+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Elordada karantın aýmaǵyn zańsyz kesýdiń 56 faktisi anyqtaldy

2020 jylǵy 26 naýryz 14:11
Bólisińiz:
Elordada karantın aýmaǵyn zańsyz kesýdiń 56 faktisi anyqtaldy

NUR-SULTAN. QazAqparat – Nur-Sultan qalasynda naýryzdyń 19-25 aralyǵynda karantın aýmaǵyn kesip ótý boıynsha 56 fakti anyqtaldy. Bul týraly qalalyq Polıtsııa departamentiniń basshysy Erjan Sádenov málim etti, dep habarlaıdy QazAqparat.

«Atalmysh ýaqyt aralyǵynda elordaǵa kirip-shyǵýdyń erekshe rejımin buzǵany úshin 56 azamat ákimshilik jaýapkershilikke tartyldy. Onyń ishinde 31 azamat 15 táýlikke ákimshilik qamaýǵa alynyp, 9 azamatqa 10 AEK kóleminde aıyppul salyndy. Al qalǵan 16 tulǵaǵa qatysty materıaldar sottyń qaraýyna joldandy», – dedi Erjan Sádenov.

Polıtsııa málimetinshe, karantın aýmaǵyn zańsyz kesip ótpek bolǵan 56 oqıǵanyń 10-y karantın talabyn avtokólikpen buzýǵa qatysty tirkelgen.

«Adamdar karantın aýmaǵyn aınalma joldarmen, sondaı-aq jazyq dala arqyly ótpek bolǵan. Mundaı faktilerdiń barlyǵynyń joly kesildi. Aıtalyq, karantın aýmaǵynyń irgesinde eldi meken bar: tártip buzýshy aýylǵa 5 lıtr araqty jaıaý alyp ótpek bolǵan. Alaıda ol sol jerde ustaldy», - dedi bas polıtseı.

Esterińizge salsaq, 19 naýryzda elordalyq Polıtsııa departamenti qyzmet atqarýdyń erekshe rejımine kóshirildi. Osyǵan baılanysty Nur-Sultan qalasynyń perımetrimen (Jibek joly, Qosshy, Qaraótkel, Talapker jáne Qoıandy eldi mekenderi qamtylǵan) 7 blokbeket ornatyldy.

Qadaǵalaý beketteriniń arasynda jedel toptar jumys isteıdi. Olar jol talǵamaıtyn kóliktermen jáne áýeden baqylaý drondarymen qamtamasyz etilgen. ІІB málimetinshe, búgingi kúni aınalma jol arqyly patrýldik jasaqtar ilese otyryp, 2 myńnan astam avtokólik jáne 3 600 azamat tranzıttik marshrýtpen ótti. Oǵan qosa, Nur-Sultan qalalyq prokýratýrasynyń úılestirýimen ýaqytsha shekteýler men sharalardyń zańdy júzege asyrylýyn qadaǵalaýdy qamtamasyz etý maqsatynda quramyna prokýratýra, polıtsııa jáne memlekettik kiris qyzmetkerleri shoǵyrlanǵan jedel top quryldy.




Bizdiń kanalymyzǵa jazylyńyz:

Basty sózder: Nur-Sultan, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT