+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Abaı mereıtoıyna oraı SQO aqyndarynyń músháırasy ótti

2020 jylǵy 27 aqpan 22:08
Bólisińiz:
Abaı mereıtoıyna oraı SQO aqyndarynyń músháırasy ótti

PETROPAVL. QazAqparat – Soltústik Qazaqstan oblysynda uly Abaıdyń 175 jyldyq mereıtoıyna oraı «Óleń – sózdiń patshasy» atty aımaqaralyq jas aqyndar músháırasy ótti, dep habarlaıdy QazAqparat tilshisi.

Jas aqyndar saıysyn uıymdastyrýshy – Petropavldaǵy Ǵ.Músirepov atyndaǵy balalar-jasóspirimder kitaphanasy. «Óleń-sózdiń patshasy» atty aımaqaralyq jas aqyndar saıysyna soltústik óńirlerdiń: Nur-Sultan qalasynyń, Aqmola, Qaraǵandy, Qostanaı, Pavlodar oblystarynyń jáne Qyzyljar óńiriniń birinshi kezeńnen súrinbeı ótken jastary qatysty.

Aqyndar talap boıynsha ózderiniń buǵan deıin esh jerde jarııalanbaǵan eki týyndysyn: birinshisi Abaıǵa arnaý, ekinshisi erkin taqyrypta jazylǵan óleńderin tanystyrdy. Baıqaýǵa Jazýshylar odaǵynyń SQOF tóraǵasy, qoǵam qaıratkeri, jýrnalıst Jarasbaı Súleımenov pen halyqaralyq «Alash» ádebı syılyǵynyń ıegeri, Qazaqstan jazýshylar odaǵynyń Nur-Sultan qalasyndaǵy fılıalynyń dırektory, aqyn – Dáýletkereı Kápuly qazylyq etti.


Nátıjesinde, bas júldeni Pavlodar oblysynyń týmasy Júsipbek Aımaýytov atyndaǵy qazaq sazdy-drama teatry basshysynyń orynbasary Jarqynbek Amantaıuly ıelense, birinshi oryndy M.Qozybaev atyndaǵy SQMÝ 2 kýrs stýdenti Abylaıhan Áshimhan, ekinshi oryndy Qaraǵandy oblysynan Saltanat Qaıyrbek, úshinshi oryndy Kókshetaý qalasynan Qýanysh Ospanov ıelendi.

«Aldyn ala daıyndaldyq, tolǵanys boldy. Óıtkeni basqaǵa arnaýdy jazsa jaza salatyn shyǵarmyz. Biraq hákim Abaıǵa jazý óte aýyr. Abaıdy mektep qabyrǵasynda «Ǵylym tappaı maqtanbadan», odan eseıe kele «Kózimniń qarasynan» asyp tanı alǵan joqpyz, shynyn aıtý kerek. Abaıǵa qazir basqasha kózqaras kerek. Jalpy qazaq eline, Abaıdy jańa prızmadan qaraý, jańashyldyqpen qaıtadan basqasha jurtshylyqqa tanytý qajet dep oıdamyn. Sondyqtan bul óleń biraz tolǵanyspen týdy», - deıdi bas júlde ıegeri Jarqynbek Amantaıuly.

Basqa qatysýshylar: «Maǵjan Jumabaev», «Sábıt Muqanov», «Ǵabıt Músirepov», «Segiz seri», «Muhtar Áýezov», «Kákimbek Salyqov» , «Safýan Sháımerdenov», «Erik Asqarov» atyndaǵy arnaıy júldelermen marapattaldy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT