Memqyzmetshilerdiń syılyq qabyldaýdaǵy shekteý túsindirildi -Aqmola oblysy

KÓKShETAÝ. QazAqparat – Kókshetaýda qalasynyń «Antikor ortalyǵy» servıs ortalyǵynyń alańynda QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Murat Tóleýbaev jýrnalıstermen brıfıng ótkizip, memlekettik qyzmetshilerge syılyq berý jáne olardyń syılyqtar alýyna qatysty jaýapkershilik týraly aıtyp berdi, dep habarlaıdy QazAqparat tilshisi vedomstvonyń baspasóz qyzmetine silteme jasap.

Uqsas jańalyqtar

Almatyda basqarma basshylarynyń biri ustaldy

Alık Shpekbaev ashyq ákim kabınetiniń qandaı bolatynyn aıtty Altaı Kólginov pen Alık Shpekbaev «Astana – adaldyq alańy» jumysymen tanysty Kásipkerler jumysyna kedergi keltiretinderge jaza kúsheıtildi

«Sybaılas jemqorlyqqa jol bermeý máselelerinde memlekettik qyzmetshilerdiń sanasyna parasattylyq, adaldyq, satylmaýshylyq sııaqty moraldyq-etıkalyq qaǵıdattardy engizýge erekshe nazar aýdarylady. Sybaılas jemqorlyqqa qarsy mádenıetti jáne memlekettik qyzmettiń oń ımıdjin qalyptastyrý maqsatynda «Sybaılas jemqorlyqqa qarsy is - qımyl týraly» zańǵa sáıkes memlekettik fýnktsııalardy oryndaýǵa ýákiletti nemese olarǵa teńestirilgen tulǵalarǵa laýazymdyq mindetterin oryndaý kezinde syılyqtardy ózge de ıgilikterdy qabyldaýǵa tyıym salynady», - dedi Murat Tóleýbaev.

Sondaı-aq, spıker memlekettik qyzmetkerler men memlekettik qyzmetke túsýshi tulǵalardyń jol bermeý maqsatynda mindetti túrde sybaılas jemqorlyqqa qarsy shekteýler, sonyń ishinde QR zańnamasyna sáıkes qyzmettik ókilettikti oryndaýǵa baılanysty syılyqtar qabyldaý boıynsha shekteýler qabyldanatynyn habarlady.

Budan basqa, ákimshilik quqyq buzýshylyq týraly zańnamaǵa sáıkes jeke tulǵalardyń memlekettik qyzmetshilerge jáne olarǵa teńestirilgen adamdarǵa zańsyz materıaldyq syıaqy, syılyqtar, jeńildikter nemese qyzmetter kórsetkeni úshin, eger bul is-áreketterde qylmystyq jaza qoldanylatyn áreket belgileri bolmasa, 200 AEK mólsherinde aıyppul salynady.

Al memlekettik qyzmetshiler men olarǵa teńestirilgen adamdardyń zańsyz materıaldyq syıaqyny, syılyqtardy, jeńildikterdi ne kórsetiletin qyzmetterdi usynǵan tulǵalardyń paıdasyna áreketteri (áreketsizdigi) úshin osylardy alýy, eger bul is-áreketterde qylmystyq jazalanatyn áreket belgileri bolmasa, 600 AEK aıyppul túrinde ákimshilik jaýaptylyq kózdelgen.

Bıyl zańsyz materıaldyq syıaqy bergeni úshin birneshe jeke tulǵa jalpy somasy 1 mıllıon teńgeden astam aıyppul salý túrinde ákimshilik jaýapkershilikke tartyldy.

Sonymen qatar, Murat Tóleýbaev departament memlekettik qyzmetkerler arasynda sybaılas jemqorlyqqa qarsy shekteýlerdi saqtaý, onyń ishinde qyzmettik ókilettilikti oryndaýǵa baılanysty syılyqtar qabyldamaý jáne arnaıy memlekettik qorǵa syılyqtardy ýaqytyly tapsyrý qajettigi týraly túsindirý jumystaryn turaqty túrde júrgizip jatqanyn aıtty.

«Eger sizder sybaılas jemqorlyq quqyq buzýshylyqtyń kýágeri bolsańyzdar, dereý biryńǵaı Sall-ortalyqqa – 1424 habarlasyńyzdar. Sondaı - aq, sizder sybaılas jemqorlyqqa qarsy is-qımyl boıynsha aýmaqtyq departamentke habarlasa alasyzdar», - dep departament basshysy sózin aıaqtady.