+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Alma ımportyn almastyrý úshin 12,5 myń gektar alańda baq ósiriledi

2020 jylǵy 16 naýryz 12:34
Bólisińiz:
Alma ımportyn almastyrý úshin 12,5 myń gektar alańda baq ósiriledi

NUR-SULTAN. QazAqparat – Alma ımportyn almastyrý úshin 12,5 myń gektar alańda baq ósiriledi. Bul týraly Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.

«Alma óndirý kólemi sońǵy 3 jyl ishinde 15 paıyzǵa (188 myń tonnadan 216,5 myń tonnaǵa) ulǵaıdy. Otanymyzda óndirilgen almamen qamtamasyz etilý kólemi 63 paıyzdy qurady. Alma ımportyn almastyrý úshin 2024 jylǵa qaraı qosymsha 12,5 myń gektar alańda baq ósiriletin bolady, olar 105 myń tonna alma óndirýge múmkindik beredi», - dedi mınıstri Parlament Májilisindegi Úkimet saǵatynda.

Budan bólek S. Omarov qant ónerkásibin damytý úshin qoldaýdyń júıeli sharalary qabyldanyp jatqanyn atap ótti.

«Qant qyzylshasyn óndirý 345 myń tonnadan 486 myń tonnaǵa deıin ulǵaıdy, túsimdilik gektaryna 285 tsentnerden 325 tsentnerge deıin ósti. Elimizde óndirilgen qantpen qamtamasyz etilý kólemi 7 paıyzdan 14 paıyzǵa deıin ósti. Shıkizat bazasyn damytý josparlanýda, bul rette qant qyzylshasynyń egis alańdaryn keńeıtýdi qosymsha sýarmaly jerlerdi qalpyna keltirý jáne soltústik óńirlerde qant salasyn damytý esebinen júzege asyrý kózdelýde. Jumys istep turǵan zaýyttar jańǵyrtylyp, Jambyl men Pavlodar oblystarynda jalpy qýaty jylyna 216 myń tonna qant óndiretin 2 jańa qant zaýyty paıdalanýǵa beriletin bolady», - dedi mınıstr.

Budan buryn habarlanǵandaı, Májilistegi Úkimet saǵatynda Aýyl sharýashylyǵy mınıstri Saparhan Omarov qaı ónimder ımporttalatynyn aıtty.

Sonymen qatar vedomstvo basshysy elimizde shamamen 5,8 mln tonna sút óndirilgenimen, sút zaýyttarynyń júktelýi qazir shamamen 65 paıyzdy qurap turǵanyn jetkizdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT