+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

28 jylda Qazaqstanǵa qansha ınvestıtsııa tartyldy

2019 jylǵy 18 jeltoqsan 00:08
Bólisińiz:
28 jylda Qazaqstanǵa qansha ınvestıtsııa tartyldy

NUR-SULTAN. QazAqparat - Táýelsizdik jyldary Qazaqstanda ınvestıtsııalyq salada aýqymdy jumystar atqaryldy. El egemendiginiń alǵashqy onjyldyǵynda sheteldik ınvestorlardyń jańa perspektıvaly jobalarǵa ınvestıtsııa salý usynystary belsendi qabyldandy. Qazaqstan qalyptasý jyldary syrtqy qoldaýdy qajet etti, osy jaǵdaıda sheteldik ınvestıtsııalar aǵymy el ekonomıkasynyń josparly damýyna yqpalyn tıgizdi. Tipti, qandaı da bir shamada ol ósý draıverine aınaldy. Búginde Qazaqstan tıimdi ınvestıtsııalar salý úshin jańa múmkindikter men zor áleýet týdyrady, dep habarlaıdy QazAqparat primeminister.kz saıtyna silteme jasap.

Uqsas jańalyqtar

Ótken aptada QR Premer-Mınıstri Asqar Mamın jumys saparymen Amerıka Qurama Shtattaryna bardy, onda amerıkalyq agrobıznes kóshbasshylarynyń Qazaqstannyń et óńdeý kásiporyndaryn ashýǵa jáne sýarý júıeleri óndirisine ınvestıtsııa salýy týraly ýaǵdalastyqtarǵa qol jetkizildi. Sonymen qatar Úkimet basshysy ınnovatsııalyq jáne tsıfrlyq damý, venchýrlyq qarjylandyrý jáne energetıka salalaryndaǵy jetekshi álemdik kompanııalardyń basshylyǵymen amerıkalyq tehnologııalardy tartýmen birlesken jobalardy iske asyrý maqsatynda kezdesti.

28 jylda Qazaqstanǵa qansha ınvestıtsııa tartyldy?

Táýelsizdik kezeńinde Qazaqstanǵa álemniń 120-dan asa elinen 330 mlrd dollar sheteldik ınvestıtsııa tartyldy. Investıtsııalardyń negizgi bóligi - 50% astamy Eýropalyq odaq elderine tıesili, Amerıka Qurama Shtattaryna — 15% tikeleı sheteldik ınvestıtsııalar, 5% jýyǵyn Ulybrıtanııa men QHR ınvestıtsııalary quraıdy.

Qazaqstan ekonomıkasynyń jyldan-jylǵa ınvestorlar úshin básekege qabiletti jáne tartymdy bolyp kele jatqanyn aıta ketken jón. Bıyl qazan aıynyń sońyndaǵy jaǵdaı boıynsha elimizde sheteldik kapıtalmen 16,8 myń kompanııa jumys isteıdi. Bul ótken jyldyń osyndaı kezeńimen salystyrǵanda 18,1% artyq (14,3 myń kompanııa). Bıyl Qazaqstan jahandyq básekege qabilettilik reıtınginde TOP-55 eldiń qataryna kirip, 4 jolǵa kóterildi.

Jobalar týraly aıta otyryp, Qazaqstanda sheteldik ınvestıtsııalar dınamıkasy men qurylysy ózgerip jatqanyn atap ótý kerek. Eer salalar boıynsha buryn ken óndirý salalarynda jobalar basym bolsa, qazir ınvestorlardyń basqa da sektorlardaǵy joǵary belsendiligi baıqalyp otyr.

QR ekonomıkasyna qandaı elder jáne qandaı baǵyttar boıynsha kóbirek ınvestıtsııa salady?

2019 jyldyń 11 aıynyń qorytyndysy boıynsha Qazaqstanǵa 26 elden ınvestorlar tartyldy, tartylǵan ınvestıtsııalar kólemi boıynsha ES (10,1 mlrd dollar, 37 joba), Reseı (5,4 mlrd dollar, 26 joba), Túrkııa (1,6 mlrd dollar, 16 joba), AQSh (718 mln dollar, 9 joba) jáne Sıngapýr (2,1 mlrd dollar, 7 joba) tárizdi elder kósh basynda.

Investorlardy tartý saıasatynda qosylǵan quny joǵary ónimderdiń ónerkásiptik óndirisine, kórsetiletin qyzmetter men jańa tehnologııalarǵa basa nazar aýdarylady.

Nátıjesinde Qazaqstanda ınvestıtsııalyq jobalar kólemi boıynsha búginde kósh basynda turǵan salalar: mashına jasaý, taý-ken óndirý kesheni jáne metallýrgııa, AÓK, JEK, munaıgaz hımııasy, hımııa ónerkásibi, kólik jáne logıstıka, sondaı-aq qurylys materıaldary.

Investıtsııalardyń eń kóp kólemi ádette taý-ken óndirisi ónerkásibinde jáne karerler óndirisinde baıqalady: 7,3 mlrd dollar nemese barlyq kólemniń 60,1%.

Ótken jyldyń uqsas kezeńimen salystyrǵanda, ınvestıtsııalar somasy 8,1 ósti.

Asa tartymdy salalardyń úshtigine sonymen qatar óńdeý ónerkásibi, bólshek jáne kóterme saýda kirdi. Bul salalar Qazaqstannyń ekonomıkalyq damýyna edáýir yqpalyn tıgizedi.

Máselen, bıylǵy qańtar-qyrkúıekte aılarynda el ekonomıkasynyń ósimi bir jyl burynǵy tıisti kezeńge 4,3% qurady, negizgi úlesti taý-ken óndirisi salasy (+3,1% jyl ishinde), sondaı-aq qaıta óńdeý salasy (+3,5% jyl ishinde) jáne saýda (+7,6% jyl ishinde) qurady.

Tikeleı sheteldik ınvestıtsııalar boıynsha salalardyń TOP-5-ine, sonymen qatar kólik pen qoımalaý (642 mln dollar, +49,2% jyl ishinde), qurylys (463,2 mln dollar, +45,1% jyl ishinde) kirdi.

Perspektıvaly salalar qataryna aqparattyq-kommýnıkatsııalyq tehnologııalar, týrızm jáne qarjy kirdi. Bul top ınvestorlar uzaqmerzimdi perspektıvada múddeli bola alatyn salalardan turady. Atalmysh salalarda oń nátıjeler qazirdiń ózinde baıqalyp otyr.

Máselen, 2018 jyly tikeleı sheteldik ınvestıtsııalardyń jalpy aǵymy aqparat jáne baılanys salasynda 27,8%, 185 mln dollarǵa deıin artty. 2019 jyldyń birinshi jartyjyldyǵynyń qorytyndysy boıynsha tikeleı sheteldik ınvestıtsııalar aǵymy jyl ishinde 14,7% artyp, 142,5 mln dollarǵa jetti. Aqparattyq-kommýnıkatsııalyq tehnologııalar salasyndaǵy jobalardy qoldaý kásiporyndarǵa joǵary tehnologııaly álemdik ekonomıkaǵa baǵdarlanǵan jaǵdaılarda básekege túsýge múmkindik beredi. Al qarjy jáne saqtandyrý qyzmetine tikeleı sheteldik ınvestıtsııalardyń jalpy aǵymy 2018 jyly 3 ese, 1,3 mlrd dollarǵa deıin artty.

2027 jylǵa qaraı sheteldik ınvestorlardyń qatysýymen basymdyqty sektorlarda usynylǵan jobalar sany 124-ke jetýi tıis, jalpy somasy — 5 mlrd dollar. Óńdeý ónerkásibiniń negizgi kapıtalyna ıvnestıtsııalardyń ósýi óz kezeginde 2020 jyldan 2027 jyl aralyǵynda jylyna 109,8% quraýy tıis.

«Doing Business 2020»: Qazaqstan álemniń 190 eliniń ishinde 25 orynǵa ıe boldy

Ulttyq ınvestıtsııalyq strategııa aıasynda ınvestıtsııalar tartý boıynsha qyzmet Qazaqstan ekonomıkasynyń basymdyqty sektorlaryna shoǵyrlanǵan. Olardyń qataryna tamaq ónerkásibi, paıdaly qazbalardy tereńinen óńdeý, metallýrgııa, hımııa jáne munaı hımııasy, mashına jasaý kiredi.

Ekonomıkaǵa sheteldik ınvestıtsııalardy tartý máselesi álemniń kez kelgen elinde ózekti ekenin aıta ketý kerek. Sheteldik ınvestıtsııalar úshin damýshy elder ǵana emes, damyǵan memleketter de saıysqa túsýde. Elder ınvestıtsııalyq ahýaldy jaqsartý jáne bıznes júrgizý úshin asa básekeli jaǵdaılar usyný boıynsha sharalar qabyldaýda, salyqtardy tómendetýde nemese alyp tastaýda, kóptegen jeńildikter men ınfraqurylymdyq jobalar usynýda t.b.

Óz kezeginde ınvestorlar kapıtaldardyń saqtalýyna, zańnyń ústemdigine, ashyq ári qolaıly bıznes ortaǵa kepildik beretin elderdi tańdaıdy. Birqatar sátti iske asyrylǵan reformalardyń, ınvestıtsııalar tartý jáne ınvestorlarmen jumys isteýde jańa tásilderdi engizýdiń arqasynda Qazaqstan osyndaı elderdiń qatarynan tabylyp otyr.

«Doing Business 2020» Dúnıejúzilik bankiniń reıtınginde Qazaqstan 190 eldiń ishinde 25-oryn aldy. Bizdiń elimiz mınorıtarlyq ınvestorlardyyń quqyqtaryn qorǵaý jáne kelisimsharttardy saqtaý tárizdi kórsetkishter boıynsha álemdik ondyqqa kiredi. Jýyrda jasalǵan reformalar bıznesti tirkeýdi birshama jeńildetti. mysaly, Qazaqstanda bıznes ashý úshin nebári 1 kún qajet, al jyljymaıtyn múlikti tirkeý úshin 3 kún jetkilikti.

Bizdiń elimizdiń ınvestıtsııalyq tartymdylyǵy birshama artyp keledi. Máselen, fDi Intelligence (Financial Times enshiles uıymy) Qazaqstanǵa «2018-2019 jyldarǵa óndiristik qýattylyqtardyń bolashaq ornalasýyna shyǵyndardyń tıimdiligi» kórsetkishi boıynsha birinshi oryn berdi.

2017 jyly elimiz halyqaralyq ınvestıtsııalar men kópultty kásiporyndar boıynsha Ekonomıkalyq yntymaqtastyq dáne damý uıymynyń Deklaratsııasyna qosylǵan 48-shi el jáne EYDU Investıtsııalar komıtetiniń assotsııatsııalanǵan múshesi boldy.

Sonymen qatar, Qazaqstan ınvestıtsııalardy ózara qorǵaý men madaqtaý týraly 47 ekijaqty ájne 1 kópjaqty kelisimderge qol qoıdy, olar ınvestorlardyń quqyqtaryna kepildik beredi.

Sonymen qatar, elimizde QR Prezıdenti janyndaǵy Sheteldik ınvestorlar keńesi tabysty jumys isteýde. Sonymen qatar Úkimettiń qoldaýymen Investıtsııalyq ahýaldy jaqsartý jónindegi keńes pen Investıtsııalar tartý jónindegi keńes júrgizedi, onda el Úkimetiniń basshysy Asqar Mamın ombýdsmen bolyp tabylady.

Nelikten ınvestorǵa naqty Qazaqstandy tańdaý tıimdi?

Qazaqstan álemniń asa iri eki naryǵy - Eýropa men Azııanyń qıylysynda ornalasqan. Bul eksporttyq áleýet jáne iri azııalyq jáne eýropalyq naryqtarǵa qoljetimdilik tárizdi belgili bir artyqshylyqtar beredi. Ornalasýynyń arqasynda, Qazaqstan Eýrazııalyq qurlyqtyń dál ortasyndaǵy zamanaýı tranzıttik torapqa aınaldy.

Bizdiń elimiz 500 mln astam tutynýshysy bar aımaqtyq naryqqa artyqshylyqty qoljetimdilikke ıe, onyń ishinde 180 mln astam tutynýshysy bar EAEO, Ortalyq Azııa naryqtary (50 mln), Batys Qytaı (300 mln) jáne Kaspıı teńizi elderi (150 mln) bar.

Sonymen qosa, Qazaqstan «Beldeý - jol bastamasyn» iske asyrýda basty ról atqarady. Jalpy uzyndyǵy 10 000 shaqyrymnan 3000 shaqyrymnan astamy Qazaqstan aýmaǵy arqyly ótedi. Bul ony negizgi qurlyq joly dáliziniń mańyzdy ýchaskesi etedi jáne tasymaldaý ýaqyty men qunyn edáýir tómendetedi.

El Táýelsizdigin alǵannan beri Qazaqstanǵa 330 mlrd dollardan astam tikeleı sheteldik ınvestıtsııa tartyldy. UNCTAD málimetteri boıynsha 2018 jyly Ortalyq Azııa elderine ınvestıtsııalardyń 60% derlik Qazaqstannyń úlesine tıesili.

Bul rette sońǵy on jylda ulttyq ekonomıkaǵa 250,2 mlrd dollar nemese barlyq tarıhı qalyptasqan ınvestıtsııalyq aǵyndardyń 80% jýyǵy tústi. Bul fakti ınvestıtsııalyq saıasattyń tıimdiligin kórsetedi.

Tikeleı sheteldik ınvestıtsııalardyń eń kóp kólemi tirkeldi:

2011 jyly (26,5 mlrd dollar)

2012 jyly (28,9 mlrd dollar)

2018 jyly (24,3 mlrd dollar)

2018 jyly ǵalamdyq ınvestıtsııalyq aǵyndardyń qysqarýyna qaramastan, Qazaqstanda kórsetkishtiń ósýi baıqaldy.

Máselen, 2018 jyldyń qorytyndysy boıynsha QR-ǵa tikeleı sheteldik ınvestıtsııalar aǵymy jyl ishinde 15,8% 24,3 mlrd dollarǵa deıin artty.

Ósim JІÓ-ge shaqqandaǵy TShI ara qatynasyna yqpal etti, ol 14,5% qurady (2017 jyly — 12,9%).

Bul rette QR Úkimeti JІÓ-ge jalpy TShI kóleminiń ara qatynasyn 2022 jylǵa qaraı 19% deıin jetkizýdi kózdep otyr.

2019 jyldyń birinshi jartyjyldyǵynyń qorytyndysy boıynsha QR ekonomıkasyna TShI aǵymy 12,1 mlrd dollardy qurady (bir jyl buryn — 12,5 mlrd dollar). 2018 jyly geografııalyq bólinisinde tikeleı ınvestıtsııalardyń eń kóp bóligi Nıderlandy (7,4 mlrd dollar), AQSh (5,3 mlrd dollar), Shveıtsarııa (2,5 mlrd dollar) ınvestorlarynan kelip túsken.

Anyqtama: 2018 jyly tikeleı sheteldik ınvestıtsııalardyń álemdik kólemi úshinshi jyl qatarynan azaıýdy jalǵastyrdy, ol $1,3 trln dollarǵa deıin, 13,4% tústi. Quldyraýy negizginen elde 2017 jyldyń sońynda júrgizilgen salyq reformalarynan keıin shetelde jınaqtalǵan AQSh-tyń kópultty kásiporyndarynyń paıdasynyń asa aýqymdy kólemde kelýimen túsindiriledi.

Damyǵan elderge TShI aǵymy 2004 jyldan bergi eń tómengi kórsetkishke jetti, sóıtip, 27% qurady. Eýropaǵa ınvestıtsııalar aǵymy eki ese, 200 mlrd dollardan kemge azaıdy.

Bul ýaqytta damýshy elderge ınvestıtsııalar aǵymy 2% artty. Sonyń nátıjesinde damyǵan elderde TShI artýy men qalyptan tys azaıýy jaǵdaıynda ǵalamdyq TShI-de damýshy elder úlesi rekordty 54% ulǵaıdy.

2018 jyly TShI eń kóp aǵymy AQSh (252 mlrd dollar), Qytaı (139 mlrd dollar), Gonkongta (116 mlrd dollar) baıqaldy. Elderdiń TOP-5-tigine sonymen qatar Sıngapýr (78 mlrd dollar) jáne Nıderlandy (70 mlrd dollar) kirdi.

2019 jyly da TShI ǵalamdyq aǵymynyń azaıýy jalǵasyp jatqanyn aıta ketý kerek. EYDU derekteri boıynsha, tikeleı sheteldik ınvestıtsııalardyń ǵalamdyq aǵymdary 2019 jylydń birinshi jartysynda 20%, 572 mlrd dollarǵa deıin azaıdy. Bıyl І jartyjyldyqta TShI ǵalamdyq aǵymy 5%, ІІ toqsanda — jyl ishinde 42% tómendedi.

Qazaqstanda ınvestorlar úshin qolaıly jaǵdaılar qalaı jasalady?

2018 jyldyń jeltoqsan aıynan bastap ınvestıtsııalar tartý fýnktsııasy QR Syrtqy ister mınıstrligine berildi, óz kezeginde ınvestıtsııalardy tartý saıasaty QR Ulttyq ekonomıka mınıstrligine berildi. QR SІM qurylymyna QR Úkimetimen quryltaılandyrylǵan jáne onyń atynan biryńǵaı kelissóz júrgizýshi bolyp tabylatyn, ınvestorlarmen kelissózder júrgizý jáne ınvestıtsııalyq jobalardy iske asyrýdy baqylaý boıynsha barlyq quzyretter berilgen Investıtsııalar jónindegi komıtet pen «KAZAKH INVEST» Ulttyq kompanııasy» AQ berildi.

Investorlarǵa «bir tereze» qaǵıdaty boıynsha ıdeıalardy izdeýden bastap jobany paıdalanýǵa berýge deıingi qoldaý kórsetýdiń tolyq qyzmetter spektri kórsetiledi. Sondaı-aq ınvestıtsııadan keıingi kezeńde monıtorıng júrgizedi, bul árbir ınvestormen jáne jobamen dálme-dál, barlyq kezeńderde jumys isteýge múmkindik beredi.

Mundaı mehanızm óńirlerden jobalardy tikeleı sheteldik mekemelerge áleýetti ınvestorlardy izdeý úshin jáne kerisinshe taratýǵa múmkindik beredi.

Búginde Úkimettiń komandalyq jumysynyń arqasynda ınvestorlar úshin «jumsaq ınfraqurylym» jasaldy: qazaqstandyq zańnama men rásimderdi túsindirý boıynsha júıeli jumystar jolǵa qoıyldy, sheshimder qabyldaý ashyqtyǵy qamtamasyz etildi, ákimshilik jkúteme tómendetildi.

Kez kelgen kompanııaǵa prespektıvaly salanyń, ótkizý naryqtarynyń bolýy ǵana emes, bıznes úshin qolaıly ortanyń bolýy da mańyzdy. Al bul ınstıtýtsıonaldyq orta, zańnamanyń turaqtylyǵy, vızalyq rejım sharttary men basqa da kóptegen quraýyshtar. Sondyqtan ınvestıtsııalyq usynystardy ázirleýdi, ınvestorlardy qoldaýdy, qolaısyz faktorlardy anyqtaý men joıýdy qamtıtyn jańa tásilder ázirlenip, engizildi.

Otandyq ınvestorlardy qoldaý máselelerinde bıznesti keńeıtýge ázirlik kezinde strategııalyq ınvestorlardy izdeý, jańa naryqtarǵa shyǵý, óndiristik-ótkizý baılanystarynyń sınergııasyn qamtamasyz etý tárizdi mańyzdy máseleler qamtylady, sebebi, ınvestorlarǵa jergilikti seriktester, adal jetkizýshiler qajet.

El ekonomıkasyna ınvestıtsııalar tartý jumystarynyń tıimdiligin arttyrý maqsatynda aqparattyq-monıtorıngtik CRM-júıesi engizilýde, oǵan olardy iske asyrý boıynsha barlyq kelisimder, ázirlengen jol kartalary kiredi, barlyq protseske qatysýshylardyń - ortalyq memlekettik jáne jergilikti atqarýshy organdardyń mindetteri bekitiledi.

KAZAKH INVEST aqparattyq-monıtorıngtik júıesinde barlyǵy 54,3 mlrd dollar somasyna 228 ınvestıtsııalyq joba bar. Onyń ishinde sheteldik ınvestorlardyń qatysýymen 46 mlrd dollarǵa jýyq somaǵa 168 joba iske asyrylýda jáne joǵary derejede pysyqtalýda.

Jyl basynan beri barlyǵy 40-qa jýyq jańa sheteldik ınvestor tartyldy. Olardyń ishinen kelesilerin atap ótýge bolady:

SUEZ (Frantsııa) – káriz-tazartý júıelerin salý jáne olardyń rekonstrýktsııasy;

Fortescue (Avstralııa) – geologııalyq barlaý jumystaryn júrgizý jáne tústi metaldar ken oryndaryn ázirleý;

Demir Export (Túrkııa) – qalaıy kenin óndirý jáne óńdeý boıynsha «Syrymbet» taý-ken metallýrgııasy keshenin salý (ınvestorlarǵa ken ornyna keshendi saraptama júrgiziledi);

Suhail Bahwan Group (Oman) – bazalyq maılady óndirý zaýytyn salý;

RHI Magnesita (Aýstrııa) – otqa tózimdi materıaldar shyǵaratyn zaýyt salý;

Bitfury (Nıderlandy) – blokcheın quzyreti ortalyǵyn salý;

Shanghai Construction (QHR) – 1000 tósek-oryndyq kópbeıindi emhana salý;

«Bobrovskıı kvartsıt» (RF) – kremnıı karbıdin óndirý;

«Eko-Kýltýra» (RF) – ónerkásiptik jylyjaılardy salý.

Búginde KAZAKH INVEST paplaınynda túrli iske asyrylý satylarynda jalpy somasy 3,1 mlrd dollar bolatyn 27 AÓK jobasy bar.

Mashınajasaý jáne quramdas bólikterin shyǵarý salasy 2,6 mlrd dollarǵa 26 jobany qamtıdy, munaıgaz hımııasynda - 21,8 mlrd dollarǵa 26 joba, JEK - 1,3 mlrd dollarǵa 22 joba bar. Barlyǵy sheteldik ınvestorlardyń qatysýymen iske asyrylýda.

Elge ınvestıtsııa tartý boıynsha qandaı jumystar atqarylýda?

2018-2027 jyldarǵa arnalǵan KAZAKH INVEST damytý Strategııasyn iske asyrý aıasynda elge ınvestıtsııalar tartý jumysy júıelendi. Kompanııa áleýetti ınvestorlarǵa usyný úshin jańa «taýashaq» jobalardy izdeý men irikteý jumystaryn júrgizdi.

Osy jumys nátıjesinde jergilikti bıznesten 200-ge jýyq ınvestıtsııalyq joba jınaldy. KAZAKH INVEST Deloitte-men birlesip metallýrgııa, gaz hımııasy, tamaq ónerkásibi, týrızm jáne basqalary tárizdi salalarda 60 «taýashaqty» jobalar boıynsha bıznes-josparlar, tızerler jáne qarjy modelderin ázirledi.

Mysaly, «Kereku-Agro» (Qostanaı oblysynda krahmal óndiretin keshen), «Green Land Alatau» (Almaty oblysynda jylyjaı keshenin keńeıtý), «QazEksportAstyq» (SQO-da soıa daqyldaryn óńdeý), «GK Kondensat» (BQO-da tabıǵı gazdan bazalyq maılar komponentterin óndirý), «QazAzot» (Mańǵystaý oblysynda mıneral tyńaıtqyshtardy óndirý), «Qazaqmys» (Jambyl oblysynda «Jaısań» mys ken ornyn ónerkásiptik óndirý), «Aqtaý quıma zaýyty» (Mańǵystaý oblysynda suryptyq ılem óndirý), «South Oil» jáne «BI Construction» (Shymkent q. jáne Túrkistan oblysynda emhana men kópsalaly aýrýhana salý) jáne basqalary.

Mundaı ınvestıtsııalyq jobalar tiziminiń bolýy ınvestorlardyń Qazaqstanda qandaı salalar men óńirlerge ınvestıtsııa salý kerektigi týraly suraqtaryn týdyrmaıdy.

Investııtsııalyq áleýet pen naqty jobalardy ilgeriletýde iri kompanııalardyń basshylyǵyn jınaıtyn ınvestıtsııalyq is-sharalardy ótkizýdiń mańyzy zor. Bul - iskerlik baılanystar ornatý jáne ınvestıtsııalyq múmkindikter týraly aqparattandyrý úshin tiımdi alań, osyndaı sharalar alańdarynda ınvestorlarmen egjeı-tegjeıli jumystar júrgizý, sheshimder qabyldaýǵa yqpal etetin nysanaly ınvestorlar, faktorlar aldyn ala zerdelenedi, qazaqstandyq taraptan múmkin bolatyn seriktesteri irikteledi.

2019 jyldyń 11 aıynyń qorytyndysy boıynsha 10 júrgizilgen shara aıasynda jalpy kólemi 2 mlrd dollar somasyn quraıtyn 30-da asa ınvestıtsııalyq jobany iske asyrý boıynsha ýaǵdalastyqtarǵa qol jetkizildi. Jobalarda 40 myńǵa jýyq jumys orny qurylatyn bolady.

Sonymen qosa, qazirgi kezde Qazaqstanda 13 arnaıy ekonomıkalyq aımaq pen 24 ındýstrııalyq aımaq jumys isteıdi, olar ınvestorlardy túrli salyq túrleri men keden salyqtarynan bosatady.

AEA-larda qurylǵan ınfraqurylym qoljetimdi, jer telimi bar. QR Syrtqy ister mınıstrliginiń Investıtsııalar komıtetimen ınvestıtsııalyq kelisimshart jasasqan jaǵdaıda ınvestorlar ımporttyq jabdyqtar men shıkizattarǵa keden salyqtarynan bosatylý, naqty granttar, salyq jeńildikteri tárizdi ıvnestıtsııalyq artyqshylyqtarǵa ıe bola alady.

Sonymen qatar, Qazaqstannyń astanasynda «Astana» Halyqaralyq qarjy ortalyǵynyń (AHQO) iske qosylýy zańnyń ústemdigin qamtamasyz etý jáne ınvestorlardyń quqyqtaryn qorǵaý boıynsha mańyzdy bastama bolyp tabylady.

AHQO soty men International Arbitration Center (QR sot júıesinen jeke jáne táýelsiz) AHQO-da azamattyq jáne kommertsııalyq daýlardy sheshý úshin eń joǵarǵy halyqaralyq standarttar boıynsha juyms isteıtin aǵylshyndyq quqyq sot júıesin bildiredi.

Ortalyq Azııa, Kavkazmańy elderi, EAEO, Taıaý Shyǵys, Batys Qytaı, Mońǵolııa jáne Eýropa kompanııalary men ınvestorlary úshin qarjy haby bolyp tabylady. AHQO qatysýshylaryna 50 jylǵa deıin salyq jeńildikteri, jeńildetilgen valıýta, vıza jáne eńbek rejımderi usynylady. Bul jumysy aǵylshyndyq quqyqqa negizdelgen óńirdegi birden-bir ortalyq.

AHQO búginde jasyl, ıslam jáne ınnovatsııalyq qarjy quraldaryn damytýdyń aımaqtyq ortalyǵyna aınalýy úshin barlyq múmkindikterge ıe.

Ulttyq ekonomıkanyń básekege qabilettiligin arttyrý jáne QR-da ınvestıtsııalyq qyzmetti yntalandyrý maqsatynda Tikeleı ınvestıtsııalar qory quryldy, ol teń ınvestıtsııa salý qaǵıdatymen ınvestorlardyń qatysýymen iri ınvestıtsııalyq jobalardy iske asyrýǵa múmkindik beredi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT