+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Túrkistanda áleýmettik qyzmetkerlerdiń jumysyn jetildirý máseleleri talqylandy

2019 jylǵy 9 jeltoqsan 15:17
Bólisińiz:
Túrkistanda áleýmettik qyzmetkerlerdiń jumysyn jetildirý máseleleri talqylandy

TÚRKІSTAN. QazAqparat – Túrkistan qalasyndaǵy ortalyq emhanada óńirdegi jumys isteıtin áleýmettik qyzmetkerler men psıhologtardyń jumysyn jaqsartý maqsatynda semınar-keńes ótti, dep habarlaıdy QazAqparat tilshisi.

Uqsas jańalyqtar
Prezıdenttik kadr rezervi jastar úshin áleýmettik lıftige aınaldy - Erkebulan Boranbaev Muhtar Qul-Muhammed QR ІІM jáne Shekara qyzmetiniń oqý oryndarynda boldy Shymkent sottarynda Prezıdent Joldaýyn túsindirý jumysy júrgizilýde

Oblystyq Qoǵamdyq densaýlyq saqtaý basqarmasynyń basshysy Muqan Egizbaevtyń bastamasymen uıymdastyrylǵan sharada bastapqy medıko-sanıtarlyq kómek máseleleri talqylandy.

Semınar barysynda elimizde ashylǵan Bastapqy medıko-sanıtarlyq kómek ulttyq qaýymdastyǵynyń dırektory Roza Abzalova men qaýymdastyq ókilderi, sondaı-aq Nur-Sultan jáne Almaty qalalarynan arnaıy kelgen mamandar áleýmettik qyzmetkerlerdiń kásibı biliktiligin arttyrý men qoǵamdaǵy rólin kúsheıtý máselelerin sóz etti. Halyq arasyndaǵy negizgi áleýmettik máselelerdi anyqtaý men jergilikti turǵyndardyń ál-aýqatyn jaqsartý jaıyn baıandady.

Bastysy, Elbasy N. Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» baǵdarlamasy men QR Prezıdenti Q. Toqaevtyń «Syndarly qoǵamdyq dıalog – Qazaqstannyń turaqtylyǵy men gúldenýiniń negizi» atty Joldaýynda kórsetilgen tapsyrmalar aıasynda atqarylýy tıis jumystar barysyn úıretti. Áleýmettik qyzmetkerlerdiń túrli saladaǵy ózekti máselelerge aralasyp, belsendiligi kúsheıip otyrǵanyn jetkizdi. Óıtkeni qazir bul qyzmetkerler halyqpen etene jaqyndasyp, janashyrlyq tanytyp júr. Olar aýdan, qalalardaǵy, aýyldyq jerlerdegi áleýmettik mańyzy bar ózekti máselelerdi anyqtap, vedomstvoaralyq jumystaryn kúsheıtý arqyly turmysy tómen otbasylarǵa der kezinde kómek kórsetip keledi. Áleýmettik qoldaýǵa muqtaj, jalǵyzbasty otbasylarǵa qol ushyn sozý nemese kópbalaly analarǵa kómek berý úshin qoldan kelgen sharalardy jasaýda. Az qamtylǵan januıalardyń baspanasy jaǵdaıynyń nasharlyǵyn da basty nazarǵa alyp, ondaı otbasydan shyqqan balalardy mektepterde ystyq tamaqpen qamtylýyna úles qosýda.

Máselen, Túrkistan qalasyndaǵy emhanadan ashylǵan «Adaldyq alańy» modeli negizinde tájirıbe jumystary kórsetilip, ony ózge óńirlerde júzege asyrý áreketteri úıretildi. Sebebi, bir ǵana alań arqyly kez-kelgen azamat barlyq kerek qyzmetterin alyp, qanshama ýaqytyn únemdeı alady.

Semınar barysynda osy salaǵa beıimdelgen trenerler osyndaı alańdardyń áleýmettik jumystardy jeńildetip, turǵyndarǵa tıimdi tustaryn atap ótti. Aıta keteıik, dál osyndaı alańdar búginde Saryaǵash, Shardara, Báıdibek, Túlkibas, Ordabasy, Otyrar sııaqty birqatar aýdandar men Asyq ata kentindegi emhanalardan ashylyp otyr. Semınar sońynda elimizdiń basty qalalarynan kelgen mamandar emhana qyzmetkerleriniń saýaldaryna tolyqqandy jaýaptaryn berip, basqosýdyń joǵary deńgeıde uıymdastyrylǵanyn atap ótti.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT