Túrkistan qalasynda 300-den astam zańsyz ıelengen jerler anyqtaldy

TÚRKІSTAN. QazAqparat - Túrkistan qalasynda 300-den astam zańsyz ıelengen jerler anyqtaldy, dep habarlaıdy QazAqparat Túrkistan oblystyq prokýratýrasynyń baspasóz qyzmetine silteme jasap.

Uqsas jańalyqtar

SQO-da jyl basynan 250 lıtrden astam alkogol tárkilendi

Baspasóz qyzmetine taratqan aqparattarǵa qaraǵanda, Túrkistan prokýratýrasy júrgizgen tekserýlerdiń nátıjesinde Túrkistan qalasynyń aýmaǵynda paıdalanylmaı jatqan jalpy kólemi 3 myń gektardan astam 80 jer ýchaskesi anyqtalyp, onyń 76-sy (kólemi 705,85 ga) prokýrorlyq qadaǵalaý aktileriniń negizinde memleketke qaıtaryldy.

Sondaı-aq kásipkerler jáne jeke turǵyn úı qurylysyna arnalǵan 293 (jalpy kólemi 127,03 ga) jerdi jalǵan qujattar jasaý arqyly zańsyz ıemdený boıynsha memleketke 1,6 mlrd. teńge zalal keltirgen.

Prokýratýranyń aktileri negizinde búgingi kúni atalǵan jerlerdiń 165-i qaıtarylyp (95ga), memlekettiń 1,3 mlrd. teńgege jýyq materıaldyq múddeleri qorǵaldy.

Zańsyzdyqtarǵa jol bergen Túrkistan qalasy ákimdiginiń jer qatynastary bóliminiń basshysy B.Elshibaev, qalalyq jer kadastry bólimshesiniń basshysy N.Kópbaev jáne osy mekemelerdiń basqa 3 qyzmetkeri qylmystyq jaýapqa tartyldy (5 jyldan 10 jylǵa deıingi merzimderge bas bostandyǵynan aıyryldy).

Bul rette osy jolmen zańsyz rásimdelgen 12 jer memleket muqtajy úshin alynatyn múlik tizimine negizsiz qosylǵany áshkerelenip, prokýratýranyń talaby negizinde 6 jer der kezinde tizimnen shyǵarylyp, 25 mln. teńge kólemindegi bıýdjet qarajaty únemdelse, zańsyz ótemaqy tólenip ketken 6 jer boıynsha 33,5 mln. teńge bıýdjet qarajatyn qaıtarýǵa shara qoldanylýda.

Qazirgi ýaqytta jer salasyndaǵy zańsyzdyqtar boıynsha taǵy 4 qylmystyq is tergelý satysynda.