Kúzet salasyndaǵy zańnamaǵa ózgerister engizý usynyldy

NUR-SULTAN. QazAqparat – Parlament Májilisiniń depýtaty Arman Qojahmetov kúzet qyzmeti týraly zańnamaǵa usynylǵan ózgeristerdi aıtyp berdi, dep habarlaıdy QazAqparat tilshisi.

Uqsas jańalyqtar

Májiliste ken qorlarynyń sarqylýyna qatysty másele kóterildi

Ońtústik Koreıada qansha qazaqstandyq qylmystyq jaýapqa tartylǵan Koreıada sottalǵan 25 qazaqstandyqty elge qaıtarýǵa múmkindik jasalmaq Partııalarǵa Parlamentke ótýge múmkindik joǵarylaıdy - Álı Bektaev

«2019 jylǵy 1 shildedegi jaǵdaı boıynsha Qazaqstanda kúzet qyzmetiniń 5 129 sýbektisi tirkelgen, onda 97 myń kúzetshi jumys istep jatyr. Sonymen birge, kúzettiń tehnıkalyq jabdyqtarynyń montajymen jáne olarǵa qyzmet kórsetýmen aınalysatyn 1 145 sýbekt bar. Júrgizilgen taldaý sharalary kúzet qyzmetiniń sapasyn kóterý, osy kásipkerlik túrin ary qaraı damytý múmkindigin kórsetýde. Osyǵan baılanysty zańnamaǵa keıbir ózgerister men tolyqtyrýlar engizý usynylady. Bul óz kezeginde kúzet qyzmetin jetildirýge jol ashady», - dedi A. Qojahmetov Ádilet mınıstrliginde ótken vedomstvoaralyq komıssııa otyrysynda.

Onyń sózine qaraǵanda, jeke kúzet uıymdarynyń uıymdastyrýshylyq, meterıaldyq, kadrlyq ári basqa da múmkindikterin eskere otyryp, zań jobasynda kúzet qyzmetin iske asyrýǵa beriletin lıtsenzııalardy túrleri boıynsha bólý qajettigi qarastyrylýda. Osyǵan baılanysty árbir kúzet uıymynyń sanaty úshin biliktilik talaptaryn bekitý usynylady.