+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Іshki sý joldarynda keme qatynasyn damytý tujyrymdamasy ázirlenedi

2020 jylǵy 18 aqpan 19:05
Bólisińiz:
Іshki sý joldarynda keme qatynasyn damytý tujyrymdamasy ázirlenedi

NUR-SULTAN. QazAqparat - QR Indýstrııa jáne ınfraqurylymdyq damý mınıstrliginiń keńeıtilgen alqa májilisinde QR Premer-Mınıstriniń orynbasary Roman Sklıar birqatar tapsyrma berdi, dep habarlaıdy QazAqparat tilshisi.

«Kólik salasyn damytý boıynsha búgin aıtylǵan «Nurly jol» ınfraqurylymdy damytý memlekettik baǵdarlamasynyń 2020-2025 jyldarǵa arnalǵan, sonyń ishinde 2020 jyly oryndalýy kerek josparyn erekshe baqylaýǵa alý qajet. Konteıner tasymaly kólemin kem degende 30%-ǵa arttyrý kerek, sonymen qatar Quryq porty men Iran porttary arasynda parom qyzmetin ashý úshin shara qabyldaý kerek. Budan bólek, sizderge elimizdiń ishki sý joldarynda keme qatynasyn damytý tujyrymdamasyn ázirleýdi tapsyramyn», - dedi Roman Sklıar.

Sonymen qatar, onyń aıtýynsha, aavtokólik mekemesi jergilikti atqarýshy organdarmen birlesip, múmkindiginshe jeke tasymaldaýshylardy tarta otyryp, aımaqtardaǵy áleýmettik mańyzy bar baǵyttardy sýbsıdııalaýdy uıymdastyrýy tıis.

«Qurylys maýsymy bastalǵanǵa deıin maqsatqa jetý úshin joldy damytý kezinde jyldyq suranystaǵy ınertti materıaldardyń kem degende 70% satyp alý qajet. Jol salý, jóndeý jáne kútip ustaýdy júıeli negizde qamtamasyz etý kerek. Aqtóbe - Atyraý - Astrahan, Qaraǵandy - Balqash - Almaty, Taldyqorǵan - Óskemen jáne basqa da kólik joldarynda qozǵalys ashýdy pysyqtaý kerek», - deıdi ol.

Sondaı-aq, Roman Sklıar mınıstrlikke ákimdiktermen birge sý tasqyny kezeńine sapaly daıyndyqty erekshe baqylaýǵa alýdy, sondaı-aq jergilikti jol jelilerin qalpyna keltirýge qarjy bólýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT