+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Aqtóbede ótken shyǵarma jazý baıqaýynda úndistandyq stýdent júlde aldy

2019 jylǵy 10 jeltoqsan 02:25
Bólisińiz:
Aqtóbede ótken shyǵarma jazý baıqaýynda úndistandyq stýdent júlde aldy

AQTÓBE. QazAqparat – Aqtóbede Prezıdenttiń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn nasıhattaýǵa arnalǵan baıqaý qorytyndylandy, dep habarlaıdy QazAqparat tilshisi qala ákiminiń baspasóz qyzmetine silteme jasap.

Uqsas jańalyqtar

Baıqaýǵa joǵary oqý oryndary men arnaýly orta oqý oryndarynyń stýdentteri qatysty.

«Álem úshin bilim keńistiginiń jahandanýy mańyzdy úderis. Men óz jumysyma Qazaqstan Prezıdenti Joldaýynyń bilimge baǵyttalǵan tusyn arqaý ettim. Shyǵarmamdy jazyp shyǵý úshin ınternet materıaldaryn kóp oqydym. Joldaýdyń mazmunyn meniń ǵylymı jetekshim túsindirdi. Júldeli oryn alatynyma úmitti bolǵanym ras. Men qazir ózim bilim alyp júrgen qazaq eline sheksiz razymyn», — dedi M.Ospanov atyndaǵy BQMÝ stýdenti Djaı Kýmar Garhval.

Ol ýnıversıtettiń jalpy medıtsına fakýltetiniń úshinshi kýrsynda oqıdy. Baıqaýda ekinshi oryn aldy.

Barlyǵy 34 shyǵarma jazyldy. Basym bóligi kolledj stýdentteriniń týyndysy. І oryndy S.Báıishev atyndaǵy Aqtóbe ýnıversıtetiniń stýdenti Juldyz Aqyljanova, ІІ oryndy M.Ospanov atyndaǵy BQMÝ stýdenti Djaı Kýmar Garhval, ІІІ oryndy Q.Jubanov atyndaǵy Aqtóbe óńirlik memlekettik ýnıversıtetiniń stýdenti Vıktorııa Mohıboroda aldy.

Al kolledj stýdentteri arasynda І orynǵa Aqtóbe ónerkásiptik tehnologııalar jáne basqarý kolledjiniń stýdenti Arýjan Shúkirova, ІІ orynǵa Aqtóbe ónerkásiptik tehnologııalar jáne basqarý kolledjiniń stýdenti Evgenıı Tretıak, ІІІ orynǵa Aqtóbe baılanys jáne elektrotehnıka kolledjiniń stýdenti Meırambek Seıilhan laıyq dep tanyldy.

Barlyq júldegerler qala ákiminiń alǵys hatymen jáne planshet, fotoapparat sııaqty baǵaly syılyqtarmen marapattaldy.

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT