+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Kıev turǵyndary eki jyldan beri qazaq tilin úırenip júr

2019 jylǵy 16 jeltoqsan 12:27
Bólisińiz:
Kıev turǵyndary eki jyldan beri qazaq tilin úırenip júr

KIEV. QazAqparat - Ýkraınada elimizdiń Táýelsizdik kúnine oraı qazaq tili sabaǵy ótti, dep habarlaıdy «Habar 24» telearnasyna silteme jasap.

Bul – Kıev qalasyndaǵy «Dostyq» mádenı ortalyǵynyń bastamasy. Mundaǵy qazaq tilin úırenip júrgen Ýkraına azamattary men Kıevtegi qazaq dıasporasynyń ókilderi qazaq elin táýelsizdik merekesimen quttyqtap, izgi tilekterin joldady.

Aleksandr – aptasyna bir ret ótetin qazaq tili kýrsynyń oqýshysy. Ýkraına azamatynyń qazaq tiline degen qurmeti erekshe. Bul sabaqty eki jyl boıy Kıevtegi «Dostyq» mádenı ortalyǵy uıymdastyryp keledi.

«Búgingi sabaq Qazaqstannyń Táýelsizdik kúnine arnaldy. Qazaqstandy egemendigimen quttyqtaımyn. Eki halyq arasynda dostyq arta bersin, jamandyq bolmasyn», - deıdi Kıev qalasynyń turǵyny Aleksandr Bazarnyı.

«Álippe» jáne qazaq tiline qatysty ádebıettiń kóp bóligin «Dostyq» mádenı ortalyǵy Qazaqstannyń Ýkraınadaǵy elshiliginen alǵan. Bolashaqta kitap qoryn keńeıtip, týǵan tilge qatysty qosymsha sabaqty mádenı ortalyq Qazaqstanmen onlaın baılanys arqyly alýdy josparlap otyr.

«Bul jerde tek qazaqtar ǵana emes, ózge ulttyń ókilderi de bar. Ýkraına halqynyń azamaty da qulshynysyn tanytyp, qazaq tiline degen súıispenshiligin bildirip, úırenip júr. Ár senbi saıyn biz osynda bas qosamyz. Turaqty on qandasymyz kelip, qazaq tiliniń tarıhyn, salt-dástúrin, qazaqtan shyqqan ǵulama azamattar jóninde maǵlumat alady. Muny olar ǵana emes, sonymen qatar balalarymyz - óskeleń urpaqtyń da boıyna sińirýge tyrysamyz. Biz tarıhı Otanymyzdan alshaqta júrsek te, ózimizdiń ana tilimizde sóıleýge, salt-dástúrimizdi qasterlep qadirleýge, tarıhymyzdy bilýge ózindik septigimizdi tıgizip jatqan jaıymyz bar», - deıdi «Dostyq» qazaq mádenı ortalyǵy tóraǵasynyń orynbasary Batyr Nııazbekov.

Qazaq dıasporasy bas qosqanda mol dastarhan jaıylady. Búgin de ulttyq taǵam túrleri ústel ajaryn asha túsipti. Tórde týymyz ilinip tur. Eń bastysy, munda qazaq dıasporasynyń ókilderi bir-birimen ana tilinde sóılesedi. Bir sát halyq ánine de oryn berip, arna arqyly elge ystyq sálemin joldaıdy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT