+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

JOO-daǵy bilim baǵdarlamasynyń 73% jumys berýshilerdiń suranysyna saı emes - BǴM

2019 jylǵy 10 jeltoqsan 13:34
Bólisińiz:
JOO-daǵy bilim baǵdarlamasynyń 73% jumys berýshilerdiń suranysyna saı emes - BǴM

NUR-SULTAN. QazAqparat – Otandyq JOO-daǵy bilim berý baǵdarlamalarynyń 73 paıyzy jumys berýshilerdiń suranysyna saı kelmeıdi. Bul týraly QR BǴM Bilim jáne ǵylym salasyndaǵy baqylaý komıtetiniń tóraǵasy Gúlzat Kóbenova málim etti, dep habarlaıdy QazAqparat tilshisi.

«Bıyl QR Bilim jáne ǵylym mınıstrliginiń tapsyrysy boıynsha, «Atameken» UKP joǵary oqý oryndarynyń bilim berý baǵdarlamalarynyń reıtıngisin daıyndady. Búgingi kúni bilim berý baǵdarlamalary byltyrmen salystyrǵanda ádistemesi ózgerdi. Jalpy, reıtıngte 109 joǵary oqý ornynan 2000 bilim berý baǵdarlamasy qamtyldy», - dedi G. Kóbenova Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, reıtıng júrgizý barysynda negizgi 17 krıterıı nazarǵa alyndy. Olardyń ishinde túlekterdiń jumysqa ornalasýy, olardyń ortasha jalaqysy, oqý aıaqtalǵan soń jumys izdeý uzaqtyǵy sekildi jaǵdaılar zerdelendi.

Belgili bolǵandaı, elimizdiń óńirlerinen 700-den astam sarapshy qatysyp, olar 6 myńnan astam ózderiniń qorytyndysyn usyndy.

«Onyń nátıjesine toqtalsaq, joǵary oqý oryndary bilim berý baǵdarlamalarynyń 73 paıyzy jumys berýshilerdiń kóńilinen shyqpaı otyr», - dedi komıtet basshysy.

Júrgizilgen reıtıng barysynda túlekterdiń jumysqa turýy 74 paıyzdy quraıtyny anyqtaldy. Olardyń ortasha eńbekaqysy 103 myń teńgeden asady.

Aıta keteıik, «Atameken» Ulttyq kásipkerler palatasy eki jyl qatarynan QR Bilim jáne ǵylym mınıstrligi men «Eńbek resýrstaryn damytý ortalyǵy» AQ-men birlesip, otandyq joǵary oqý oryndarynyń bilim berý baǵdarlamalaryna táýelsiz baǵalaý júrgizip keledi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT