+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Tennıs: Elena Rybakına Hobart týrnıriniń jeńimpazy atandy

2020 jylǵy 18 qańtar 09:49
Bólisińiz:
Tennıs: Elena Rybakına Hobart týrnıriniń jeńimpazy atandy

NUR-SULTAN. QazAqparat – Qazaqstandyq Elena Rybakına Hobart (Aýstralııa) WTA týrnıriniń jeńimpazy atandy, dep habarlaıdy QazAqparat tilshisi.

Qazaqstannyń birinshi, álemniń 30-raketkasy E.Rybakına fınalda dúnıejúzilik reıtıngte 40-satyda turǵan qytaılyq Chjan Shýaımen kúsh synasty.

Qazaqstandyq tennısshi nebári 20 jasta bolsa, jýyrda 31-ge tolatyn Ch.Shýaı budan buryn Gýanchjoý týrnırinde eki márte top jarǵan tájirıbeli sportshy edi. Al E.Rybakına ótken jyly Býharest jarysynyń jeńimpazy atanǵan bolatyn.

Tartysty órbigen birinshi partııa taı-breıkke deıin jetip, onda qazaqstandyq tennısshi basym tústi – 7:6 (9:7).

Ekinshi sette esep 3:3 bolǵan mezette E.Rybakına breık jasaı bildi. Qazaqstandyq tennısti matchty taǵy bir breıkpen bitirdi – 6:3.

Báseke saǵat jarymǵa sozyldy.

Sóıtip E.Rybakına sporttyq jolynda WTA dodasynda ekinshi ret top jardy.

Bul Elena Rybakınanyń bıylǵy jylǵy ekinshi fınaly edi. Budan buryn Qytaıdaǵy Shenchjen WTA týrnıriniń fınalynda reseılik Ekaterına Aleksandrovadan utylyp qalǵan bolatyn.

Osylaısha eki apta boıy tabysty óner kórsetýiniń arqasynda E.Rybakına aldaǵy dúısenbide jańartylatyn reıtıngte 26-orynǵa kóteriledi. Endi ol 20 qańtarda bastalatyn Aýstralııa ashyq chempıonatynda óner kórsetedi. Alǵashqy qarsylasy – álemniń 70-raketkasy, amerıkalyq Bernarda Pera.

Eske sala keteıik, budan buryn Dmıtrıı Popkonyń Aýstralııa chempıonatynda irikteý saıystarynyń, E.Rybakınanyń Hobart týrnıriniń fınalyna shyqqanyn jazǵan bolatynbyz.





Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT