+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Balandın Beıjińdegi Champions Swim Series  týrınriniń 2-kezeńinde 4-oryn aldy

2020 jylǵy 19 qańtar 14:22
Bólisińiz:
Balandın Beıjińdegi Champions Swim Series  týrınriniń 2-kezeńinde 4-oryn aldy

BEIJІŃ. QazAqparat - Dmıtrıı Balandın Beıjińde ótip jatqan Champions Swim Series - Halyqaralyq júzý federatsııasy týrnıriniń ekinshi kezeńde 200 metrge brass ádisimen júzýden tórtinshi oryn aldy. Qazaqstan sportshysynyń aralyqty júzip ótý ýaqyty 2:12.36 boldy, dep habarlady QazAqparattyń Qytaıdaǵy arnaýly tilshisi oqıǵa ornynan.

Bul jarysta ara qashyqtyqty 2.08.40-ta júzip ótken 2017 jáne 2019 jyldardaǵy álem chempıonatynyń qola júldegeri japondyq Vatanabe Ippeı jeńimpaz atandy. Kúmis júlde 100 jáne 200 metrde brass ádismen júzýden ótken jylǵy Eýropa chempıony nıderlandtyq Arno Kammıngaǵa buıyrdy. Al qola medaldi 2016 jylǵy Olımpıada oıyndarynyń kúmis júldegeri amerıkalyq Djon Preno jeńip aldy.

Esterińizde bolsa, Dmıtrıı Balandın Ońtústik Koreıanyń Shenchjen qalasynda ótken jarysta bul qashyqtyqty 2:13:58 kórsetkishi boıynsha baǵyndyrǵan bolatyn.

Jarystan keıin «QazAqparat» HAA tilshisine suhbat bergen 2016 jylǵy Rıo Olımpıadasynyń chempıony Dmıtrıı Balandın 200 metrge júzý nátıjesine qatysty pikir bildirip, «barlyǵy jetkilikti bolǵanyn, ýaqytyn jaqsartqanyn» basa aıtty.

«Syrqattan keıin júzý birshama aýyrǵa soqty jáne burylysta eki ret qatelik jiberip aldym», - dedi qazaqstandyq júzgish.

Buǵan deıin qazaqstandyq Dmıtrıı Balandın Qytaı astanasy - Beıjiń qalasynda ótip jatqan Champion Swim Series týrnıriniń ekinshi jarys kúninde brass ádisimen 100 metrge júzýde úshinshi oryn alǵanyn habarlaǵan edik.

Beıjińniń Champions Swim Series kezeńiniń jalpy syılyq qory 900 myń dollardy quraıdy. Birinshi oryn alǵan adam 10 myń dollar, ekinshi oryn 8 myń dollar, úshinshi oryn alǵan adam 6 myń dollar alady. Osyǵan deıin D.Balandın Shenchjende (Ońtústik Qytaı) júzýden ótken halyqaralyq jarys serııasynyń birinshi kezeńinde eki «qola» jeńip alǵan.

Halyqaralyq júzý federatsııasy Champions Swim Series jarysyn 2019 jyly bekitti. Bul jarysqa Olımpıada oıyndary men álem chempıonattarynyń jeńimpazdary jáne rekordshylar sııaqty eń úzdik degen sportshylar óner kórsetedi. FINA-nyń qoldaýymen jyl saıyn osyndaı 2-3 jarys ótedi. Ótken jyly jarystar Gýanchjoý, Býdapesht pen Indıanapolıste ótti. Bul jarystardyń fınalısteri men qatysýshylaryna álemdik reıtıngte upaı qosylady.


Bizdiń kanalymyzǵa jazylyńyz:

#Sport  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT