+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Pavlodarlyqtardyń alıment bereshegi 200 mln teńgeden asyp ketti

2020 jylǵy 25 qańtar 05:26
Bólisińiz:
Pavlodarlyqtardyń alıment bereshegi 200 mln teńgeden asyp ketti

PAVLODAR. QazAqparat - Pavlodar oblysynyń sot oryndaýshylarynyń óndirisinde alıment boıynsha 12 myń is bar, dep habarlaıdy QazAqparat pavlodarnews.kz silteme jasap.

Uqsas jańalyqtar

Sot oryndaýshylarynyń aıtýynsha, ata-anasynyń birinen alıment óndirip alý uzaqqa sozylýy múmkin. Olardyń kópshiligi ózderiniń naqty tabysyn jasyrýǵa tyrysady, al keıde qolda bar múlikten tez qutylýǵa asyǵady.

«Alıment tóleýden jaltarǵan jaǵdaıda jyljymaly jáne jyljymaıtyn múlikke tyıym salynady. Qazir biz 29 mıllıon teńgege 79 avtokólikti aıyp turaǵyna qoıýdy júrgizýdemiz. Sonyń arqasynda 14 óndiris boıynsha 11 mıllıon teńge qaryz óteldi. Tólemderdi óz erkimen jasaıtyn adamdar bar, biraq qıyndyq týǵyzyp otyrǵandar da joq emes. Olar merzimderdi buzyp qana qoımaıdy, múlde tólemeıdi. Mundaı adamdar sany 600-ge jýyq, 223 boryshker izdelýde. 162 adamǵa qatysty ákimshilik jaýapkershilik qoldanyldy, onyń ishinde 23 adamǵa aıyppul salyndy, al 104 adam qamaýǵa alyndy», - deıdi Pavlodar oblysy ádilet departamenti basshysynyń orynbasary Azamat Aınabekov.

Ádette ata-anasynan aı saıyn balalardyń sanyna baılanysty soma alynady. Mysaly, bir balaǵa – jalaqynyń tórtten bir bóligi, ekinshige – úshten bir bóligi, úshinshi jáne odan da kóp balaǵa – jartysy.

Aıta ketý kerek, soma mólsheri ulǵaıý nemese azaıý múmkin. Barlyǵy boryshkerdiń materıaldyq jáne otbasylyq jaǵdaıyna baılanysty. Tájirıbe kórsetip otyrǵandaı, kóptegen adamdar turaqty tabysynyń bolmaýyna baılanysty alıment tóleı almaıdy. Osy maqsatta aımaqtyq ádilet vedomstvosy prokýratýra organdarymen birlesip, olardyń jumysqa ornalasýyna kómek kórsetip otyr.

Barlyǵy 190-ǵa jýyq boryshker jumysqa ornalastyryldy.

«Ádette, alımentter jalaqydan jáne ózge de kiristerden tólenýi múmkin. Boryshkerdiń asyraýshysynan aıyrylýyna baılanysty alatyn járdemaqysy, qyzmettik mindetterin oryndaý kezinde jaraqat alǵany úshin tólenetin birjolǵy tólemder jáne taǵy basqalary alýǵa jatpaıdy», - dedi Azamat Aınabekov.

Polıtsııa organdaryna QR Qylmystyq kodeksiniń 139-baby boıynsha 325 usynys engizildi. Onyń 103-i boıynsha qylmystyq is qozǵaýdan bas tartyldy, 136 materıal pysyqtaýǵa qaıtaryldy, 38-i qylmys quramynyń bolmaýyna baılanysty toqtatyldy, al 48-i qaralýda.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT