+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Bıyldan bastap pestıtsıdterdiń basqa túrleri sýbsıdııalanady - mınıstr

2020 jylǵy 17 naýryz 11:22
Bólisińiz:
Bıyldan bastap pestıtsıdterdiń basqa túrleri sýbsıdııalanady - mınıstr

NUR-SULTAN. QazAqparat – QR Aýyl sharýashylyǵy mınıstri Saparhan Omarov tyńaıtqyshtarmen tolyqtaı qamtamasyz etý maqsatynda oblys ákimdikterine sýbsıdııalar tizbesi men normalaryn bekitýdi jedeldetýdi surady, dep habarlaıdy QazAqparat tilshisi.

Uqsas jańalyqtar

«2019 jyldyń qorytyndysy boıynsha respýblıkanyń aýyl sharýashylyǵy eńbekkerleri 470 myń tonna mıneraldy tyńaıtqysh (onyń 402 tonnasy nemese 85 paıyzy – sýbsıdııalanǵan tyńaıtqyshtar) qoldandy. Osy maqsattarǵa 19 mlrd teńge somasynda sýbsıdııa tólendi.

Ótken jyldyń qorytyndysy boıynsha tyńaıtqyshtardy qoldaný kórsetkishi ǵylymı qajettiliktiń 18 paıyzyn qurady. Qostanaı jáne Soltústik Qazaqstan oblystarynda jaqsy kórsetkishter baıqalady, atalǵan oblystar tyńaıtqyshtardy qoldaný kólemin aıtarlyqtaı ulǵaıtýda», - dedi mınıstr Úkimet otyrysynda.

Osy oraıda ol ózge oblystarda tyńaıtqyshtardy sebý tómen deńgeıde ekenin atap ótti.

«Oblystardyń jergilikti bıýdjetterinde 2020 jylǵa 23,3 mlrd teńge kózdelgen, bul shamamen 480 myń tonna mıneraldy tyńaıtqysh satyp alýǵa múmkindik beredi. Búgingi tańda barlyq óńirlerde derlik sýbsıdııalar normalary bekitilmegen. Osyǵan baılanysty kóktemgi dala jumystary maýsymynda aýyl sharýashylyǵy eńbekkerlerin tyńaıtqyshtarmen tolyqtaı qamtamasyz etý maqsatynda oblys ákimdikterine sýbsıdııalar tizbesi men normalaryn bekitýdi jedeldetýdi usynamyz», - dedi S. Omarov.

Ósimdikterdi qorǵaý quraldaryn qoldanýǵa toqtalǵan mınıstr, ótken jyly barlyq egis alańy gerbıtsıdtermen óńdelgenin atap óttti. Aýyl sharýashylyǵy taýaryn óndirýshiler 27,4 mlrd teńge sýbsıdııa somasyna 13,3 mln lıtr gerbıtsıd qoldandy. Bıyldan bastap gerbıtsıdter ǵana emes, pestıtsıdterdiń basqa túrleri de sýbsıdııalanatyn bolady. Oblystardyń jergilikti bıýdjetterinde 2020 jylǵa pestıtsıdterdi sýbsıdııalaýǵa 30,8 mlrd teńge qarastyrylǵan.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT