+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Teatr óneri jónindegi kórkemdik keńestiń respýblıkalyq otyrysy ótti

2019 jylǵy 5 jeltoqsan 22:59
Bólisińiz:
Teatr óneri jónindegi kórkemdik keńestiń respýblıkalyq otyrysy ótti

NUR-SULTAN. QazAqparat - Búgin Nur-Sultan qalasyndaǵy Ulttyq akademııalyq kitaphanada Mádenıet jáne sport mınıstrligi janyndaǵy kórkemdik keńestiń otyrysy ótti, dep habarlaıdy QazAqparat.

Іs-sharaǵa Qazaqstan Respýblıkasy Mádenıet jáne sport vıtse-mınıstri Nurǵısa Dáýeshov, Qazaqstan teatrlar assotsıatsııasynyń prezıdenti Asanáli Áshimov, Qazaqstan teatr qaıratkerleri odaǵynyń tóraǵasy Tuńǵyshbaı Jamanqulov, Mádenıet jáne sport mınıstrligi Mádenıet jáne óner isteri departamentiniń dırektory Kúmis Seıitova, elimizdiń barlyq óńirinen kelgen 50-den astam teatrdyń basshylary, kórkemdik jetekshileri, zııaly qaýym ókilderi qatysty.

Jıynda qazirgi dramatýrgııanyń jaı-kúıi, jergilikti jerlerdegi halyq teatrlarynyń ahýaly, teatr mamandarynyń biliktiligin arttyrý kýrstaryn jandandyrý, JOO maman daıarlaý, kórkemdik keńestiń talqylaýyna usynylǵan pesalardy saraptaý, teatr óneri salasyna qatysty ártúrli másele talqylandy. Sonymen qatar, basqosýǵa jınalǵandar bıyl maýsym aıynda memlekettik satyp alý týraly zańǵa engizilgen ózgerister jaıynda da usynystaryn aıtty.

Osy rette Qazaqstan teatrlar assotsıatsııasynyń prezıdenti Asanáli Áshimov búgingi otyrysta qyzý talqylanǵan taqyryptardyń kópshiligi burynnan beri bar ekenin, alaıda sheshimin tappaı kele jatqandyǵyna toqtaldy.

«Degenmen, máseleler bar eken dep, qol qýsyryp otyrǵan da jaramaıdy. Máselen, 7-8 jyldyń kóleminde teatr sahnasynda belgili bir obraz qalyptastyrǵan akter shyqqan joq. Bári tek belgili bir róldi somdaýdan ary asa almaı júr. Eger qoǵamdyq qubylys týǵyzyp, kórermen kóńilinen shyǵatyn týyndylar sany artsa qoldaýsyz qalmaıdy», - dedi ol.

Qazaqstan teatr qaıratkerleri odaǵynyń tóraǵasy Tuńǵyshbaı Jamanqulov osydan 15 kún buryn Qazaqstan teatr qaıratkerleri odaǵynyń atynan elimizdegi barlyq teatrlardyń jaı-kúıi men saladaǵy máselelerdiń syrt qalmaýyn aıtyp, Memlekettik hatshyǵa hat joldaǵanyn jetkizdi.

«Sonymen qatar, biz hatta teatr qyzmetkerlerine jan-jaqty qoldaý kórsetý kerektigin, «Qazaqstannyń halyq ártisi», «Qazaqstannyń eńbek sińirgen ártisi» degen ataqtardy qaıtarýdy kóterdik. Qazir ár aımaq óziniń festıvalin ótkize salatyn boldy. Túptep kelgende bul jaqsy úrdis emes. Jalpy festıvalder aıasyn keńeıtip, sahnalanatyn qoıylymdar Teatr qaıratkerleri odaǵy men Qazaqstan teatrlar assotsıatsııasynyń súzgisinen ótip otyrýy kerek. Al osy qoǵamdyq uıymdar mınıstrlikpen qoıan-qoltyq jumys istegende ǵana dramatýrgııany damyta alamyz», - dedi ol.

Q. Qýanyshbaev atyndaǵy Qazaq memlekettik akademııalyq mýzykalyq drama teatrynyń dırektory Ashat Maemırov qazir teatr salasynda menedjmentti damytý kerektigin tilge tıek etti.

«Menedjment degende, Eýropa teatrlarynyń kórermenmen qalaı tyǵyz qarym-qatynas ornatqanyn mysalǵa alýǵa bolady. Osylaısha, óner ordalary janama tabys kózin taýyp, túıindi jáıtterdi ózderi shesher edi»,- dedi A.Maemırov.

Jıyndy qorytyndylaı kele, Mádenıet jáne sport vıtse-mınıstri ashyq ári erkin dıalog bolǵanyn atap ótti.

«Búgin kóterilgen taqyryptardyń barlyǵy hattamaǵa túsirildi. Endi osy boıynsha tıisti organdar jumys isteıtin bolady. Kelesi jıyndy kútip otyrmaı tez arada istiń sheshimin tabýdy qamtamasyz etý mańyzdy», - dedi Nurǵısa Dáýeshov.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT