+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Almatyda úıirmeler, kýrstar men trenıngterge onlaın qatysýǵa bolady

2020 jylǵy 29 naýryz 18:28
Bólisińiz:
Almatyda úıirmeler, kýrstar men trenıngterge onlaın qatysýǵa bolady

ALMATY. QazAqparat –Almaty qalasynyń mádenıet basqarmasy turǵyndardyń mádenı ómirin qoldaý maqsatynda onlaın rejımde birqatar is-sharalar uıymdastyrdy dep habarlaıdy QazAqparat tilshisi.

Jambyl atyndaǵy jasóspirimderdiń qalalyq kitaphanasy bazasynda 16 naýryzdan bastap kitap oqý men sholý, trenıngter jáne shyǵarmashylyq úıirmeler týraly kúndelikti habar taratylyp jatyr. Al, S.Begalın atyndaǵy memlekettik balalar kitaphanasynda oqýshylarǵa arnalǵan «Shahmat akademııasy» men «Fızıka jáne matematıka» onlaın úıirmeleriniń kórsetilimi júrýde.

28 naýryzdan bastap Almaty Creative shyǵarmashylyq úıirmesiniń YouTube arnasynda tikeleı efıri bastaldy. Túrli tehnıkamen sýret salý boıynsha balalar men eresekterge arnalǵan sheberlik sabaqtaryn kásibı kórkem bilimi men 10 jyldan astam pedagogıkalyq tájirıbesi bar Masterclass.almaty shyǵarmashylyq stýdııasynyń oqytýshylary júrgizedi.

30 naýryzdan bastap osy Almaty Creative úıirmesiniń YouTube arnasynda mektep oqýshylaryna arnalǵan shyǵarmashylyqty damytý mektebiniń oqytýshylary júrgizetin «Jeke tulǵany mádenı mura arqyly damytý» onlaın-kýrsy bastalady. Kýrs qazaq jáne orys tilderindegi 10 onlaın-trenıngten turady. Sabaqtarǵa dáristerden basqa praktıkalyq jattyǵýlar da kiredi. Kýrs bastaýysh synyp oqýshylaryna arnalǵan jáne shyǵarmashylyq pen zamanaýı oqytýdyń kreatıvti tehnologııasyn biriktiredi.


Sonymen qatar, 30 naýryzdan bastap zamanaýı óner týraly bilim alańy onlaın formatta bastalady. Úsh apta boıy atalǵan mektep qatysýshylaryna Qazaqstan jáne álemdik zamanaýı óner tarıhy, jańa tehnologııalar, fılosofııa jáne óner menedjmenti týraly dárister qoljetimdi bolamaq.

«Almaty qalasynyń ákimi B.Saǵyntaevtyń tapsyrmasymen biz balalarymyz ben jasóspirimderdiń mádenı-gýmanıtarlyq damýy boıynsha onlaın jobalardy, sondaı-aq eresekterge arnalǵan paıdaly kýrstardy júzege asyryp jatyrmyz. Aldaǵy ýaqytta biz vokal, balet, akterlik sheberlikke arnalǵan onlaın-mektepter ashýdy josparlap otyrmyz», — dedi Almaty qalasy Mádenıet basqarmasynyń basshysy Ernar Qurmashev.

Aıta keteıik, joǵaryda kórsetilgen onlaın-sharalardyń bári tegin jáne Almaty Creative úıirmesiniń YouTube arnasynda, almatycreative.kz. saıtynda qoljetimdi. Anonstar men sabaq kesteleri @almaty.creative jáne @almatymadeniet. akkaýnttaryna ornalastyrylady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT