+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Elimizde satylǵan árbir ekinshi avtomobıl Qazaqstanda qurastyrylǵan - Toqaev

2019 jylǵy 13 jeltoqsan 12:29
Bólisińiz:
Elimizde satylǵan árbir ekinshi avtomobıl Qazaqstanda qurastyrylǵan  - Toqaev

NUR-SULTAN. QazAqparat – Qazaqstanda satylǵan árbir ekinshi avtomobıl otandyq kásiporyndarda qurastyrylǵan. Bul týraly búgin QR Prezıdentiniń «Altyn sapa» syılyǵyn tapsyrý rásiminde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

Uqsas jańalyqtar
Halyqaralyq arenada qazaqstandyq bıznestiń múddesi qalaı qorǵalyp jatyr Qazaqstandyq eksporttaýshylardyń 2,2 mlrd teńge shyǵyny óteledi Qazaqstannan shyǵarylǵan akkýmýlıatorlar 9 elge eksporttalýda

«Biz elimizdiń basty meıramy Táýelsizdik kúni qarsańynda jınalyp otyrmyz. Tuńǵysh Prezıdentimiz Nursultan Nazarbaev aıtqandaı, Táýelsizdikti jarııalaý bir másele, biraq múldem basqasy, barynsha mańyzdy ári eń qıyny - ony ustap qalý. 28 jyldyń ishinde Elbasynyń basshylyǵymen kóptegen jumystar. Indýstrııalandyrý el ekonomıkasy damýynyń myǵym keregesin qalyptastyrdy. Búkil elde shamamen 1300 jańa ónerkásip iske qosyldy. Nátıjesinde óndeý sektoryndaǵy óndiris kólemi sońǵy 10 jylda 3 eseden astamǵa ósti. Óńdeý ónerkásibine 34 mlrd dollardan astam tikeleı shetel ınvestıtsııasy tartyldy. Sektordaǵy eksport kólemi úshten birge artty jáne búginde 165 mlrd dollardy qurady», - dedi Qazaqstan Prezıdenti.

Memleket basshysy Qazaqstanda óndirilgen ónimderdiń 120-dan astam eldiń naryǵyna jetkiziletindigin aıtty. Ortalyq Azııa, EAEO elderi, Qytaı jáne Eýropalyq naryq qazaqstandyq ónimder jetkiziletin negizgi naryqqa aınalǵandyǵyna nazar aýdartty.

«Úkimettiń deregine sáıkes, sońǵy 8 jylda eksportqa 85 jańa taýarlyq pozıtsııa shyǵaryldy. Indýstrıalızatsııa álemdik daǵdarys kezeńinde ekonomıkamyzdyń damýyna baıypty serpin berdi. Ekonomıkanyń kóptegen salalary men sektorlarynda beıin men qurylym birtindep ózgerip jatyr. Mettalýrgııada bolattan rels, arqan, radıator syndy daıyn buıymdar óndirisi bastaldy. El ishinde alıýmınııdi bastapqy qaıta óńdeý artty», - dedi Qasym-Jomart Toqaev.

QR Prezıdenti elimizdiń álemdik tıtan óndirýshiler tizbesine qosylǵandyǵyn atap ótti. Buǵan deıin shyǵarylmaǵan tıtan quımalary men qorytpalary jolǵ qoıylǵanyn aıtty.

«Avtomobıl jasaýdy damytýǵa jaǵdaı jasaldy. Bul saladaǵy óndiris kólemin 8 ese arttyrýǵa múmkindik berdi. 2010 jyly Qazaqstanda 4 myń avtomobıl shyǵarylatyn. Osy jyldyń 10 aıynyń qorytyndysynda qurastyrylǵan mashınalardyń sany 38 myńnan asyp tústi. Búginde Qazaqstanda satylǵan árbir ekinshi avtomobıl otandyq kásiporyndarda qurastyrylǵan», - dedi Memleket basshysy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT