+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Ómirzaq Shókeev oblys, aýdan, qalalyq máslıhat depýtattaryn marapattady

2019 jylǵy 10 jeltoqsan 05:36
Bólisińiz:
Ómirzaq Shókeev oblys, aýdan, qalalyq máslıhat depýtattaryn marapattady

NUR-SULTAN. QazAqparat - Altynshy shaqyrylymdaǵy Túrkistan oblystyq máslıhatynyń kezekti qyryq tórtinshi sessııasy ótti. Oǵan oblys ákimdiginiń músheleri, oblystyq saılaý komıssııasynyń tóraǵasy, memlekettik organdar basshylary, qala, aýdan ákimderi jáne máslıhat hatshylary, sondaı-aq buqaralyq aqparat quraldarynyń ókilderi qatysty.

Uqsas jańalyqtar
Máslıhattar qazaqtyń ulttyq saltyna negizdelip qurylǵan – Shalataı Myrzahmetov Máslıhattardyń normashyǵarmashylyq qyzmetke tartylǵan mamandarynyń biliktiligi tómen - Nazarbaeva Arysta Qazaqstan máslıhattarynyń 25 jyldyǵy atalyp ótti

Oblys ákimi Ómirzaq Shókeev kópshilikti alda kele jatqan elimizdegi eń ulyq mereke – Táýelsizdik kúnimen jáne QR Máslıhattarynyń 25 jyldyǵymen quttyqtady.

«Biz úshin búgin tarıhı kún. Jańa ǵımaratta bas qosyp otyrmyz. Túrkistan oblysynyń qurylyp, Túrkistan qalasynyń oblys ortalyǵy atanǵanyna da bir jyldan endi asty. Az ǵana ýaqytta úlken jumystar jasaldy. Oǵan ózderińiz de kýá bolyp kelesizder. Óńirdiń damýyna árbirińizdiń qosyp otyrǵan úlesterińiz kóp», – dedi oblys basshysy.

Jıynda oblys ákimi Ómirzaq Shókeev QR Máslıhattarynyń 25 jyldyq merekelik medalimen marapattalyp, jańadan jaryq kórgen «Túrkistan oblystyq máslıhaty: tarıh belesteri jáne jarqyn jeńister» kitabyna ıe boldy.

Sondaı-aq, Ómirzaq Estaıuly oblystyq, aýdan, qalalyq máslıhat depýtattary men qoǵamdyq uıym tóraǵalaryn jáne mekeme basshylaryn óńirdiń damýyna jáne oblystyń saıası belsendiligin arttyrýǵa qosqan úlesi úshin QR Máslıhattarynyń 25 jyldyq merekelik medalimen marapattady. Arnaıy alǵys hat pen QR Máslıhattarynyń 25 jyldyǵyna oraı jaryq kórgen kitapty tabys etti.

Serikbaı Ibadýllaev tóraǵalyq etken sessııanyń kún tártibinde 20-ǵa jýyq másele qaraldy. Otyrysta 2019-2022 jyldarǵa arnalǵan oblystyq bıýdjet pen jalpy sıpattaǵy transfertter kólemi naqtylandy. Sondaı-aq, aýyzsýmen qamtamasyz etý men áleýmettik mańyzy bar qatynastar tizbesin aıqyndalyp, Daǵdarysqa qarsy shtab quramy bekitildi. Túrkistan oblysynyń halyqty jumyspen qamtý máselesi talqylanyp, «Rýhanı jańǵyrý» baǵdarlamasyn iske asyrý jónindegi saraptamalyq keńestiń quramy bekitildi. Kentaý qalasynyń kósheleri men shaǵyn aýdandaryn qaıta ataý jáne ataý berý máselesi qaralyp, Túrkistan oblystyq máslıhatynyń 2020 jylǵa arnalǵan jumys jospary ortaǵa salyndy. Kún tártibin qaraý nátıjesi boıynsha oblystyq máslıhat depýtattary tıisti sheshimder qabyldady. Altynshy shaqyrylymdaǵy Túrkistan oblystyq máslıhatynyń kezekti sessııasyna tóraǵa bolyp Murat Meıirmanov saılandy.

Bizdiń kanalymyzǵa jazylyńyz:

Basty sózder: Túrkistan oblysy, Ákim, Qoǵam,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT