Jankúıerler Dımashty Qazan áýejaıynda qoshemetpen qarsy aldy

QAZAN. Tatar-ınform - QazAqparat – Osy ýaqytta Tatarstan astanasy Qazanda Dımash Qudaıbergenniń jeke kontserti ótýde, dep habarlaıdy QazAqparat.
Tatar-ınform agenttiginiń jazýynsha, Qazan áýejaıynda Dımashty ondaǵan jankúıer, tipti eńbek ardageri qarsy alyp, onyń qolyn aldy.
Qazaqstandyq ártis Tatarstanǵa ata-anasy Svetlana jáne Qanat Aıtbaevtarmen birge keldi. Jankúıerler olarǵa da úlken qoshemet kórsetti.
Fanattar kezdesýge úlken daıyndyqpen kelgen, olardyń qoldarynda úlken bálish, gúlder, syılyqtar boldy. Syılyqtardyń arasynda bashqurt halqynyń mýzykalyq aspaby quraı da bar. Olar qara kózildirik kıgen ánshini kóre sala esimin daýystap aıǵaılap: «Tatarstanda sizdi qatty tostyq. Kezekti ret. Sizdi qatty jaqsy kóremiz», - dep jatty. D.Qudaıbergen bolsa, ózine tán qarapaıymdylyqpen jyly qabyldaýlary úshin alǵysyn bildirdi.
«Dımash ásirese ardagerge erekshe kóńil aýdaryp, onymen qol alysty. Fotoǵa túsý barysynda iltıpat bildirip, qara kózildirigin sheshti. Aıta keteıik, qarsy alýshylar arasynda Tatarstannyń ǵana turǵyndary bolǵan joq. Olarmen birge Kanada, Fınlıandııa jáne Qazaqstannan «týǵan» fanattar boldy», - delingen agenttik aqparatynda.
«Búgin biz Tatarstanǵa keldik. «Arnaý» atty kezekti jeke kontsertim sanaýly mınýttardan keıin bastalady», - dep jazǵan bolatyn Dımash Instagram-paraqshasynda.
Kontsert «Tatneft Arena» sport saraıynda Nur-Sultan ýaqytymen 23.00-de bastaldy.
Aıta keteıik, Qazan qalasy D.Qudaıbergenniń «Arnau» atty álemdik gastrolindegi ekinshi qala. 16 aqpan kúni ol Krasnodarda kontsert bergen bolatyn. Búgingi shoýdan keıin ánshi Ekaterınbýrgke, odan ári Latvııa, Ýkraına, Germanııa, Chehııaǵa attanady. Týrneniń sońǵy núktesi sáýir aıynda Mınsk bolmaq.
- Qaraǵandyda alıment tóleýden jaltarǵan azamattyń avtokóligi tárkilendi
- Atyraýda medıtsınalyq maska 15 teńgeden satylady
- Medsaqtandyrý qarajaty esebinen vaktsına qabyldaýǵa bola ma – Tóraǵa jaýaby
- Azamattar 42500 teńge alǵan aıda medsaqtandyrý qoryna jarna tóleýge mindetti emes – ÁMSQ
-
21 qańtar kúni astanada ótetin mańyzdy sharalar ańdatpasy
-
2020 jyly turǵyndardyń 720 myń ótinishi qaraldy – Bolat Tókejanov
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam