+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Muhammed Haıdar Dýlatı týraly telehıkaıa kórsetilmek

2019 jylǵy 13 jeltoqsan 11:35
Bólisińiz:
Muhammed Haıdar Dýlatı týraly telehıkaıa kórsetilmek

NUR-SULTAN. QazAqparat – «Habar» telearnasynyń tapsyrysymen túsirilgen «Dýlatı» atty tarıhı drama janryndaǵy telehıkaıa – arnanyń bıylǵy jańa maýsymynda jaryqqa shyǵyp jatqan týyndylardyń tizginin jalǵastyrmaq. Telehıkaıada XVI ǵasyrdaǵy uly dalanyń tynys-tirshiligi, Dýlat taıpasynyń sol zamandaǵy san syrǵa toly túrli taǵdyrlary men Muhammed Haıdar Dýlatıdyń ómiri sýretteledi. Atalmysh tarıhı dramany 17 jeltoqsannan bastap «Habar» telearnasynan tamashalaı alasyzdar. Týyndynyń prodıýseri – Murat Bıdosov.

Tarıhı telehıkaıada Jetisý jerindegi ejelgi Dýlat taıpasy ámirleriniń urpaǵy bolǵan áıgili tarıhshy, ǵulama Muhammed Haıdar Dýlatıdyń tarıh taraýlarynda qalǵan ómiri men uly dalada ámirshi bolǵan tekti áýlet urpaǵynyń san qıly taǵdyry sýretteledi. Týyndynyń sıýjet jelisi Dýlatıdiń ákesi Muhammed Husaıyndy Ámir-Temirdiń nemeresi Muhammed Shaıbanı hannyń óltirýinen bastalady. Saıası kúrestiń qaınaǵan ortasynda qalǵan Muhammed Haıdar Dýlatı sol kezde Úndistandy basqaryp turǵan bólesi – Babyr Sultanǵa qaraı jol tartady. Ol jerde biraz jyl turyp, Babyr Sultannyń ruqsatymen Sultan Saıd hanǵa kelip, onyń Qashqardaǵy saraıynda turyp, saraı qyzmetin basqarady. Saıd hannyń Ábýbákirge qarsy soǵystaryna qatysady. Saraı qyzmetin jan-jaqty biletin bilikti, bilimdi adam retinde tanylyp, hannyń murager balasy Ábý ar-Rashıd sultannyń tárbıeshisi bolady.

Sultan Saıd ólgennen keıin taqqa otyrǵan balasy Ábi ar-Rashıd Dýlat taıpasynan qaýiptenip, olardy qýǵyndaı bastaıdy. Muhammed Haıdardyń aǵasy – Saıd Muhammedti óltiredi. Osydan keıin Muhammed Haıdar Úndistanǵa qashady. Ol onda uly Moǵoldar saraıynda áskerbasy bolyp, Kashmırdi jaýlap alý soǵysyna qatysady. Jaýlap alǵannan keıin uly Moǵoldardyń atynan biraz ýaqyt Kashmırdi bılep turady. Ol osynda «Tarıhı-Rashıdıdi» jazýǵa kirisedi.

Dýlatıdyń «Tarıhı Rashıdı» eńbeginde qazaq handyǵynyń qalyptasý kezeńi, Jetisý men Shyǵys Deshti Qypshaq jerinde bolǵan oqıǵalar, Moǵolstannyń qulaýy, feodaldyq soǵystar, qazaqtar, qyrǵyzdar men ózbekterdiń syrtqy jaýǵa qarsy kúreste ózara odaqtasýy týraly qundy málimetter saqtalǵan.

Sonymen birge bul eńbekte XV-XVI ǵasyrlardaǵy Ońtústik jáne Shyǵys Qazaqstannyń áleýmettik-ekonomıkalyq jaǵdaıy, orta ǵasyrlyq Qazaqstandaǵy Jetisýdiń tarıhı jaǵrapııasy, qalalyq jáne eginshilik mádenıeti týraly málimetter bar.

Telehıkaıada Dýlatıdiń kitap jazý barysyndaǵy eleýli oqıǵalar sıýjettik jelide kórinis taýyp otyrady. Qazaq handyǵynyń qurylǵan jylyn dóp basyp jazǵan áıgili tarıhshynyń Babyr Sultanmen birge júrip, uly dalaǵa at basyn burǵany, Babyr Sultannyń Qasym hannyń ordasyna kelgen sátteri de aıryqsha sýrettelip otyrady.

17 jeltoqsannan bastap,keshki saǵat 20.00-de, «Habar» telearnasynan tarıhı taǵlymǵa toly «Dýlatı» telehıkaıasyn tamashalańyzdar.

Týyndynyń prodıýseri Murat Bıdosov, qoıýshy rejısseri Baqyttas Sanıtasov, stsenarıı avtory Serjan Zákeruly. 6 bólimnen turatyn tarıhı dramada basty rólderdi Darhan Súleımenov, Ergenbaı Abýov, Bolat Uzaqov,Murat Jarylqasynov, Dýlyǵa Aqmolda, Jeńis Qyńyrbekov, Baýyrjan Qaptaǵaı, Saǵyndyq Jumadil, Dınara Tólepbergenova, Mádına Ospan, Sýhrab Madýmarov, Galına Qoıshybaeva, Gúlzada Aıtbaeva, Úsiphan Seıtimbet, Janerke Dúısembıeva, Gúljámılá Beljanova, Jasulan Ertaıuly, Baqdáýlet Shaımahan, Aıdar Asarbaı, Álıasqar Ahmet jáne t.b. akterlar somdaıdy.

Bizdiń kanalymyzǵa jazylyńyz:

Basty sózder: Mádenıet, BAQ, Qoǵam,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT