+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Túrkistan oblysynda medıtsına salasynyń úzdikteri marapattaldy

2019 jylǵy 16 jeltoqsan 02:23
Bólisińiz:
Túrkistan oblysynda medıtsına salasynyń úzdikteri marapattaldy

TÚRKІSTAN. QazAqparat – Túrkistan oblysynda Qoǵamdyq densaýlyq saqtaý basqarmasynyń uıymdastyrýmen Qazaqstan Respýblıkasynyń Táýelsizdik kúnine arnalǵan merekelik is-shara ótti. Saltanatty jıynda medıtsına salasynyń damýyna óz úlesterin qosyp júrgen birqatar qyzmetker marapattaldy, dep habarlaıdy QazAqparat tilshisi.

Uqsas jańalyqtar
San-Frantsısko bıylǵy 16 jeltoqsandy Qazaqstan-Amerıka dostyǵy kúni dep jarııalady 28 jylda Qazaqstanǵa qansha ınvestıtsııa tartyldy Jambyl oblysynda 28 jylda 870-ten astam áleýmettik nysan salyndy

Basqarma basshysy Muqan Egizbaev búkil ǵumyryn medıtsına salasyna arnap, eren eńbekterimen erekshelengen dárigerler men medbıkelerdi osynaý ulyq merekemen quttyqtady.

«Egemendik alǵaly úlken jetistikterge qol jetkizdik. Minekı, Túrkistan oblys ortalyǵy mártebesine ıe boldy. Elimiz táýelsizdik alǵan 28 jyl ishinde yntymaqty uran, tatýlyqty tý ete otyryp, tolaǵaı tabystarǵa jetti. Medıtsına salasy sonyń bir kórinisi deýge laıyq. Máselen, bıylǵy jyl Jetisaı, Atakent, Myrzakent, Kentaý qalalary men Saıram aýdanynda birden bes jańa emhana qurylysymen erekshelendi. Sonymen qatar shalǵaı aýyldarda 19 modýldik medıtsınalyq pýnkt paıdalanýǵa berildi. Kelesi jyly Arys qalasynda, Saryaǵash jáne Keles aýdandarynda emhanalar salynatyn bolady», - dedi Muqan Egizbaev.

Basqarma basshysy sondaı-aq, Túrkistan qalasynda kópsalaly aýrýhananyń qurylysy bastalatynyn atap ótti. Onyń sózinshe, oblys boıynsha jalpy barlyq medıtsınalyq mekeme 100 paıyz aqparattyq júıege qosylǵan.

«Sonyń arqasynda kezekte turý ýaqyty qysqardy. Úıden shyqpaı, taldaý nátıjelerin alýǵa, dárigerdi úıge shaqyrýǵa bolady. Qaǵazdy únemdeýdiń arqasynda shyǵyn 15 mln teńgege qysqardy. 2020 jyly qańtar aıynan bastap medıtsına qyzmetkerleriniń jalaqysy da kóteriledi», - dedi ol.

Táýelsizdik kúnine arnalǵan saltanatty sharada salanyń 60-qa tarta mamany «Densaýlyq saqtaý isine qosqan úlesi úshin» tósbelgilerimen jáne alǵys hattarmen marapattaldy. Sondaı-aq, «Densaýlyq saqtaý isiniń úzdigi» tósbelgisi men «Eńbek ardageri» medali, «Qurmet gramotalary» tapsyryldy.

Merekelik shara kontserttik baǵdarlamaǵa ulasty.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT