+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

«Almatynyń erekshe mártebesi týraly zań» qandaı múmkindikterge jol ashady

2020 jylǵy 9 qańtar 13:30
Bólisińiz:
«Almatynyń erekshe mártebesi týraly zań» qandaı múmkindikterge jol ashady

ALMATY. QazAqparat – Almaty ákimdiginde «Almatynyń erekshe mártebesi týraly zańnan» qandaı ózgeris kútýge bolatyny jaıly aıtyldy, dep habarlaıdy QazAqparat tilshisi.

«QR Prezıdenti Qasym-Jomart Toqaevtyń joldaýynda Úkimetke úsh iri qalanyń ákimdikteriniń quzyryn keńeıtý týraly tapsyrma berilgen bolatyn. Atap aıtqanda, olarǵa qala qurylysy saıasaty, kólik ınfraqurylymy, sáýlettik kelbetin ózgertýge quzyryn keńeıtý týraly aıtylǵan. Joldaýdan soń QR Ulttyq ekonomıka mınıstrligi men memlekettik organdar birige otyryp QR Úkimetine usynystar engizildi. Osylaısha 28 jeltoqsanda Memleket basshysy tıisti jarlyqqa qol qoıyp, «Almaty qalasynyń erekshe mártebesi týraly zań» qabyldandy», - dedi Almaty ákiminiń orynbasary Muhıt Ázirbaev.

Onyń aıtýynsha, osy ózgeristermen qatar QR «Memlekettik jergilikti basqarý jáne ózin-ózi basqarý týraly zańǵa» birqatar ózgeris engizildi.

Bul zańda Almaty ákimdiginiń tarapynan 28 túrli usynys berilgen.

Zańǵa sáıkes Almaty ákimdigi zań sheńberinde berilgen tártipte Almatynyń qurylysy men bas jospary boıynsha qyzmet jasaıtyn sýbektilerdiń jumysyn úılestirýge, Almaty mańaıyna jatqyzylǵan terrıtorııalardaǵy qala qurylysy jumystarynda keshendi keste qurý jumystaryna aralasatyn boldy.

Onyń aıtýynsha, Úkimetke Almaty aglomeratsııasynyń 2020 jylǵa deıingi damýy boıynsha aımaqaralyq naqty jospar berildi.

Bul qujatta aımaq turǵyndaryn baspanamen, áleýmettik qyzmettermen, jańa jumys oryndarymen qamtý kózdelgen.

«Taǵy bir aıta keterligi, ákimdik quzyryna endi qala qurylysyn josparlaý men sáýlettik kelbetin quzyrly organdarmen kelisýdi bekitý kiredi», - dedi ákimniń orynbasary.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT