+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Qazaqstan shekarasynda qaýipti azyq-túlikti kirgizbeý sharalary kúsheıtildi

2020 jylǵy 18 naýryz 11:23
Bólisińiz:
Qazaqstan shekarasynda qaýipti azyq-túlikti kirgizbeý sharalary kúsheıtildi

NUR-SULTAN. QazAqparat - Búginde Qazaqstanda 63 veterınarııalyq baqylaý beketi bar, onda 228 memlekettik veterınarııalyq-sanıtarııalyq ınspektor qyzmet etedi, dep habarlaıdy QazAqparat QR Aýyl sharýashylyǵy mınıstrligine silteme jasap.

EAEO elderinen taýarlardy ótkizý kezinde baqylaýdy kúsheıtý úshin qosymsha 32 veterınarııalyq baqylaý beketi RF jáne Qyrǵyz Respýblıkasy shekarasynyń boıynda ornatylǵan.

Atalmysh baqylaý beketterin ornatýǵa Qyrǵyzstandaǵy janýarlar aýrýy boıynsha qubylmaly jaǵdaı jáne shekaranyń Reseı jaǵy bóliginde aldyn ala habarlaý pýnktin qurýy sebep boldy.

2020 jyldyń basynan beri qosymsha ornatylǵan 32 veterınarlyq baqylaý beketinde 19,5 myń tonna taýar, mıllıonǵa jýyq mal men qus, 32,3 mln taýyq jumyrtqa tasymaldaǵan 2 663 avtokólik tekserildi. Nátıjesinde ınspektorlar 93 avtokólikti keri qaıtaryp, jalpy somasy 835 065 teńgege aıyppul saldy.

2019 jyl boıy veterınarlyq baqylaý beketterinde 755 myń tonnaǵa jýyq júk, 623,5 myń bas mal men qus, 70,7 mln jumyrtqa tasymaldaǵan 6 863 avtokólik tekserilip, onyń 213 júk kóligi keri qaıtarylyp, mıllıon teńgeden astam aıyppul salyndy.

Budan basqa, Qazaqstannyń Ózbekstan Respýblıkasy jáne QHR memlekettik shekarasy boıynda 31 syrtqy veterınarlyq-baqylaý beketi jumys istep tur (14 - avtojolda, 6–temirjolda, 2 – teńiz portynda, 9 – halyqaralyq áýejaılarda).

Bul beketterde baqylaýdy 88 ınspektor júzege asyrady.

16 naýryzdaǵy jaǵdaı boıynsha syrtqy beketterde 1 286 avtokólik, 766 temir jol kóligi, 55 teńiz júgi qaraldy. Jalpy somasy 79 530 teńgege ákimshilik quqyq buzýshylyq týraly 6 hattama toltyryldy (júkterdi ilespe veterınarııalyq qujattarsyz tasymaldaǵany úshin, veterınarııalyq ruqsattyń bolmaýy, júrý baǵytyn saqtamaǵany, dezınfektsııa aktisiniń bolmaýy, qulaq syrǵalarynyń jáne t. b. bolmaýy), baqylaýdaǵy júgi bar 25 avtokólik keri qaıtaryldy.

Barlyq 63 baqylaý-ótkizý beketterinde veterınarııalyq ınspektorlar júkterdi tekserý aktilerin avtomatty rejimde toltyrady jáne olardy QR Aýyl sharýashylyǵy mınıstrliginiń aqparattyq júıesine engizedi.


Foto: voxpopuli.kz
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT