+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Sapaly tuqym alý maqsatynda sýbsıdııalaý tetigi ózgertiledi - AShM

2020 jylǵy 17 naýryz 10:27
Bólisińiz:
Sapaly tuqym alý maqsatynda sýbsıdııalaý tetigi ózgertiledi - AShM

NUR-SULTAN. QazAqparat – Tuqymdy Qazaqstannan alǵandar da, sheteldik óndirýshilerden tikeleı satyp alǵandar da sýbsıdııalyq qoldaýǵa ıe bolady. Búgin Úkimet otyrysynda QR Aýyl sharýashylyǵy mınıstri Saparhan Omarov osylaı málim etti, dep habarlaıdy QazAqparat tilshisi.

«Otandyq jáne ımporttyq selektsııanyń sapaly tuqymdaryna fermerlerdiń teń qol jetkizýin qamtamasyz etý maqsatynda sýbsıdııalaý tetigin ózgertý josparlanýda. Sýbsıdııany tuqymdy Qazaqstannan alǵandar da, sheteldik óndirýshilerden tikeleı satyp alǵandar da alady. Eski tetikte bul kózdelmegen edi. Elıtalyq tuqym ósirý sharýashylyqtaryna biregeı tuqym satyp alǵan jaǵdaıda qoldaý kórsetiledi», - dedi S. Omarov.

Osy oarıda ol ákimdikter tuqymnyń sapalyq kórsetkishterine, olardyń suryp jáne egis sapalaryna sáıkestigine erekshe nazar aýdarýy qajettigin atap ótti.

«Qazirgi jaǵdaıda quıylǵan tuqymnyń jalpy kóleminiń 77,4 paıyzy ǵana tekserildi, egis standartynyń talaptaryna olardyń 56 paıyzy, onyń ishinde 1-synypqa 38 paıyzy, 2-synypqa 10 paıyzy, 3-synypqa 8 paıyzy sáıkes keledi. Búgingi kúni dándi daqyldardyń sebiletin tuqymdyq materıalyn 100 paıyz óńdeý qamtamasyz etilmeıdi. Osyǵan baılanysty oblys ákimdikterine aýyl sharýashylyǵy taýaryn óndirýshilerdegi tuqym materıalynyń egis sapasyn ýaqtyly tekserýdi jáne tuqymdardy daıyndaý men dárileý boıynsha qajetti sharalar qabyldaýdy usynamyz», - dedi vedomstvo basshysy.

Budan buryn habarlanǵandaı, bıyl aýyl sharýashylyǵy daqyldary 22,5 mln gektar alańǵa egiledi.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT