+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Pavlodar oblysynda qurylysy 10 jylǵa sozylǵan sý qubyry paıdalanýǵa berildi

2019 jylǵy 6 jeltoqsan 07:36
Bólisińiz:
Pavlodar oblysynda qurylysy 10 jylǵa sozylǵan sý qubyry paıdalanýǵa berildi

NUR-SULTAN. QazAqparat - Qurylysy on jylǵa sozylǵan Maı aýdanyndaǵy toptyq sý qubyry paıdalanýǵa berildi. Barlyq paıdalanýshylar úılerine sý qubyrlaryn tartyp bolǵan soń olarǵa taza aýyz sý jiberiletin bolady, dep habarlaıdy oblystyq ákimdiktiń baspasóz qyzmeti.

Uqsas jańalyqtar
Almatydaǵy qurylys kompanııalary qazaqstandyq ónimderdi satyp almaq Jańa nysandar bos turmaýy kerek– Berdibek Saparbaev Túrkistan qalasynyń ákimi shahardy kógaldandyrý jumystarymen tanysty

Maı aýdanynda ótken ǵasyrdyń 90-jyldarynda jumys istegen sý qubyryn qaıta qurý jobasy 2010 jyly qolǵa alynǵan edi. Qurylys jumystaryna Sý resýrstarynyń komıteti tapsyrys bergen bolatyn. Alaıda, alǵashqy merdiger «Tsentrstroı-komplekt NS» JShS-i jumysty sozbalańǵa salǵan soń aradaǵy kelisimshart sot sheshimi boıynsha buzyldy. Budan keıin jumysqa kirisken «Lıga-Fınans» JShS-i de osyndaı jaǵdaıǵa ushyrady. 2015 jyly Ertis ózeniniń tasýy kezinde sý qubyrynyń biraz bóligindegi joldar shaıylyp, skvajınalar tasqyn sý astynda qaldy.

- Maı aýdanyndaǵy aýyldar sany azaıǵandyqtan 2017 jyly jobaǵa túzetýler engizildi, - dep atap ótti jer qoınaýyn paıdalaný, qorshaǵan orta jáne sý resýrstary basqarmasynyń mamandary. – 2018-2019 jyldar aralyǵynda qurylys jumystaryn «Qazsýsharýashyshylyq» respýblıkalyq kásiporny júrgizdi. Nysannyń quny 5,4 mıllıard teńgeni qurady. Qazirgi kezde sý qubyryn iske qosý jumystary júrgizilip jatyr.

Toptyq sý qubyryna Maı aýdanynyń 9,7 myń turǵyny bar 15 aýyly qosylatyn bolady. Jumysker, Kóktóbe jáne Bozsha aýyldarynda kentishilik sý jelileri salynyp bitti. Jyl sońyna deıin taǵy da 11 aýylda sý bóletin qubyrlar tartylatyn bolady. Osy maqsattarǵa 2019 jyly 3,2 mıllıard teńge qarjy bólindi. Bul somanyń 2,7 mıllıardy respýblıkalyq bıýdjetten, qalǵan 518 mıllıon teńge oblystyq qazynadan bólindi.

Maı toptyq sý qubyryna Aqsý qalasynyń aýyldyq aımaǵynyń eldi mekenderi de qosylýy múmkin. Pavlodar oblysynyń ákimi Bolat Baqaýov aǵymdaǵy jyldyń tamyz aıynda qurylys ýchaskelerin aralaý kezinde osyndaı usynys jasady.

- Tórt myńǵa jýyq turǵyny bar Mámáıit Omarov, Qurkól jáne Eńbek aýyldarynda sý qubyrlaryn tartý jobasy ázirlendi, - dedi aımaq basshysy. – Eger ár aýyldyń ózinde skvajına burǵylap, sorǵy stantsııalaryn salyp, ózge de ınfraqurylymdy tartatyn bolsaq, bul jumystarǵa bıýdjetten 1 mıllıard teńgege jýyq qarjy jumsalady. Al, osy aýyldardy Maı toptyq sý qubyryna qossaq, birtalaı qarjy únemdeler edi, sýdyń kirisi de artar edi. Sý jelisine qyzmet kórsetetin mamandardyń eńbekaqysy kóterilip, sý baǵasynyń tarıfi tómendeıdi.

Bizdiń kanalymyzǵa jazylyńyz:

Basty sózder: Pavlodar oblysy, Qoǵam, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT