+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Orman sharýashylyǵy komıteti aýylǵa kirip ketken qasqyrlardyń vıdeosyna qatysty túsinik berdi

2020 jylǵy 22 qańtar 15:07
Bólisińiz:
Orman sharýashylyǵy komıteti aýylǵa kirip ketken qasqyrlardyń vıdeosyna qatysty túsinik berdi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Pavlodar oblysynda eldi mekenge qasqyrdyń kirip ketkenin rastady, dep habarlaıdy QazAqparat tilshisi.

«Aqsýda qasqyrdyń paıda bolǵany ras. Alaıda qoryqshylar ony ýaqytynda atyp aldy», - dedi Sáken Dildahmet QazAqparat tilshisine.

Sonymen birge, áleýmettik jelide bir úıir qasqyrdyń aýylǵa kirip ketip, eki ıtti talap jatqany týraly vıdeo taraǵan edi. Komıtet ókiliniń boljaýynsha, bul jaǵdaıda Qazaqstanda tirkelmegen.

«Qasqyrlardyń ıtke tap bergenin bizdiń elde bolǵanyn rastaıtyn aqparat joq. Bálkim, Reseıde nemese basqa bir elde tirkelýi múmkin. Vıdeo bizde túsirilmegeni anyq. Sebebi, ol beınejazbany reseılik pablıkterden baıqaǵanym bar edi», - deıdi ol.

Qasqyr sany bizdiń elde rettelip otyrady. Jyl saıyn olardyń sanyn rettep otyrý úshin ańshylarǵa lımıt beriledi.

«Eger belgili bir óńirde qasqyr adamǵa nemese malǵa shapsa, turǵyndar oblystyq aýmaqtyq orman sharýashylyǵy ınspektsııasyna habar berýi kerek. Byltyr da, bıyl da qasqyrdyń malǵa shapqan jaǵdaıy kezdesken edi», - dedi Sáken Dildahmet.

Sáken Dildahmettiń habarlaýynsha, alys eldi mekenderde malyn ustaıtyndar qasqyrdyń syryn biledi. Qorasyn barynsha berik salady.

«Keıde qora durys qymtalmaǵanda qasqyr maldy jaryp ketýi múmkin. Keıde turǵyndardyń ózderi qasqyrdy atyp, kúshigin óltirip ketedi. Mundaıdan saq bolý kerek. Qasqyr kekshil keledi. Aınalyp kep qaıta shabýy múmkin», - deıdi ol.

Aıta ketsek, messendjerlerde qasqyrdyń eldi mekenge kirip ketkeni týraly vıdeo tarap ketken edi. Vıdeoda qasqyr Pavlodar oblysynyń Aqsý aýdanyndaǵy úı aýlasyna kirip ketedi. Taǵy bir vıdeoda bir úıir qasqyrdyń eki ıtti aıaýsyz talap jatqany túsip qalǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT