Turmysy tómen otbasylardan shyqqan jas talanttarǵa qoldaý kórsetiledi – «Dostar daýysy» jobasynyń avtory

ALMATY. QazAqparat – Bıyl respýblıkalyq «Dostar daýysy» baıqaýyna -20 jyl. Osy ýaqyt aralyǵynda bul joba myńdaǵan ónerli balalardyń juldyzyn jaqty, dep habarlaıdy QazAqparat tilshisi.

Uqsas jańalyqtar

Qostanaı arhıvine Tatarstannan qundy qujattar ákelindi

ShQO-da tarıhı-ólketaný mýzeıinde selfı kúni ótti Qazaqtyń «Taqııaly perishtesi» ómirden ozdy «Astana Balet» sahnasynda Marıın teatrynyń solısteri óner kórsetedi

«Dostar daýysy» jobasy – «Qýyrmash», «Ónerli bala – súıkimdi», «Áp bárekeldi» syndy ataýlarmen 1995-1996 jyldary «Alataý» telarnasynyń efırinen shyqqan balalar mýzykalyq baǵdarlamasynyń jalǵasy.

2000 jyldan beri joba halyqaralyq deńgeıde «Dostar daýysy» ataýymen jemisti jumys istep keledi. 4 óner janrynan quralǵan saıys – qazaq ultynyń mádenıetinen syr shertedi. Umyt qalǵan dástúrdi jańǵyrtyp, ónerlini anyqtaıdy. Naǵyz daryndyny damytyp, kópshiliktiń aldynda tanymaldylyq syılaıtyn baıqaý búginde talaı talantty túletken.

«Dostar daýysy» baıqaýynyń maqsaty – jas talanttardy tabý, olarǵa durys baǵyt-baǵdar berý, ónerin damytý, úlken sahnaǵa alyp shyǵý. Bul oraıda bizdiń shyǵarmashylyq top aıanbaı eńbek etýde. Osy jıyrma jyl ishinde biz Ispanııa, Shvetsııa, Italııa, Bolgarııa, Reseı, Mysyr, Grekııa, Vengrııa, tipti Baltyq mańy elderinen І,ІІ,ІІІ dárejeli 3000 laýreat, І,ІІ,ІІІ dárejeli 3500 dıplomant, 35 bas júlde ıegerin daıyndap shyqtyq»,– deıdi baıqaý avtory Qalken Qasymbekov.

Onyń aıtýynsha, «Tasada qalǵan tulǵalar» jobasy aıasynda kópbalaly jáne turmysy tómen otbasylardan shyqqan talantty balalarǵa qoldaý kórsetiledi.

Aıta keteıik, «Dostar daýysy» baıqaýynyń 20 jyldyǵyna arnalǵan merekelik kontsert 29 aqpan kúni Almaty qalasyndaǵy Oqýshylar saraıynda ótedi. Oǵan 200-den astam jas óren qatysady.