Dımash Qudaıbergen Reseıdiń «Vıktorııa» júldesin alýy múmkin

NUR-SULTAN. QazAqparat – Qazaqstandyq ánshi Dımash Qudaıbergen Reseıdiń «Vıktorııa» mýzykalyq júldesiniń marapattaý rásimine keldi, dep habarlaıdy QazAqparat.

Uqsas jańalyqtar

Dımash Qudaıbergenniń fan-klýby Nıý-Iorkte úsh jyldyǵyn atap ótti

Dımash Djekı Channyń fılmine saýndtrek jazdy Dımash Qudaıbergen JSTYLE 2019 baıqaýynda jyldyń úzdik ánshisi atandy Dımashtyń beınebaıany TOP 25 qataryna kirdi

Saltanatty sharanyń qyzyl kilemimen júrip ótken ánshini kesh júrgizýshileri qarsy alyp, birqatar suraq qoıdy.

«Men úshin tyńdarmandarymnyń yqylasy qymbat. Tyńdarmandaryma únemi sapaly óner kórsetýge tyrysamyn. Búgin de júldelerdiń birin alsam, tyńdarmandarymnyń eńbegi dep bilemin», - dedi Dımash.

Sonymen birge, onyń qandaı án tyńdaıtyny týraly suraq qoıyldy. «Men qazaqtyń halyq ánderin tyńdaımyn», - dep jaýap berdi ol.

Aıta keteıik, Dımash Reseıdiń «Vıktorııa» mýzykalyq júldesiniń birneshe atalymy boıynsha nomınant atandy. Júlde jeńimpazdary búgin Kreml saraıynyń sahnasynda jarııalanady.

«Vıktorııa» júldesi jyl saıyn úzdik mýzykanttarǵa, aqyndarǵa, oryndaýshylarǵa, prodıýserlerge, jýrnalısterge, mýzyka synshylaryna jáne iri medıaholdıng basshylaryna tabystalady.