+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

1400 vagon kezeń-kezeńimen jóndeýden ótedi - «Jolaýshylar tasymaly» AQ Bas dırektory

2020 jylǵy 22 qańtar 13:03
Bólisińiz:
1400 vagon kezeń-kezeńimen jóndeýden ótedi - «Jolaýshylar tasymaly» AQ Bas dırektory

NUR-SULTAN. QazAqparat – Búgin «Nurly jol» vokzalynda «Jolaýshylar tasymaly» AQ Bas dırektory Mıhael Kortıým BAQ ókilderine Belarýs Respýblıkasynyń Gomel qalasynda kúrdeli jóndeýden ótken jolaýshylar vagondaryn kórsetti, dep habarlaıdy QazAqparat tilshisi.

Uqsas jańalyqtar
Semeıde qoǵamdyq kólikter jańa kestemen júredi Oralda blokpostty aınalyp, qashqan júrgizýshi ustaldy Qazaqstanda elektromobılge degen suranys qandaı

«Bizdiń maqsat – jolaýshylarǵa sapaly qyzmet kórsetý. 2020 jyldyń jazyna deıin jetkilikti deńgeıde vagondarmen qamtamasyz etýge tıispiz, sondyqtan eski vagondardy kúrdeli jóndeýden ótkizemiz jáne jańa vagondar satyp alamyz. Vagondardyń sapasy jaqsy bolýyna mán beremiz, ıaǵnı jóndeý jumystaryna ekologııalyq turǵyda taza materıaldar qoldanylady», - deıdi M.Kortıým.


Ol jaqynda 2020 jylǵa vagon satyp alýǵa tender jarııalanatynyn aıtty.

«Búgin kórsetip otyrǵan eki vagon Gomel qalasynda kúrdeli jóndeýden ótip, Qazaqstanǵa keshe jetkizildi. Jóndeý jumysyna shamamen 50 kún ketti. Jóndeý barysynda vagondardyń qańqasy ǵana qalyp, qalǵan jeri túgel jańartyldy. Kýpe vagondar platskart vagon bolyp ózgertildi, olar budan bólek 35 vagondy jańǵyrtady. Sondaı-aq bıyl, 2020 jyly qosymsha 50 vagonǵa kúrdeli jóndeý jumystary júrgizilip, onyń qyzmet kórsetý ýaqyty taǵy 16 jylǵa uzartylady. Bular - 1980 jyly shyǵarylǵan. Ereje boıynsha 28 jyl ótkennen keıin kúrdeli jóndeý jumystary júrgizilýi kerek. Jańa vagondardyń jatatyn, otyratyn oryndary, tereze japqyshtary, dárethanalary, jylytý júıeleri jańartylǵan», - deıdi ol.

Sondaı-aq, ol bul vagondar kómirmen de, elektrıkamen de júretinin aıtty.


«2020 jyly tender arqyly kúrdeli jóndeýden ótkiziletin vagondar elektrıkamen jabdyqtalyp, zaman talabyna saı bolady. Jalpy shamamen 1400 vagondy kezeń-kezeńimen jóndeýden ótkizý josparlanyp otyr. Qazirgi ýaqytta 2200-den astam vagon bar, onyń ishinde 670-i – «Tulpar-Talgo» vagony», - deıdi bas dırektor.


Bizdiń kanalymyzǵa jazylyńyz:

Basty sózder: QTJ, Nur-Sultan, Belarýs, Kólik,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT