+7 (701) 759 90 19
USD 402.37 EUR 449.81
RUB 5.86 CNY 56.67
Jańalyqtar

Koronavırýs: Saýd Arabııasy umra qajylyǵyna keletinderdiń elge kirýine tyıym saldy

2020 jylǵy 27 aqpan 12:52
Bólisińiz:
Koronavırýs: Saýd Arabııasy umra qajylyǵyna keletinderdiń elge kirýine tyıym saldy

ER-RIıAD. QazAqparat – Saýd Arabııasy koronavırýstyń taralýyna baılanysty umra qajylyǵyna keletinderdiń elge kirýine tyıym saldy, dep habarlaıdy QazAqparat Arab News-ke silteme jasap.

Sheteldik qajylar elge jyl saıyn Mekkege barar aldynda nemese odan keıin Medınadaǵy Paıǵambar meshitine keledi.

Bul beısenbi kúni tańerteń jarııalanǵan birqatar saqtyq sharalarynyń biri. Koroldiktiń Densaýlyq saqtaý organdary vırýstyń taralyp ketpeýin muqııat baqylaýǵa aldy. Koronavırýstyń taralý qaýpi joǵary delingen elderdiń týrıst vızasyn alǵan azamattaryna da elge kirýge tyıym salǵan.

Elge kirý beketterinde densaýlyq saqtaý organdary Saýd Arabııasyna kelmes buryn qaı elderge baryp-qaıtqanyn shekkenin tekseredi.

Saýd Arabııasy sheneýnikteri elge kelýge shekteý ýaqytsha ekenin jáne densaýlyq saqtaý organdary osy sheshimdi keıin qaıta qaraıtynyn atap ótti. Olar vırýstyń taralýyn boldyrmaýǵa baǵyttalǵan halyqaralyq sharalardy Koroldiktiń qoldaıtynyn jáne júzege asyratynyn málimdedi, al Syrtqy ister mınıstrligi azamattaryn koronavırýspen aýyratyn elderge barmaýǵa shaqyrdy.

Aıta ketý kerek, jyl saıyn 7 mıllıonǵa jýyq adam umra qajylyǵyna barý úshin Koroldikke keledi. Olardyń kópshiligi Jıdda men Medına áýejaılarynda bolady.

Buǵan deıin Bahreın men Kýveıtte koronavırýs juqtyrǵandardyń arasynda jeti arab azamaty bar ekeni habarlanǵan bolatyn. Bahreın Densaýlyq saqtaý mınıstrligi sársenbide alty arab áıeliniń vırýsqa tekserilgen testi oń nátıje kórsetti dep málimdedi.


Bizdiń kanalymyzǵa jazylyńyz:

Basty sózder: Din, Álem, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT