Shymkentte Táýelsizdik kúni merekesinde ardagerler qurmetke bólendi

ShYMKENT. QazAqparat – Shymkent qalasynyń ákimi Erlan Aıtahanov Táýelsizdiktiń 28 jyldyǵyna oraı ardagerlerge qurmet kórsetip, qoǵamdyq ómirge belsendi atsalysyp júrgen qarttardy marapattady, dep habarlaıdy QazAqparat tilshisi.

Uqsas jańalyqtar

Tel-Avıv merııasy qazaq týynyń túsine boıaldy

Ataýly kúnde dúnıege kelgenimdi maqtan etemin - Azamat Qabaqov Ánshi Dımash Qudaıbergen qazaqstandyqtardy Táýelsizdik kúnimen quttyqtady QHA ókilderi qazaqstandyqtardy Táýelsizdik kúnimen quttyqtady

Saltanatty shara barysynda Erlan Aıtahanov shahardyń tynys-tirshiligine beı-jaı qaramaı, udaıy ıgi bastamalardyń bel ortasynda júrgen aǵa býynnyń eńbegi eren ekenin atap ótti. Sondaı-aq, egemendi el bolyp qalyptasýdaǵy eńbekterin aıryqsha baǵalaıtynyn jetkizdi.

Merekelik jıynda QR Parlamenti Senatynyń depýtaty N.Beknazarov, qalalyq máslıhattyń hatshysy Ǵ.Tashqaraev, «Nur Otan» partııasynyń Shymkent qalalyq fılıaly tóraǵasynyń birinshi orynbasary B.Narymbetov te birqatar eńbek ardagerlerin marapattady. Ekinshi dúnıejúzilik soǵystyń qatysýshylary men tyl eńbekkerleri syndy qalanyń 300-ge jýyq ardageri merekelik dastarhanda bas qosty. Qazynaly qarııalar Táýelsizdikke deıingi ómirlerin eske alyp, búgingi urpaqtyń beıbit jáne táýelsiz elde ómir súrip jatqandaryn atap ótti.

Egemendik alý jolyndaǵy Tuńǵysh Prezıdent - Elbasy Nursultan Ábishuly Nazarbaevtyń eńbeginiń orasan ekenin tilge tıek etti.