarasaı aýdanynda ózgeniń múlkin urlaýdyń 29 deregi tirkelgen. Ótken jyly osyǵan uqsas 74 qylmys jasalǵan bolatyn.

Sonymen qatar, tótenshe jaǵdaı engizilgeli beri oblys aýmaǵynda kisi óltirý nemese qaraqshylyq shabýyl syndy aýyr qylmystar tirkelmegenin atap ótý qajet.

Esterińizge sala keteıik, Almaty qalasyna kire beris joldarǵa 17 blokbeket qoıylǵan bolatyn. Negizgi mindet – qoǵamdyq qaýipsizdikti qamtamasyz etý, sondaı-aq koronovırýs indetiniń taralýynyń aldyn alý. Eń kóp blokbeket Qarasaı aýdanynyń aýmaǵynda ornalastyrylǵan. Osy ýaqyt aralyǵynda atalǵan beketter aýmaǵynda qandaı da bir quqyq buzýshylyq tirkelgen joq.

Degenmen, 42 adam QR ÁQbK 476-babyna sáıkes ákimshilik jaýapkershilikke tartyldy. Onyń ishinde 40 adam óńirge kirip-shyǵýdyń erekshe tártibin buzǵany úshin, al eki azamat kóp adam qatysatyn is-shara uıymdastyrýǵa salynǵan tyıymdy buzǵany úshin jazaǵa tartyldy.

Olardyń otyzyna 3 táýlikten 10 táýlikke deıingi ákimshilik qamaý túrindegi sanktsııa qoldanylsa, qalǵandaryna 10 AEK mólsherinde aıyppul salyndy.

Sonymen qatar, Taldyqorǵan qalasynan shyǵaberisterde, Іle jáne Qarasaı aýdandarynda qoǵamdyq tártipti baqylaıtyn jaıaý patrýlderdiń jumysy uıymdastyryldy.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT