+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Qostanaı oblysynda turǵyn úı qurylysyna 24,8 mlrd teńge ınvestıtsııa tartyldy

2020 jylǵy 16 qańtar 17:54
Bólisińiz:
Qostanaı oblysynda turǵyn úı qurylysyna 24,8 mlrd teńge ınvestıtsııa tartyldy

QOSTANAI. QazAqparat – Qostanaı oblysynda 2019 jyly 330 myń sharshy metr turǵyn úı paıdalanýǵa berildi. Bul týraly baspasóz týrynda «Turǵyn úı qurylys jınaq banki» AQ fılıaly dırektory Dáýren Saýdabaev aıtyp berdi, dep habarlaıdy QazAqparat tilshisi.

Uqsas jańalyqtar
Berdibek Saparbaev tarazdyqtardy ystyq sýmen qamtamasyz etýdi tezirek qalpyna keltirýdi tapsyrdy Bıyl elordada 8 myń adam áleýmettik turǵyn úımen qamtylady Almatyda Elorda kúnine oraı 6 turǵyn úı kesheni paıdalanýǵa berildi

Qostanaı oblysynda «Nurly jer» memlekettik baǵdarlamasy sheńberinde sońǵy 4 jylda 1 mln sharshy metrden astam turǵyn úı salynǵan. Turǵyn úı qurylysyna 100 mlrd teńge ınvestıtsııa tartyldy. 10 myńnan astam otbasy ózderiniń turǵyn úı jaǵdaılaryn jaqsartty. Olardyń deni – turǵyn úı qurylys jınaq bankiniń salymshylary. Fılıal dırektory Dáýren Saýdabaevtyń aıtýynsha, banktiń árbir jetinshi salymshysy nesıe rásimdep, baspanaǵa ıe bolǵan.


«Búginde oblystyq bank fılıalynda 65 myńnan astam turǵynnyń páter satyp alýǵa qarajaty bar. Oblys ortalyǵynda «Áýejaı», «ıÝbıleınyı» jáne «Bereke» jańa shaǵyn aýdandary salynýda. Qostanaı aýdanynyń Zarechnyı aýylyndaǵy «Severnyı» shaǵyn aýdanynyń qurylysy aıaqtalyp keledi. 37 gektar aýmaqqa biryńǵaı sáýlettik stılde 279 jeke turǵyn úı salyndy. 2020 jyly «Qonaı» shaǵyn aýdanyn paıdalanýǵa berý josparlanýda. Munda kópqabatty úıler de boı kótermek. Jalpy jyl basynan beri 330 myń sharshy metr turǵyn úı paıdalanýǵa berildi, turǵyn úı qurylysyna 24,8 mlrd teńge ınvestıtsııa salyndy. Bul ótken jyldyń deńgeıinen 10%-ke joǵary», - deıdi D.Saýdabaev.
Baspanaǵa ıe bolyp, qýanyshqa kenelgenderdiń biri – Rysbıke Janabekova. Zeınetker Maılın kóshesindegi jańa úıdiń kiltine ıe bolǵan.


«Memleket turǵyndarǵa jaqsy múmkindikter qarastyryp otyr. Tek sony tıimdi paıdalana bilý qajet. Páter kiltine ıe bolǵanda nemerelerim qatty qýandy. Kópten kútken maqsatymyzǵa qol jetti. Qarap otyrsaq, munyń bári memleket saıasatynyń arqasy. Turǵyn úı bankine aı saıyn aqsha salyp turamyz. Qaltaǵa da salmaq túsirmeıdi», - dep bólisti Rysbıke Jumaǵazyqyzy.
Bıyl maýsym aıynda «Turǵyn úı qurylys jınaq banki» AQ arqyly kóp balaly, tolyq emes otbasylardy, sondaı-aq múmkindigi shekteýli balalary bar otbasylardy jeńildikpen nesıelendirýdi bastady. Bul zaım jyldyq 2% mólsherleme boıynsha 20 jylǵa deıingi merzimge, bastapqy jarnasy 10%-dan bastap beriledi. «Altyn alqa», «Kúmis alqa», «Batyr ana» ataǵyn alǵan kóp balaly otbasylar men analar jeke sanatqa shyǵarylyp, olarǵa birinshi kezekte turǵyn úı alý quqyǵyn berý zańnamalyq túrde bekitildi.
Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT