+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qazaqstanda 32 aýyldy damytý baǵdarlamasy daıyndalýda

2020 jylǵy 18 aqpan 12:46
Bólisińiz:
Qazaqstanda 32 aýyldy damytý baǵdarlamasy daıyndalýda

NUR-SULTAN. QazAqparat – Qazaqstanda 32 aýyldy damytý baǵdarlamasy daıyndalyp jatyr. Bul týraly Parlament Májilisinde agrarlyq ǵylymdy, bilim jáne óndiristi ıntegratsııalaý máseleleri boıynsha otyrysta Ulttyq agrarlyq ǵylymı bilim berý ortalyǵynyń basqarma tóraǵasy Tóleýtaı Raqymbekov málim etti, dep habarlaıdy QazAqparat tilshisi.

«Biz júzege asyra bastaǵan taǵy bir bastama bar. Mekemelerimizdiń jartysy aýyldyq aımaqtarda ornalasqan. Atap aıtqanda, naqty 32 aýyl – qala quraýshy sanatyna jatady. Biz dál osy ǵylymı aýyldardy damytý baǵdarlamasyn daıyndaýdy bastap kettik», - dedi Tóleýtaı Raqymbekov.

Ortalyq basshysynyń aıtýynsha, baǵdarlama atalǵan 32 aýyldaǵy áleýmettik jáne ınjenerlik nysandardy jóndeýdi, turǵyn úılerdi salýdy, ózin-ózi jumyspen qamtıtyn azamattarǵa jaǵdaı jasaýdy kózdeıdi.

«Ol úshin «Nurly jer», «Aýyl – el besigi», «Eńbek» baǵdarlamalary men AÓK salasyn damytýǵa qatysty memlekettik baǵdarlamalardyń múmkindikterin paıdalaný kózdelýde. Bul baǵyttaǵy qadam jas ǵalymdardyń aýyldarǵa degen qyzyǵýshylyǵyn arttyra túsedi. Osy maqsatta Úkimette oblys ákimdikteri men aýyl sharýashylyǵy mınıstrligi arasynda memorandýmǵa qol qoıý úshin otyrys ótkizý josparlanǵan. Bul jospar sheńberinde jumysty bastap kettik», - dedi Tóleýtaı Raqymbekov.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT