+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Memlekettik qyzmet týraly zańǵa qandaı ózgerister engizildi

2019 jylǵy 5 jeltoqsan 19:45
Bólisińiz:
Memlekettik qyzmet týraly zańǵa qandaı ózgerister engizildi

NUR-SULTAN. QazAqparat - Búgin QR Memlekettik qyzmet isteri agenttigi Nur-Sultan qalasy boıynsha departamentiniń basshysy Sársen Jandos osy jyldyń 26 qarashasynda «Qazaqstan Respýblıkasynyń memlekettik qyzmeti týraly» Zańǵa engizilgen ózgeristerdi túsindirip berdi, dep habarlaıdy QazAqparat tilshisi.

Uqsas jańalyqtar

«Osy jyldyń 26 qarashasynda «Memlekettik qyzmet týraly» zańǵa quqyq qoldaný tájirıbesi barysynda anyqtalǵan keıbir olqylyqtar men qaqtyǵystardy joıý úshin ózgertýler engizilgeni belgili. Birinshi: ákimshilik laýazymdarǵa konkýrstan tys taǵaıyndaýǵa quqyǵy bar adamdardyń sany keńeıtildi, oǵan jetekshi sheteldik ýnıversıtetterdiń PhD doktorlaryn jáne halyqaralyq, sheteldik jáne transulttyq uıymdarda sońǵy bes jyldan kem emes jumys tájirıbesi bar mamandar jáne kvazımemlekettik sektor sýbektisinde basshy nemese basshynyń orynbasary laýazymyn atqaratyn adamdar kiredi. Sonymen birge, engizilgen túzetý ákimshilik memlekettik qyzmetke konkýrs arqyly túsýdiń qazirgi táritibin joımaıdy. Atalǵan adamdar belgilengen biliktilik talaptaryna səıkes kelgen kezde ýəkiletti komıssııanyń sheshimimen ornalasa alady. Sheteldik oqý oryndarynyń tizimin memlekettik hatshynyń basshylyǵymen shetelde kadrlar daıarlaý jónindegi respýblıkalyq komıssııa, al halyqaralyq uıymdardyń tizimin ýákiletti komıssııa anyqtaıdy», - dedi ol.

Onyń atap ótýinshe, ekinshiden zańǵa engizilgen birqatar ózgertýler memlekettik qyzmetshilerdiń jaýapkershiligin joǵarylatýdy kózdeıdi. Atap aıtqanda memlekettik qyzmetshilerdiń kásibı jáne basshylyq tájirıbesin tıimdi qoldaný maqsatynda, saıası qyzmetshiler rotatsııasy engizildi. Memlekettik qyzmetshilerdiń ádep normalaryn buzǵany úshin jaýapkershiligin arttyrý maqsatynda, ádep normalary men memleketke kir keltiretin qyzmettik ádepti buzǵany úshin alynbaǵan jazasy bolsa, memlekettik qyzmetshi aýysý nemese konkýrs qorytyndysy boıynsha memlekettik laýazymdarǵa tyıym salynady.

«Úshinshi: Qabyldanǵan Zańǵa sáıkes, damyǵan elderde qoldanylatyn jańashyldyqtar engiziletin bolady. Osylaısha, halyqaralyq tájirıbege sáıkes, memlekettik qyzmetshilerdiń kópshiliginiń qyzmettik kýálikteri sáıkestendirý kartalaryna aýystyrylatyn bolady. Tórtinshi: Memlekettik qyzmetshilerdi qaıta daıarlaý jáne olardyń biliktiligin arttyrý jónindegi kórsetiletin qyzmetterdi satyp alý QR Prezıdenti janyndaǵy bilim berý uıymdarynda jáne olardyń fılıaldarynda, sondaı-aq derbes bilim berý uıymdarynda júzege asyrylatyn bolady. Memlekettik qyzmetshilerdiń biliktiligin arttyrý memlekettik organ qyzmetiniń beıini boıynsha ózge de bilim berý uıymdarynda júzege asyrylýy múmkindigi qarastyrylyp otyr», - dedi.

Sonymen qatar bos basshylyq laýazymdardy jedel toltyrý úshin basshylyq laýazymdardyń mindetterin ýaqytsha taǵaıyndaý merzimi 3 aımen shektelip, memlekettik organdardyń birinshi basshylarynyń kómekshileri men keńesshilerine basshylyq laýazymdardyń mindetterin ýaqytsha taǵaıyndaýǵa tyıym salyndy. Qyzmetin baǵalaýdyń, synaq merziminiń, attestattaý qorytyndysynyń nətıjeleri boıynsha ne teris sebepter boıynsha buryn memlekettik laýazymnan shyǵarylǵan jəne memlekettik əkimshilik qyzmetke qaıtadan kiretin azamattarǵa synaq merzimi mindetti túrde belgilenetin bolady. Quqyq qorǵaý organdarynyń konkýrstyq negizde ornalasatyn laýazymdarynyń tizbesin, konkýrs jáne taǵylymdama ótkizýdiń sharttary men tártibin memlekettik qyzmet isteri jónindegi ýákiletti organmen kelisý boıynsha quqyq qorǵaý organynyń basshysy bekitedi.

«Konkýrsqa qatysatyn memlekettik qyzmetshiler testileýden ótpeıdi. Sonymen qatar, konkýrsqa qatysatyn memlekettik qyzmetshiler men memlekettik qyzmetten shyǵarylǵan kúnnen bastap kúntizbelik otyz kún ishinde konkýrsqa qatysqan adam ýákiletti organ aıqyndaıtyn jaǵdaılarda jeke qasıetterin baǵalaýdan ótedi. Memlekettik laýazymyn tómendetý túrindegi tártiptik jaza ýaqytsha bos laýazymǵa tómendetý túrindegi shekteý engizildi», - dedi departament basshysy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT