+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

QR Prezıdenti birqatar memlekettiń elshilerinen senim gramotalaryn qabyldady

2020 jylǵy 27 aqpan 18:56
Bólisińiz:
QR Prezıdenti birqatar memlekettiń elshilerinen senim gramotalaryn qabyldady

NUR-SULTAN. QazAqparat - Qazaqstan Prezıdenti Qasym-Jomart Toqaev birqatar memlekettiń elshilerinen senim gramotalaryn qabyldady, dep habarlaıdy QazAqparat Aqordaǵa silteme jasap.

Aqorda rezıdentsııasynda birqatar memlekettiń jańadan taǵaıyndalǵan tótenshe jáne ókiletti elshileriniń Qazaqstan Prezıdentine senim gramotalaryn saltanatty túrde tapsyrý rásimi ótti.

Memleket basshysyna Túrkııa Respýblıkasynyń elshisi Ýfýk Ekıdjı, Bolgarııa Respýblıkasynyń elshisi Boıan Hadjıev, Saýd Arabııasy Koroldiginiń elshisi Abdýlazız Abdýlla Ál-Daýd senim gramotalaryn tabys etti.

Memleket basshysy sheteldik elshilerdi Qazaqstandaǵy dıplomatııalyq jumystarynyń resmı bastalýymen quttyqtap, olardyń izgi mıssııalaryna tabys tiledi.

Saltanatty shara barysynda Prezıdent árbir elshimen jeke-jeke sóılesti.

Qasym-Jomart Toqaev Ýfýk Ekıdjımen áńgimelesý barysynda Qazaqstan men Túrkııa arasyndaǵy qarym-qatynastardyń strategııalyq sıpatyn atap ótip, ekijaqty seriktestiktiń odan ári nyǵaıa túsetinine senim bildirdi. Prezıdent Túrkııa basshylyǵynyń Elbasy Nursultan Nazarbaevqa Túrki keńesiniń Qurmetti tóraǵasy mártebesin berý jónindegi bastamasyna, sondaı-aq, baýyrlas eldiń «Astana protsesine» belsendi qatysqany úshin rızashylyq bildirdi.

«Osy sátti paıdalana otyryp, áriptesim Prezıdent Erdoǵanǵa júrekjardy sálemimdi joldaımyn. Biz onyń bıylǵy sáýir aıynda Qazaqstanǵa jasaıtyn resmı saparyn asyǵa kútemiz», – dedi Qasym-Jomart Toqaev.

Qazaqstan Prezıdenti Boıan Hadjıevten senim gramotasyn qabyldaý kezinde Bolgarııamen aradaǵy yqpaldastyqtyń dostyq sıpatyn atap ótti. Memleket basshysy Nıý-Iorkte ótken BUU Bas Assambleıasy 74-sessııasynyń alańynda Prezıdent Rýmen Radevpen jáne Bolgarııanyń Vıtse-prezıdenti Ilııana Iotovamen Nur-Sultan qalasynda kezdeskenin aıtty.

«Osy kóktemde Bolgarııa Prezıdentiniń Qazaqstanǵa saparyn asyǵa kútemiz. Onyń sapary tabysty bolatynyna jáne eki el arasyndaǵy yntymaqtastyqtyń damýyna tyń serpin beretinine senimdimin», – dedi Memleket basshysy.

Qasym-Jomart Toqaev Abdýlazız Abdýlla Ál-Daýdpen áńgimelesý kezinde ekijaqty qatynastardyń qazirgi deńgeıi men mán-mańyzyn joǵary baǵalap, ınvestıtsııalyq baılanystardyń nyǵaıyp kele jatqanyn, munaı-gaz, hımııa, atom jáne jańartylǵan energııa kózderin paıdalaný salalaryndaǵy yntymaqtastyqtyń áleýeti zor ekenin erekshe atap ótti.

«Biz Saýd Arabııasynyń Taq murageri Muhammed ben Salmandy Qazaqstanǵa sapar jasaıdy dep kútemiz. Eger ol saparmen bıyl kelse, óte jaqsy bolar edi», – dedi Qazaqstan Prezıdenti.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Úmbet Sholpan
Úmbet Sholpan
954-059

MURAǴAT