+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Aýyl sharýashylyǵy mınıstrliginde et ónimderiniń kóleńkeli naryǵy jaıly aıtyldy

2020 jylǵy 19 qańtar 11:10
Bólisińiz:
Aýyl sharýashylyǵy mınıstrliginde et ónimderiniń kóleńkeli naryǵy jaıly aıtyldy

NUR-SULTAN. QazAqparat - QR Aýyl sharýashylyǵy mınıstri Saparhan Omarov etti qaıta óńdeýshi kásiporyndaryn tolǵandyrǵan túıtkildi máselelerdi tyńdaý úshin kezdesý ótkizdi, dep habarlaıdy QazAqparat QR AShM baspasóz qyzmetine silteme jasap.

Keshe ótken jıynda «Kýbleı», «KazBeef LTD», «Bıjan», «Qazmıasprodýkt», «Beefstream», «Impaer fýd», «Merke-et», «Meat Processing and Service» JShS jáne t.b. Qazaqstannyń tanymal iri et óńdeý kásiporyn basshylary qatysty.

Kezdesý barysynda QR AShM ókilderi men kásipkerler atalmysh saladaǵy ózekti máselelerdi jáne olardy sheshý joldaryn talqylady.
Qaıta óńdeý kásiporyn basshylary qarajatynyń jáne qaıta óńdeý shıkizatynyń jetispeýshiligin aıtty. Bul máseleler ózara baılanysty: aqsha joq = shıkizat joq. Jáne kerisinshe. Saldarynan kásiporyndar jetkiliksiz júktelmegen. Sala boıynsha ortasha alǵanda, búgingi kúni kásiporyndardyń júktemesi 30-40% quraıdy. Sonymen qatar, Qazaqstannan Ózbekstandyq kásipkerlerdiń tiri maldy jappaı satyp alýy qıyndyq týǵyzýda. Sebebi olar tabıǵa taza qazaqstandyq etti alyp, óz elderinde qaıta óńdep, shet elderge ózbekstandyq taýar retinde tasymaldaýda.
Sondaı-aq, et óńdeýshilerdi taǵy da bir másele tolǵandyrady. Ol «aýlada soıylatyn mal». Kásipkerlerdiń pikirinshe, bul strategııalyq mańyzdy ári bul jaıtty memleket nazaryna alýy tıis.
Sebebi et «aýlada» soıylyp, usaq satyp alýshylarǵa satylady. Bul bolmashy nárse bolsa da, et ónimderiniń kóleńkeli naryǵy resmı deńgeıden birneshe ese asyp túsedi. Budan basqa, bul qubylys et óńdeıtin kásiporyndarǵa kúshti básekelestikti quraýda eken. Sonymen qatar, qaýip-qaterler az emes: soıylǵan mal men satylǵan et sany týraly derekterdiń bolmaýy, resmı statıstıkany qalyptastyrýdaǵy problemalar, salyq tólemeýi, sanıtarlyq-epıdemıologııalyq talaptardyń saqtamaý jáne t. b. Kóterilgen máselelerdiń kópshiligi QR Aýyl sharýashylyǵy mınıstrligi ókilderiniń jaǵynan qoldaý tapty.

Saparhan Omarov otyrys qorytyndysy boıynsha QR AShM salalyq departamentine birqatar tapsyrmalar berdi. Atap aıtqanda, kóterilgen máselelerdi sheshý boıynsha jumys tobyn uıymdastyrý, tehnologııalar men ónimderi qazirgi zamanǵy halyqaralyq standarttarǵa sáıkes keletin et óńdeýshiler tizimin jasaý jáne aınalym qarajatyn tolyqtyrý úshin olardy qarjylandyrý múmkindikterin oılastyrý. Sonymen qatar, «aýlada mal soıý» máselesine qatysty sharalardy oılastyrýǵa tapsyrma berdi. Sondaı-aq, Saparhan Omarov joǵaryda atalǵan jumys tobynyń qyzmeti sheńberinde qordalanǵan máselelerdi sheshý úshin sala ókilderi belsendilik tanytyp, kúsh salýy tıis.
Eske salsaq, Aýyl sharýashylyǵy mınıstri Saparhan Omarov agroónerkásiptik keshen men tamaq ónerkásibin damytý boıynsha kezdesýden keıin osy saladaǵy problemalyq máselelerdi anyqtap ári tolyq zerdeleý maqsatynda ár apta saıyn salalyq qaýymdastyqtarmen jáne iri óńdeýshi kásiporyndarmen kezdesýler uıymdastyrý týraly sheshim qabyldaǵan bolatyn. Keleli kezdesýler úshin ár aptanyń senbisi tańdaldy.

Ótken jyly vedomstvo basshysy Qazaqstannyń astyq óńdeýshiler jáne Nan pisirýshiler odaǵynyń, qoı sharýashylyǵy boıynsha Respýblıkalyq palatanyń, kredıttik seriktestikter qaýymdastyǵynyń, Qazaqstannyń qant, tamaq jáne qaıta óńdeý ónerkásibi qaýymdastyǵynyń, Qazaqstannyń kartop jáne kókónis ósirýshiler odaǵynyń múshelerimen kezdesti. Árbir kezdesýdiń qorytyndysy boıynsha kóterilgen máselelerdi sheshý úshin naqty júıeli sharalar jasaldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT