+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Túrkistanda «Sálem saǵan, Túrkistan» óner festıvali ótti

2019 jylǵy 9 jeltoqsan 22:12
Bólisińiz:
Túrkistanda «Sálem saǵan, Túrkistan» óner festıvali ótti

TÚRKІSTAN. QazAqparat - Túrkistan oblysy ákimdiginiń qoldaýymen, oblystyń ımıdji men týrıstik áleýetin arttyrý, ónerli jastarǵa qoldaý kórsetý maqsatynda jáne QR Táýelsizdik kúnine arnalǵan «Sálem saǵan, Túrkistan» óner festıvali uıymdastyryldy, dep habarlaıdy óńir basshysynyń baspasóz qyzmeti.

Uqsas jańalyqtar
Jambylda ál-Farabıdiń 1150, Abaıdyń 175 jyldyǵyna oraı onlaın baıqaýlar uıymdastyrylady Jambyldaǵy mádenı mekemeler onlaın-rejımde jumys istep jatyr Óner adamdary onlaın kontsert berip, dáris ótkizýde

400-ge jýyq úmitker dodaǵa túsken aýqymdy sharany 2 myńnan astam kórermen tamashalady.

Festıvaldiń qorytyndy sharasyna Túrkistan oblysy ákiminiń orynbasary Sáken Qalqamanov qatysyp, Gran-prı ıegerlerin marapattady. Shara aıasynda klassıkalyq án oryndaýshylar, balalarǵa arnalǵan bı, sýretshiler men foto sýretshilerdiń «Túrlengen - Túrkistan» baıqaý-kórmesi, «Open Turkistan» tanymdyq beınerolıkter, «Turkistan fashion» kıim dızaınerleriniń baıqaýy ótti.

Qazylar alqasynyń sheshimimen «Sálem saǵan, Túrkistan» óner festıvali aıasynda ótkizilgen balalarǵa arnalǵan bı baıqaýynyń bas júldesi Túrkistan qalasyndaǵy «Shabyt» jáne Tólebı aýdanynnan kelgen «Kórkem» bı ujymdaryna tabystaldy. Báıdibek aýdanynan kelgen «Asylym», Jetisaı aýdanynan kelgen «Shattyq» bı ujymdary júldeli 1-orynnan kórindi. Al kentaýlyq «Shyǵys yrǵaqtary» jáne saryaǵashtyq «Erketaı» bı ujymdary 2-oryndy enshilese, «№1 Saıram balalar saz mektebi» men qazyǵurttyq «Balaýsa», shardaralyq «Aqmarjan» bı ujymdary 3-oryndy qanaǵat tutty.

Al, «Túrlengen – Túrkistan» sýretshiler men foto sýretshilerdiń kórme baıqaýynyń keskindeme nomınatsııasy boıynsha bas júldesi Nur-Sultan qalasynan kelgen Seısenhan Mahambetke tabys etildi. Shymkenttik Arman Omarov 1-oryndy, shymqalalyq Serikbaı Jorabekov pen Seıitbek Májibaev 2-oryndy, Shymkentten kelgen Beıbit Bertaev pen túrkistandyq Murat Shahanbaev jáne shymkenttik Omar Babajanovtar júldeli 3-oryndy qanjyǵalaryna baılady.

Fotosýretshiler saıysynda shymkenttik Súndet Janadilov bas júldege, Maqsat Shaǵyrbaev júldeli 1-orynǵa, Beıbit Bertaev pen Salaýat Jánibekuly 2-orynǵa, oraldyq Meıirbek Tashkýranov pen shymqalalyq Dáýletııar Baltabaev, nursultandyq Shúkir Shahaı júldeli 3-oryn ıegeri atandy.

«Open Turkistan» beınerolıkter saıysynda shymkenttik Erkin Marǵulan bas júldege qol jetkizdi. Aıdana Kóshen 1-oryn, Alıhan Konkın 2-oryn, Ábdinabı Danııar 3-oryndy qanjyǵalaryna baılady.

Budan bólek, 7-12 jas aralyǵynda klassıkalyq án oryndaýshylar saıysynyń bas júldesine Tólebı aýdanynyń ónerpazy Ǵalamat Halyq laıyq dep tanyldy. Saryaǵashtyq Aısha Ýalıhan 1-oryn, túrkistandyq Bazarbaı Іzbasar 2-oryn, arystyq Arman Abdrahman 3-oryn ıegerleri atandy. Al, 13-17 jas aralyǵynda tólebılik Aqbota Muratqa teń keler eshkim bolǵan joq. Shymkent qalasynyń ónerpazy Asqar Rysbek 1-oryn, jetisaılyq Bekasyl Syıqymbaı 2-oryndy ıelense, túlkibastyq Dıana Erserikqyzy júldeli 3-orynnan tabyldy.

Sonymen qatar, «Turkistan fashion» ulttyq kıim dızaınerleriniń baıqaýynyń bas júldesi Nesibeli Esqaraevaǵa, 1-oryn Іńkár Muhtarǵa, 2-oryn Gaýhar Qapaqovaǵa, 3-oryn Saltanat Omarovalarǵa buıyrdy.

Aıta keteıik, aldyn-ala basqarmamen bekitilgen baıqaý qaǵıdalaryna sáıkes, «Open Turkistan» beınerolıkter baıqaýyna 93 beınerolık kelip tússe, «Turkistan fashion» ulttyq kıim dızaınerleriniń baıqaýyna 50-ge jýyq eńbek usynylyp, fınalǵa 10 dızaınerdiń jumysy tańdalyp alyndy.

Bı baıqaýyna barlyq aýdan, qalalardan 15 bı ujymy qatysýǵa ótinim berse, balalar men jasóspirimder arasyndaǵy klassıkalyq án oryndaýshylar baıqaýyna aldyn ala júrgizilgen irikteý kezeńi arqyly 25 úmitker sońǵy kezeńge joldama alsa, «Túrlengen – Túrkistan» sýretshiler men foto sýretshilerdiń baıqaý-kórmesine 33 keskindemeshi men 17 fotosýretshi óz jumystaryn usyndy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT