+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Arqalyq qalasynda birneshe býynǵa jalǵasqan polıtseıler otbasy turady

2019 jylǵy 8 jeltoqsan 12:54
Bólisińiz:
Arqalyq qalasynda birneshe býynǵa jalǵasqan polıtseıler otbasy turady

QOSTANAI. QazAqparat – QR Іshki ister salasynyń qurmetti ardageri Sovet Kereıbaevtyń balalary men nemereleri, kelini men kúıeý balasy quqyq qorǵaý organdarynda jumys isteıdi. Ata amanatyna adaldyq tanytyp, bir ǵana salada qyzmet istep kele jatqan áýlettiń úlkeni QazAqparat tilshisine suhbat berdi.

Uqsas jańalyqtar
Elordada «Jańa syn-qaterler kezeńindegi medıa» atty dóńgelek ústel ótti Eýropa lıgasy: «Portý» óz alańynda «Baıerden» jeńilip qaldy Nurymbetovtiń qabyldaýynda bolǵan azamattar qandaı máselelerdi kóterdi

El tynyshtyǵyn, qoǵamdyq tártipti saqtaý – abyroıly mindet. Bul jaýapty jumysqa otansúıgish, patrıot azamattar laıyq ekeni belgili. Arqalyq qalasynda turatyn Kereıbaevtar otbasyn kópshilik jaqsy biledi. Otaǵasy Sovet Qusmanuly birneshe jyl aýdandyq, qalalyq basqarmalarda boldy.

«1939 jyly Aqmola oblysynyń Eńbekshilder aýdanynda týdym. Bir jasymda Esil stantsııasyna kóship keldik. Ákem Qusman temir jol boıynda jumysker, anam Bátıma úı sharýasynda boldy. 1957 jyly Esilde №59 orta mektepti bitirdim. Júrgizýshi mektebin aıaqtap, 1958-1964 jyldary avtobazada júrgizýshi bolyp istedim. 1964-1966 jyldary Almaty mılıtsııa arnaıy orta mektebiniń MAI bólimshesinde kýrsant, 1966-1969 jyldary Esil aýdandyq ІІB MAI ınspektory, 1969-1974 jyldary tergeýshi boldym», - deıdi Sovet Kereıbaev.

Sovet Qusmanuly munan soń Qostanaı oblysyna qonys aýdarady. 1974 jyly Amankeldi aýdandyq ishki ister bólimine jumysqa turyp, úsh jyldan soń bólim bastyǵyna deıin kóteriledi. Ardagerdiń Qostanaı oblysynyń quqyq salasynda júrip, birneshe laýazymdy qyzmetterdi atqardy.

«Tártip saqshysynyń tańdaýy az bolady. Basshylyq qaıda baǵyttasa, sonda barasyń. Mindettelgen jumysty abyroımen atqarýdyń júgi tipten aýyr. 1985 jyly Jankeldın aýdandyq ishki ister bóliminiń bastyǵy bolyp júrip, alty jyldan soń Arqalyqqa aýystym. 1991 jyldyń qazan aıynda mılıtsııa podpolkovnıgi sheninde zeınetkerlikke shyqtym. Qyzmet barysynda túrli qıynshylyqtar, tıisinshe, qýanyshty sátter kóp boldy. Keıin jyldary Torǵaı oblystyq salyq komıtetinde, tutynýshylar odaǵynda zańger bolyp jumysqa turdym», - dep sózin jalǵady ardager.

Sovet Kereıbaev ózi ómir boıy eńbek etken quqyq qorǵaý salasyn baǵalaı bilgen jáne balalaryna da sol joldy tańdaýǵa úıretken. Jubaıymen 8 bala tárbıelep ósirse, onyń altaýy áke jolyn qýdy.

«Zeınetke shyqpaǵan ulym Ǵalym Esil aýdanynda azamattyq qorǵaý praporıgi bolyp órt sóndirý bólimshesinde jumys isteıdi. Bir kelinim men kúıeý balam da osy quqyq salasynda. Men balalaryma durys joldy tańdaýdy nusqadym. Olardyń júrek qalaýyna kedergi keltirgen emespin. Nemerelerim de áýletimizdiń mamandyǵynan alystamady. Nurhan esimdi nemerem – Nur-Sultan qalasynda jol polıtsııasynda vzvod komandıri, ekinshi nemerem – Aıdar QR ІІM Ulttyq gvardııasynda komandır, úshinshisi Saıat – áskerı qyzmetker, efreıtor. Mine, bul balalarym qoǵam tynyshtyǵy úshin jastaıynan qyzmet etip keledi. Árqaısysymen maqtanamyn. Memleket múddesin bıik qoıyp, maqsatyna degen adaldyqtary unaıdy. Tek ózindik dástúrge berik otbasy ǵana jumysqa degen jaýapkershilikti bere alady. Osyny nemerelerime únemi aıtyp otyramyn», - dep bólisti Sovet Qusmanuly.

Sanaly ǵumyryn quqyq salasyna arnaǵan Sovet aqsaqal bar qurmetke ıe. «Qylmysty izdestirý qyzmetine 100 jyl», «Tyń jerlerdi ıgergeni úshin», «Tyńǵa 50 jyl», «Eńbek ardageri», «QRıІІM qurmetti ardageri» medaldarymen jáne «Mılıtsııa úzdigi», «І sanattaǵy maman» tósbelgilerimen marapattaldy. 2015 jyly Qostanaı oblysynyń «Eńbek dańqy» kitabyna esimi engizildi.

Sovet Qusmanuly jasy seksenge jetse de qoǵamdyq jumystardyń bel ortasynda júredi. Búginde ol – Arqalyq polıtsııa basqarmasynda ardagerler keńesiniń, Arqalyq qalalyq ardagerler keńesiniń pleným múshesi.

Bizdiń kanalymyzǵa jazylyńyz:

Basty sózder: Qostanaı oblysy, Qoǵam,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT