+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Mańǵystaýda aldaǵy bes jylda 18 mektep salynady

2020 jylǵy 17 qańtar 14:01
Bólisińiz:
Mańǵystaýda aldaǵy bes jylda 18 mektep salynady

AQTAÝ. QazAqparat – Oblysta úsh aýysymdaǵy mektep máselesi ózekti bolyp tur. 2018 jyly olardyń sany altaý bolsa, ótken jyly 9 mektepke jetti. Osy maqsatta aldaǵy ýaqytta 18 mektep salý josparlanyp otyr, dep habarlaıdy QazAqparat tilshisi.

Bul týraly óńirlik kommýnıkatsııa ortalyǵynda ótken brıfıngte Mańǵystaý oblysy bilim basqarmasynyń basshysy Asqar Seıdalıev málimdedi.

Búgingi tańda oblysta 150 myńǵa jýyq oqýshyny qamtıtyn jeke, keshki, orta jáne jalpy bilim beretin, sondaı-aq arnaıy múmkindigi shekteýli balalardy oqytatyn mektepterdi qosqanda 154 mektep jumys isteıdi. Jyl saıyn kóship kelip jatqan halyqtyń kóptiginen jáne mektepke qabyldanatyn bala sanynyń ósýine baılanysty búginde úsh aýysymdaǵy mektepter máselesi ózekti bolyp otyr.

«Osy máseleni sheshý maqsatynda ótken jyly Aqtaý qalasynda 2 mekteptiń janynan 320 oryndy qamtıtyn qosymsha ǵımarat ashyldy. Arnaıy júrgizgen sanaqtyń nátıjesinde aldaǵy 5 jylda 72 myńǵa jýyq oqýshy mektep tabaldyryǵyn attaıdy dep kútilýde. Jyl saıyn 19 myńǵa tarta búldirshin birinshi synypqa qabyldanýda. Aldaǵy ýaqytta 3 mekteptiń qurylysyn aıaqtap jáne jeke kásipkerlerdiń qarajaty esebinen taǵy 6 mekteptiń qurylysyn bastaý josparǵa engizilgen», - deıdi Mańǵystaý oblysy bilim basqarmasy basshysy Asqar Seıdalıev.

Memlekettik-jekeshelik áriptestik mehanızmi aıasynda Aqtaý qalasynda 2 mektep pen 9 balabaqshanyń qujattary ázirlenip, salynady dep kútilýde.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT