+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Almatyda  jazǵy  dámhanalarǵa  qatysty jańa talaptar paıda boldy

2020 jylǵy 22 qańtar 17:40
Bólisińiz:
Almatyda  jazǵy  dámhanalarǵa  qatysty jańa talaptar paıda boldy

ALMATY. QazAqparat – Almatyda jazǵy dámhanalarǵa qatysty jańa talaptar paıda boldy. Bul týraly qalalyq kásipkerlik jáne ınvestıtsııalar basqarmasynyń basshysy Erkebulan Orazalın baspasóz máslıhatynda aıtty, dep habarlaıdy QazAqparat tilshisi.

Uqsas jańalyqtar
Nur-Sultan, Almaty jáne Shymkent qalalarynda maska tegin taratyldy Koronavırýs: Almatyda 7 oshaqtan shekteý alynyp tastaldy Almatyda bir táýlik ishinde koronavırýstyń 25 oshaǵy anyqtaldy

Onyń sózine qaraǵanda, «Almaty qalasynyń erekshe mártebesi týraly» Zańyna sáıkes qalanyń aýmaǵynda saýdany uıymdastyrý erejeleri ázirlenýde. Onda statsıonarlyq emes saýda obektilerin ornatý úshin oryndardy anyqtaýdyń negizgi talaptary men ólshemderin, biryńǵaı dızaın kod, sondaı-aq kásipkerlerge oryndardy bólý tetigin bekitý josparlanyp otyr.

Erejeler aıasynda statsıonarlyq emes saýda obektilerin, onyń ishinde jyljymaly fýd-traktardy ornatý oryndaryn kásipkerlerdiń ótinishteri boıynsha sanıtarlyq normalardy saqtaı otyryp anyqtaý usynylady.

«Kásipkerlerdiń ótinishi boıynsha statsıonarlyq emes saýda obektilerin ornatýǵa arnalǵan «Atameken» UKP usynǵan 250 jer ýchaskelerinen birinshi kezeńde 85 ýchaskeler irikteldi. Olardy aýktsıon arqyly nemese otandyq áleýmettik mańyzy bar azyq-túlik taýarlarymen qamtamasyz etetin taýar óndirýshilermen tikeleı shartqa otyrý arqyly qoldanýǵa berý usynylady», - dep atap ótti Erkebulan Orazalın.

Statsıonarlyq emes nysandaryna jármeńke qyzmeti de jatady. Atalǵan jármeńkelerdiń negizgi maqsaty - aýyl sharýashylyǵy jáne otandyq taýar óndirýshilerdiń ónimderin halyqqa tikeleı jetkizý.

Demalys kúnderi qalanyń 5 aýdanynda aýylsharýashylyq taýarlarynyń jármeńkesi ótedi. Aǵymdaǵy jyldyń aqpan aıynda taǵy 5 jármeńke ashý josparda.

«Jeke jer telimderindegi statsıonarlyq emes saýda obektileri boıynsha Kóshe saýdasy erejelerine sáıkes biryńǵaı talaptardy saqtaýdy qamtamasyz etý qajet», - dedi Erkebulan Orazalın.

Sonymen qatar, maýsymdyq (jazǵy) alańdardyń qyzmetine de erekshe nazar aýdaryldy. Ázirlenetin erejelerde olardy ornalastyrý, abattandyrý jáne paıdalaný jóninde negizgi talaptar jazylady.

«Maýsymdyq alańdardy qalalyq jerústi jolaýshylar kóliginiń aıaldama pýnktterinde; jer asty jáne jer ústi jaıaý júrginshiler ótkelderiniń aımaǵynda; metropolıtenniń tehnıkalyq ǵımarattarynyń 25 metrlik aımaǵynda, ǵımarattardyń arkalarynda, gúlzarlarda, alańdarda (balalar, sport, qalalyq kólik turaqtarynda); turǵyn úılerdiń shatyrlarynda jáne olardyń japsarlas salynǵan úı-jaılarynda ornalastyrýǵa jol berilmeıdi», - dep túsindirdi basqarma basshysy.

Búgingi kúni qalada 270 jazǵy alań bar, onyń 10% jeke aýmaqtarda, 90% memlekettik qor aýmaǵynda ornalasqan.

«Jańa erejelerge sáıkes, memleket menshigindegi jerlerdiń aýmaǵynda ornalasatyn maýsymdyq alańdardy tek jeńil qurylymdar men ýaqytsha qurylystardan ǵana ornatý usynylady»,- dep qortyndylady Erkebulan Orazalın.

Eske salaıyq, 2019 jyldyń jeltoqsan aıynyń sońynda Prezıdent Qasym-Jomart Toqaev «Almaty qalasynyń erekshe mártebesi týraly» Zańǵa engizilgen túzetýlerge qol qoıdy. Aǵymdaǵy jyldyń 10 qańtarynan bastap Zań kúshine endi. Barlyǵy-28 ózgeris, olar sáýlet, qala qurylysy, jer qatynastary, kólik, áleýmettik sala, sonyń ishinde kásipkerlikte bar.


Bizdiń kanalymyzǵa jazylyńyz:

Basty sózder: Almaty, Qoǵam, Qurylys, Ákimdik,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT