+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Plastıkti ydyratatyn mıkroaǵza tabyldy – Álemdik baspasózge sholý

2020 jylǵy 29 naýryz 17:46
Bólisińiz:
Plastıkti ydyratatyn mıkroaǵza tabyldy – Álemdik baspasózge sholý

NUR-SULTAN. QazAqparat –«QazAqparat» HAA ádettegideı nazarlaryńyzǵa álemdik baspasózge sholýyn usynady.

Uqsas jańalyqtar
Ýhandaǵy mektepterde oqý qaıta jandanady

Ulybrıtanııa halqynyń jartysy koronavırýs juqtyrǵan bolýy múmkin – Financial Times


Oksford ǵalymdary Ulybrıtanııa halqynyń jartysy koronavırýs juqtyrǵan bolýy múmkin ekenin boljady, dep jazady Financial Times.

Olardyń aıtýynsha, buǵan deıin ǵalymdar boljaǵannan da kóp adam aýrý juqtyrǵan bolýy múmkin.

«Vırýs juqtyrǵandardyń kópshiliginde jeńil sımptomdar bolýy nemese aýrý belgileri shyqpaýy múmkin. Bul ǵalymdarǵa keń aýqymdy serologııalyq zertteý bastaý kerektigin kórsetedi», - deıdi teorııalyq epıdemıologııa professory Sýnetra Gýpta.

Oksford ýnıversıtetiniń Infektsııalyq aýrýlardyń evolıýtsııalyq ekologııasy toby júrgizgen zertteý COVID-19 Ulybrıtanııaǵa qańtar aıynyń ortasynda jetkenin kórsetti. Basqa da kóptegen jańa ınfektsııalar sekildi ol basynda baıqalmaı tarap jatty. Al resmı túrde ınfektsııa aqpan aıynyń aıaǵynda tirkeldi.

«Ǵalymdardyń aıtýynsha, modeldeý «toptyq ımmýnıtetke» nazar aýdarady. Onyń ıdeıasy boıynsha, vırýs kóp adamda oǵan turaqty ımmýnıtet qalyptasqanda, ıaǵnı belgili bir adamdar aýyryp shyqqanda keń taraýyn toqtatady. Eger testileý nátıjesi buny dáleldese, Ulybrıtanııada engizilgen shekteýler erterek alynyp tastalýy múmkin», - dep jazady basylym.

Vırýstan kez kelgen maska qorǵamaıdy – Der Standard


«Qorǵanys maskalary ınfektsııanyń juǵýynan qorǵaýy tıis, degenmen maskalardyń barlyq modeli bul qyzmetti atqara almaıdy», - dep jazady Der Standard.

Avtor Azııa elderinde tumaý kezinde maska taǵý qalypty qubylys ekenin jazady.

«Koronavırýs bastalǵannan keıin Eýropa men AQSh halqy da qorǵanys maskalaryn taǵa bastady. Tipti, maskanyń qory azaıyp jatyr deýge de bolady. Maska defıtsıt taýarǵa aınalǵanda, adamdar ónertapqyshtyǵymen erekshelenip jatyr. Tipti, ınternette maskany matadan óz qolyńmen tigýge bolatynyn kórsetetin nusqaýlyqtar da bar. Degenmen, mundaı joldy tańdaǵan adamdar matanyń vırýstan qorǵamaıtynyn bilýi tıis», - dep jazady basylym.

Avtordyń jazýynsha, tumaýmen aýyratyn adam mundaı maska taǵý arqyly tek aınalasyndaǵy adamǵa vırýs juqtyrmaıdy. Al deni saý adamdy ol qorǵaı almaıdy.

«Saý adamdardyń mata men qaǵazdan tigilgen maska taǵýy esh nátıje bermeıdi jáne bul tek psıhologııalyq turǵyda senimdilik berýi múmin», - deıdi Venanyń Medıtsına ýnıversıtetiniń gıgıena ınstıtýty ǵalymdary. Olardyń aıtýynsha, maskanyń materıaly tyǵyz bolýy tıis, sebebi vırýstyń kólemi óte kishkentaı keledi.

«Hırýrgııalyq maska birneshe qabattan turady. Degenmen, onyń materıaly tyǵyz bolmaǵandyqtan, onyń da vırýstan qorǵaý múmkindigi tómen. Dúnıejúzilik densaýlyq saqtaý uıymy, Robert Koh ýınstıtýty men Avstrııanyń densaýlyq jáne qaýipsizdik máseleleri agenttigi saý adamdarǵa makamen ǵana qorǵanbaı, gıgıena erejelerin saqtaýdy, qoldy jıii jýyp, betti ustamaýǵa, adamdarmen qashyqtyqty saqtaýǵa jáne túshkirý etıketin saqtaýǵa keńes beredi», - dep jazady avtor.


Halyqaralyq is-sharalar koronavırýs oshaǵyna aınalady. Nege? – Daily Mail


Halyqaralyq is-sharalar koronavırýs oshaǵyna aınalady. Ǵalymdar júrgizgen zertteý nátıjesinde halyqaralyq sharalardan kóz jumǵan adamdardyń 80 paıyzyna jýyǵynda tumaý juǵatynyn anyqtady, dep jazady Daily Mail.

«Ǵalymdar halyqaralyq buqaralyq sharalarǵa barý respıratorly aýrýlardyń juǵý kórsetkishin arttyratynyn anyqtady. Zertteý barysynda 2015 jyldyń tamyz aıy men 2019 jyldyń sáýir aıy aralyǵyndaǵy 28 memlekettegi 68 klınıkalyq mekemelerdiń deregi eskerildi. Sol arqyly halyqaralyq sharalardyń densaýlyqqa áseri anyqtaldy», - dep jazady avtor.

Zertteý nátıjesi kórsetkendeı, shetelden kelgen adamdardyń 80 paıyzǵa jýyǵy respıratorly aýrýmen aýyrǵan. Onyń ishinde tumaý men pnevmonııa 26 jáne 20 paıyzdy qurady. Jalpy alǵanda olardyń kóbi shetelde buqaralyq sharalar kezinde aýrý juqtyrǵan bolyp shyqty.

«Aýrý juqtyrýdyń eń kóp kórsetkishi Mekke qalasynda tirkelgen. Respıratorly aýrýlardy juqtyrýdyń eń úlken kórsetkishi qajylyq kezinde tirkelgen. Odan keıingi orynda sporttyq sharalar tur. Zertteýshilerdiń aıtýynsha, Olımpıada oıyndary da aýrý oshaǵyna aınala alady», - dep jazady avtor.


Plastıkti ydyratatyn mıkroaǵza tabyldy – The Guardian


Ǵalymdar plastık qaldyqtaryn jınaıtyn qoqys ornynda polıýretandy ydyrata alatyn bakterııa tapty. Bul plastık qaldyqtaryn óńdeý ındýstrııasyna jańa lep berýi múmkin, dep jazady The Guardian.

Avtordyń aıtýynsha, bul polıýretandy ydyrata alatyn alǵashqy bakterııa.

«Jyl saıyn mıllıondaǵan tonna plastık óndiriledi. Degenmen, qaldyqtar ýtılızatsııalanbaı, qoqysqa jiberiledi. Munyń sebebi – plastıkti óńdeý óte qıyn», - dep jazady avtor. Onyń jazýynsha, negizinen plastıktiń ydyraýy kezinde kóptegen bakterııalar tiri qalmaıdy. Degenmen, jaqynda tabylǵan mıkroaǵza bul protseske tózimdi bolyp shyqty.

«Endi ǵalymdar mıkroaǵza kómegimen plastık qaldyqtaryn óńdeýge kirisý úshin kóptegen jumys atqarýy tıis. Bul jańalyq polıýretan ónimderdi ýtılızatsııalaýǵa múmkindik beretin mańyzdy qadam», - deıdi zertteý tobysyn múshesi, Ekologııalyq zertteýler ortalyǵynyń ǵalymy German Haıpıper. Onyń aıtýynsha, bul jańalyq problemany sheshedi dep bosańsýǵa bolmaıdy, kerisinshe, plastıkti tastamaı, qorshaǵan ortany lastamaǵan jón.

Aıta ketý kerek, 1950 jyldan beri álemde 8 mıllıard tonnadan astam plastık óndirilgen jáne onyń kóp bóligi qazirgi tańda tabıǵatty lastap jatyr. Ǵalymdar plastık tabıǵı ortany ýlaıtynyn da aıtyp dabyl qaǵyp júr.



Bizdiń kanalymyzǵa jazylyńyz:

#BAQ   #Álem  
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT