+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

16 jeltoqsan. QazAqparat kúntizbesi

2019 jylǵy 16 jeltoqsan 07:00
Bólisińiz:
16 jeltoqsan. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 16 jeltoqsanǵa arnalǵan kúntizbesin usynady.

ATAÝLY KÚNDER

Qazaqstan Respýblıkasynyń Ulttyq meıramy - Táýelsizdik kúni

1991 jyly Qazaqstan Respýblıkasynyń Prezıdenti Nursultan Nazarbaev «Qazaqstan Respýblıkasynyń Memlekettik táýelsizdigi týraly» Konstıtýtsııalyq zańǵa qol qoıdy. Qazaqstannyń Memlekettik táýelsizdigi jarııalandy.

Táýelsizdik arqasynda Qazaqstan egemen el retinde óz betinshe ishki-syrtqy saıasatty júrgizetin, óz aýmaǵynda bılikti tolyq ıelengen táýelsiz demokratııalyq jáne quqyqtyq memleket mártebesine ıe boldy. Demokratııalaný jolyndaǵy baǵyt Qazaqstandy egemen, táýelsiz memleket retinde, qazaq halqy ulttyq tilin, mádenıetin, dástúrin saqtap, óz bastamalary men erekshelikterin jańǵyrta alatyndyǵyn jarııa etýge múmkindik berdi.

Sondaı-aq, bul kún 1986 jyly Almatyda bolǵan Jeltroqsan oqıǵasyn eske alý kúni. Qazaq jastary SSRO basshylyǵynyń saıasatyna narazylyq bildirip, ulttyq múdde men quqyqtyń taptalýyna qarsy shyqty. Bul - batyrlyq pen patrıottyqtyń nyshany boldy. Osy oqıǵa Qazaqstan halqynyń táýelsizdikke umtylysyn aıqyn kórsetip, respýblıka aldyndaǵy eń bıik maqsatty – egemen eldikke umtylysty kórsetti.

ESTE QALAR OQIǴALAR

1991 jyly «QazAqparat» (QazTAG) álemge Qazaqstan Respýblıkasynyń memlekettik táýelsizdigi jarııalanǵanyn habarlady.

1994 jyly Qazaqstan Respýblıkasynyń Prezıdenti N.Á. Nazarbaev óz rezıdentsııasynda EýroOdaq Komıssııasynyń Qazaqstandaǵy turaqty ókili Robert Kremerdiń senim gramotasyn qabyldady.

Elbasy Almatyda EýroOdaq ókildiginiń ashylýy Qazaqstan men Eýropa arasyndaǵy ekonomıkalyq, saıası baılanystardyń damyp, eýropalyq seriktestermen saýda-sattyq, iskerlik qatynastardyń jolǵa qoıylýyna edáýir kómek kórsetedi dep atap ótti.

1996 jyly Almatydaǵy Respýblıka alańynda Táýelsizdik monýmentiniń ashylý saltanaty boldy.

1996 jyly Almatyda besjuldyzdy «Ankara» qonaq úıiniń ashylý saltanaty ótti. Atalǵan sharaǵa Qazaqstan men Túrkııanyń Prezıdentteri qatysty.

1997 jyly Qazaqstannyń Ulttyq banki uly jazýshy M.Áýezovtiń 100 jyldyǵyna arnalǵan quny 20 teńgelik metall estelik shaqalaryn aınalymǵa shyǵardy.

2000 jyly Almatyda Abylaı hanǵa eskertkish ashyldy. Eskertkish avtory, músinshi - Nurlan Dalbaev.

Abylaı han, Ábilmansur (1711-1781) - qazaq hany. Arǵy tegi Joshy han, bergi babalary qazaq eliniń negizin salǵan Áz-Jánibek, odan soń Eńsegeı boıly Er Esim han, Salqam Jáńgir han. Abylaı - Jáńgir hannyń besinshi urpaǵy.

2006 jyly Batys Qazaqstan oblysy Qaztalov aýdany Jalpaqtal aýylynda ótken ǵasyrdyń qyrqynshy jyldary jumys atqarǵan «Qazaq halqyn qutqarý uıymy» («Soıýz spasenııa kazahskogo naroda») atty jastar uıymyn qurýshylardyń aty jazylǵan eskertkish taqta ashyldy. Qozǵalystyń 14 belsendi jastarynyń aty jazylǵan eskertkish taqtanyń ashylý saltanatynda týystary men jaqyndary qatysty. Odaqtyń basqarýshysy Ǵubaıdolla Ánesov 1941 jyly jeltoqsanda tutqyndalyp, atý jazasyna kesilgen, qalǵan qatysýshylary uzaq merzimge túrmege qamaldy. Jalpaqtal kósheleriniń birine Ǵ.Ánesovtiń aty berildi.

2011 jyly Memleket basshysy Nursultan Nazarbaev Astana qalasynda «Máńgilik El» saltanatty qaqpasynyń ashylý saltanatyna qatysty.

2014 jyly belgili qazaqstandyq dramatýrg jáne jazýshy Dýlat Isabekov Shyńǵys Aıtmatov atyndaǵy halyqaralyq syılyqtyń laýreaty atandy. Marapattaý saltanaty London qalasyndaǵy Brıtan Parlamentiniń ǵımaratynda ótti.

2016 jyly Qazaqstannyń tarıhynda alǵash ret Táýelsizdik kúninde memlekettik týy Antarktıdanyń eń bıik núktesi - Vınson shyńyna (4892 m) ornatyldy. Polıarlyq ekspedıtsııa qatysýshylary - belgili alpınıster Maǵjan Saǵymbaev pen Іlııas Ǵalymbekov aýa raıynyń qolaısyzdyqtaryna qaramastan, Vınson shyńyna shyqty. Vınson shyńy óziniń geografııalyq ornalasýyna baılanysty «7 summits» alpınıstik baǵdarlamasynyń kúrdeli bıiktikteriniń biri bolyp sanalady.

2016 jyly Memleket basshysy Nursultan Nazarbaev Təýelsizdiktiń 25 jyldyǵyna oraı Astanada jańa 25 qyrly monýmentti ashty.

«Táýelsizdiktiń 25 jyldyǵy» monýmenti - bolattan órilgen qańqany tabıǵı tastan qashalǵan qaptamamen oraý arqyly turǵyzylǵan kópburyshty fıgýra. Ony salýǵa 1319 tas jumsaldy. Sonyń 1069-y biregeı ólshemde jeke-jeke qashalyp jasaldy, al 250-i tıptik tastar boldy. Tastardyń jalpy salmaǵy - 94,5 tonna.

2017 jyly Shymkent qalasynyń «Araı» saıabaǵynda Medıtsınalyq qyzmetkerler alleıasy ashyldy. Alleıa úsh bólimnen turady. Ondaǵy birinshi tasta dárigerlerdiń bergen anttary oıyp jazylǵan. Ekinshi tasqa 525 jyl buryn 95 jasynda qaıtys bolǵan qazaq emshisi, halqyna óshpes mura qaldyrǵan Óteıboıdaq Tileýqabylulynyń músini qoıyldy. Úshinshi tas adamdardyń densaýlyǵy men ómiri úshin kúresip qaza bolǵan medıtsınalyq qyzmetkerlerdiń qurmetine qoıyldy.

2018 jyly Dımash Qudaıbergen Shanhaıda The Silk Road Cohesion Awards 2018 halyqaralyq kınofestıvalinde jyl ánshisi atandy jáne Uly Jibek joly elderiniń sheshimi boıynsha Jibek joly mádenıetiniń elshisi boldy.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT