+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Memleket basshysy «Air Astana» áýe kompanııasynyń prezıdentin qabyldady

2020 jylǵy 24 aqpan 18:03
Bólisińiz:
Memleket basshysy «Air Astana» áýe kompanııasynyń prezıdentin qabyldady

NUR-SULTAN. QazAqparat – Memleket basshysy «Air Astana» áýe kompanııasynyń prezıdenti Pıter Fosterdi qabyldady, dep habarlaıdy Aqorda.

Kezdesý barysynda Pıter Foster Qasym-Jomart Toqaevqa ulttyq áýe kompanııasynyń qazirgi jaǵdaıy men ony damytýdyń jospary, atap aıtqanda, jolaýshylar tasymalynyń ishki kólemin arttyrý jáne jańadan ashylǵan sheteldik baǵyttar, áýe bıletteriniń baǵasyn arzandatý sharalary jaıynda baıandady.

Pıter Fosterdiń aıtýynsha, «Fly Arystan» enshiles áýe kompanııasyn ashqannan beri Qazaqstan álemdegi áýe tasymaly boıynsha ishki naryǵy jyldam damyp kele jatqan elderdiń qataryna qosylǵan.

Sonymen qatar ol Qazaqstan Prezıdentine kompanııanyń áýe parkiniń jańalanǵany, onyń ishinde, «Boeing-757» ushaqtarynyń uzaq jolǵa arnalǵan «Airbus A321» áýe kemesine almastyrylyp jatqany týraly aıtty. Budan bólek 2023 jylǵa deıin «Boeing-787» ushaqtaryn satyp alý jónindegi josparymen bólisti.

Memleket basshysy «Ashyq aspan» rejımin odan ári damytýdyń jáne jańa shet eldik baǵyttardy ashý, onyń ishinde, Sıngapýr, Nıý-Iork sekildi álemniń basqa da iri qalalarymen qatynas ornatýdyń mańyzdylyǵyn atap ótti.

Qasym-Jomart Toqaev el azamattary úshin áýe bıletterin arzandatý baǵytynda júrgizilip jatqan jumystarǵa basa mán berdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT